ຂ່າວຫຼ້າສຸດ

ຫ້ອງ​ສະ­ໝຸດ ​ມີ​ຄວາມ​ສຳ­ຄັນ​ ຕໍ່​ການ​ພັດ­ທະ­ນາ​ຄົນ ​ແນວ­ໃດ?

1.539 28 ມ.ກ. 2014 ນານາສາລະ

<p style="text-align: justify;"> <strong>ໂດຍ:ດັ້ນ​ກີບ​ເມກ</strong></p> <p style="text-align: justify;"> ຄຳ​ວ່າ ​ຫ້ອງ​ສະ­ໝຸດ​ ນັ້ນເປັນ​ຄຳເວົ້າ​ທີ່​ຄົນ​ເຮົາ​ຮູ້­ຈັກ​ດີ ເພາະ­ວ່າ​ມັນເປັນ​ຂອງ​ຄູ່​ກັນ​ກັບ​ມະ­ນຸດ ແລະ ມະ­ນຸດ​ເອງ​ເປັນ​ຜູ້ສ້າງ​ຂຶ້ນ ​ເພື່ອ​ພັດທະ​ນາ​ມະ­ນຸດ ດັ່ງ­ນັ້ນ ຫ້ອງ​ສະ­ໝຸດ ​ຈຶ່ງ​<strong>ເປັນ​ເຄື່ອງ­ມື​ຂອງ​ການ​ສຶກ​ສາທີ່​ສຳ­ຄັນ​ທີ່​ສຸດ ​ຕໍ່ການ​ພັດ­ທະ­ນາ​ຊີ­ວິດ​</strong> ດ້ວຍ​ການ​ສຶກ​ສາ ​ຄົ້ນ­ຄວ້າ ​ດ້ວຍຕົນ​ເອງ ທ່ານ​ຜູ້​ອ່ານ​ລອງ​ຄິດ​ເບິ່ງ​ວ່າ ການ​ສຶກ​ສາ ມີ​ທັງໃນ​ຫ້ອງ​ຮຽນ ແລະ ນອກ​ຫ້ອງ​ຮຽນ ໂດຍ​ສະ­ເພາະການ​ຄົ້ນ­ຄວ້າ​ສຶກ​ສາ​ນອກ​ຫ້ອງຮຽນ​ນັ້ນ ກໍ່​ແມ່ນ​ຫ້ອງ​ສະ­ໝຸດ ມີ​ບົດ­ບາດ​ສຳ­ຄັນ​ທີ່​ສຸດ​ໃນ​ການ​ສະໜອງ​ຂໍ້​ມູນ​ແກ່​ຜູ້​ທີ່​ຢາກ​ຮູ້.</p> <p style="text-align: justify;"> ຖ້າ​ເວົ້າ​ໃນ​ແງ່​ຄວາມ​ຄິດ​ກ່ຽວ​ກັບ​ການ​ສຶກ​ສາ ແລະ ໂຮງ­ຮຽນ​ແລ້ວ ຫ້ອງ​ສະ­ໝຸດ​ ແມ່ນ​ຫົວ­ໃຈ​ຂອງ​ສະ​ຖາ​ບັນການ​ສຶກ​ສາ ເຊິ່ງ​ຜູ້​ຂຽນ​ເອງກໍ່​ເຊື່ອ​ວ່າ​ ຍັງ​ມີ​ຜູ້​ບໍ­ລິ­ຫານ​ການ​ສຶກ​ສາບາງ​ທ່ານ ​ກໍ່​ຖື​ເບົາ​ເລື່ອງ​ນີ້ ແລະ ບາງ​ໂຮງ­ຮຽນ​ກໍ່​ບໍ່​ໃຫ້​ຄວາມ​ສຳ­ຄັນ​ແກ່​ງົບ­ປະ­ມານ​ໃນ​ການ​ພັດທະ​ນາ​ຫ້ອງ​ສະ­ໝຸດ ຄຳຖາມ​ຈຶ່ງ​ເກີດ​ຂຶ້ນ​ວ່າ: ຖ້າ​ສະ​ຖາບັນ​ການ​ສຶກ​ສາແຫ່ງ​ໜຶ່ງ​ ບໍ່​ມີ​ປຶ້ມ​ຕຳ­ລາ​ພຽງ­ພໍ​ໃຫ້​ແກ່​ການ​ຄົ້ນ­ຄວ້າ​ສຶກ​ສາ​ຂອງ​ນັກຮຽນ​ ແລ້ວ​ຈະ​ໃຫ້​ພວກ​ເຂົາເຮັດ​ແນວ­ໃດ? ຫຼື​ຈະ​ໃຫ້​ຍາດ​ກັນ​ອ່ານ​ປຶ້ມຫົວ​ດຽວ !.</p> <p style="text-align: justify;"> ລວມ​ຄວາມ​ວ່າ: ຫ້ອງ​ສະ­ໝຸດ​ແມ່ນ​ເຄື່ອງ­ມື​ການ​ສຶກ​ສາ​ທີ່​ສຳ­ຄັນຂອງ​ຄົນ​ທຸກ​ຊົນ​ຊັ້ນ ເຊິ່ງ​ທ່ານ​ຜູ້​ອ່ານ​ບາງ​ຄົນຈະເຫັນ​ໄດ້​ວ່າ: <strong>ນັກປາດ​ບາງ​ທ່ານ​ ບໍ່​ແມ່ນ​ວ່າ​ຮຽນ​ຈົບ​ຈາກ​ມະ­ຫາ­ວິ­ທະ­ຍາ­ໄລ ​ແລ້ວ​ຈະເປັນ​ຜູ້​ມີ​ຄວາມ​ຮູ້​ ຊື່​ສຽງໂດ່ງ​ດັງ​ໂລດ !</strong> ແນ່­ນອນ​ພວກ​ເພິ່ນ​ເຫຼົ່າ­ນັ້ນ​ກໍ່​ໄດ້ອາ­ໄສ​ປຶ້ມຕຳ­ລາ​ຢູ່​ຫ້ອງ​ສະ­ໝຸດ​ນີ້​ແຫຼະ​ເປັນ​ສຳ­ຄັນ ​ໃນ​ການ​ສຶກສາຄົ້ນ­ຄວ້າ ສ້າງ​ທິດ​ສະ​ດີ ທັງ​ທຶນ​ນິ­ຍົມ ແລະ ສັງ­ຄົມ​ນິ­ຍົມ​ ໄວ້​ໃຫ້​ເຮົາ​ອ່ານທຸກ​ມື້­ນີ້ ເບິ່ງ​ຄື​ວ່າ​ບໍ່​ຈຳ­ເປັນ​ຕ້ອງ​ຍົກຕົວ­ຢ່າງ​ໃຫ້​ຍືດ​ຍາວ​ທ່ານ​ຜູ້​ອ່ານກໍ່​ຄົງ​ເຂົ້າ­ໃຈ.</p> <p style="text-align: justify;"> ຕໍ່​ມາ​ອີກ​ ທີ່​ເປັນ​ສິ່ງ​ທີ່​ສຳ­ຄັນ ​ກໍ່​ແມ່ນ<strong>​ບັນ­ນາ­ລັກ​ທີ່​ເຮັດ​ວຽກ​ກ່ຽວ​ກັບໜັງ­ສື​ໃນ​ຫ້ອງ​ສະ­ໝຸດ</strong> ເຊິ່ງ​ມີ​ຫຼາຍ​ບົດ­ບາດ​ເປັນ​ທັງ​ຜູ້​ບໍ­ລິ­ຫານ ແລະ ຜູ້​ແນະ­ນຳ​ກ່ຽວ​ກັບ​ການ​ນຳ​ໃຊ້​ປຶ້ມ​ຕຳ­ລາ ດັ່ງ­ນັ້ນ ບັນ­ນາ­ລັກ​ຕ້ອງ​ຮັບຮູ້​ກ່ຽວ​ກັບ​ໜັງ­ສືໃນ​ຫ້ອງ​ສະ­ໝຸດ​ທີ່​ຕົນ​ເຮັດ​ວຽກ ເຊິ່ງ​ຕ້ອງ​ເຮັດ​ໜ້າ­ທີ່ຫຼັກ​ອີກ​ໜ້າ­ທີ່​ຢ່າງ​ໜຶ່ງ ​ນັ້ນຄື: ແນະ­ນຳ​ຜູ້​ບໍ່​ຮູ້​ໃຫ້​ເຂົ້າ​ເຖິງ​ສິ່ງທີ່​ເຂົາ​ຢາກຮູ້ ໂດຍ​ຫຼີກ­ເວັ້ນ​ການ​ຖື​ເບົາ ຫຼື​ວ່າ­ການ​ເຄັ່ງ­ຂຶມ ແລະ ຂີ້­ຄ້ານ​ມັກ­ງ່າຍ ເຊິ່ງຖ້າ​ເປັນ​ແນວ​ນັ້ນ ​ຜູ້​ເຂົ້າ​ມາໃຊ້​ບໍ­ລິ­ການ​ຫ້ອງ​ສະ­ໝຸດ​ຍິ່ງ​ບໍ່​ສະ­ບາຍໃຈ ດ້ວຍ​ເຫດ​ນີ້ ​ທ່ານ​ຜູ້​ອ່ານ​ທີ່​ເຫັນ​ຄວາມ​ສຳ­ຄັນ​ເລື່ອງ​ການ​ຄົ້ນ­ຄວ້າດ້ວຍ​ຕົນ​ເອງ ຈຶ່ງ​ຈະ​ເຫັນ​ຄວາມ​ສຳ­ຄັນ​ຂອງ​ຫ້ອງ​ສະ­ໝຸດ ເຊິ່ງ​ມັນ​ໄດ້ສ້າງ​ນັກ­ປາດ-ປັນ­ຍາ​ຊົນ​ຊື່​ດັງ​ກ້ອງໂລກມາ​ຫຼາຍ​ແລ້ວ ແລະ ທີ່​ສຳ­ຄັນ ບັນ­ດາ​ປະ­ເທດ​ທີ່​ມີ​ການ​ສຶກ​ສາ​ສູງ ແລະ ຈະ­ເລີນ​ກ້າວ­ໜ້າ ​ເຂົາ​ຍ່ອມໃຫ້​ຄວາມສຳ­ຄັນ​ຕໍ່​ການ​ສ້າງ ແລະ ການ​ພັດ­ທະ­ນາ​ຫ້ອງ​ສະ­ໝຸດ ​ໃຫ້ກາຍເປັນ​ສະ​ຖາ​ບັນ​ການ​ສຶກ​ສາ​ຮຽນ​ຮູ້​ຕະ­ຫຼອດ​ຊີ­ວິດ.</p> <p style="text-align: justify;"> ຫ້ອງ​ສະ­ໝຸດ​ມີ​ບົດ­ບາດ​ຫຼາຍ​ດ້ານ ທັງ​ການ​ສຶກ​ສາ ວັດ­ທະ­ນະ­ທຳ ເສດ­ຖະ­ກິດ-ສັງ­ຄົມ ເພາະ­ວ່າ​ການ​ຮຽນ​ຮູ້​ໃນຫ້ອງ​ຮຽນ​ຢ່າງ​ດຽວ​ນັ້ນ​ບໍ່ພຽງ­ພໍ​ຕໍ່​ການ​ກຽມ​ຕົວ​ອອກ​ໄປ​ປະເຊີນ​ກັບ​ໂລກ​ພາຍ​ນອກ​ທີ່​ປ່ຽນ­ແປງຢ່າງ​ໄວ­ວາ ດັ່ງ­ນັ້ນ ຜູ້ຕ້ອງ­ການ​ຄວາມ​ກ້າວ­ໜ້າ​ເຂົາ​ຈຶ່ງ​ໃຫ້​ຄວາມ​ສຳຄັນ​ແກ່​ການ ສຶກ​ສາ​ຄົ້ນ­ຄວ້າ ແລະ ຮຽນ​ຮູ້​ສິ່ງ​ໃໝ່ໆ​ຕະ­ຫຼອດ​ເວ­ລາ ເພື່ອປັບ­ປຸງ​ຕົນ​ເອງ​ໃຫ້​ທັນ​ກັບ​ໂລ­ກາ​ພິ​ວັດ.</p> <p style="text-align: justify;"> ຂໍ​ສັງ​ລວມ​ສັ້ນໆ​ວ່າ: <strong>ຫ້ອງ​ສະ­ໝຸດ​ເປັນ​ຫົວ­ໃຈ​ຂອງ​ການສຶກ​ສາ </strong>ເຊິ່ງ​ເປັນ​ທັງ​ຕັບ​ເປັນ​ທັງ​ບີ ເພາະ­ວ່າ​ມັນ​ເປັນບ່ອນ​ທ້ອນ­ໂຮມ​ຄວາມ​ຮູ້ຕ່າງໆ​ມາ​ໄວ້​ບ່ອນ​ດຽວ ເພື່ອ​ໃຫ້­ການ​ບໍ​ລິການ​ກ່ຽວ​ກັບ​ການ​ສຶກ​ສາ ໃຫ້​ບົດ­ບາດ​ເປັນ​ຜູ້ໃຫ້​ຂໍ້​ມູນ​ຂ່າວ­ສານ ໃຫ້​ສະ­ຖານ­ທີ່​ຄົ້ນ­ຄວ້າ​ວິ­ໄຈ ​ໃຫ້ຄວາມ​ບັນ­ເທີງ​ໃຈ ດັ່ງ­ນັ້ນ ບໍ່​ວ່າ​ຈະ​ເປັນ​ຫ້ອງ​ສະ­ໝຸດ​ປະ­ເພດ​ໃດ​ກໍ່ແລ້ວ­ແຕ່​ ຂໍ​ໃຫ້ມີ​ບັນ­ນາ­ລັກ​ທີ່​ດີ ແລະ ປຶ້ມ​ຕຳ­ລາ​ທີ່​ພຽງ­ພໍ​ ມັນ​ກໍ່​ຄົງ​ຈະດີ​ແກ່​ຜູ້​ເຂົ້າ​ມາ​ນຳ​ໃຊ້​ຄົ້ນ­ຄວ້າສຶກ​ສາ ບໍ່​ດັ່ງ­ນັ້ນ ​ການ​ພັດ­ທະ­ນາ​ຊັບ​ພະຍາ​ກອນ​ມະ­ນຸດ​ໃຫ້​ໄດ້​ຄຸນ​ນະ​ພາບ ​ກໍ່​ຄົງ​ຕ້ອງ​ໄດ້​ຄິດ​ກັນ​ໜັກ​ຂຶ້ນ.</p> <p style="text-align: justify;"> ເຫັນ​ຄວາມ​ສຳ­ຄັນ​ແນວ​ນັ້ນ​ ຜູ້​ກ່ຽວ­ຂ້ອງ​ກໍ່​ຄວນ​ໄດ້​ຄິດ​ຫງຳນຳ?.</p>

ຂ່າວທີ່ກ່ຽວຂ້ອງ