ຂ່າວຫຼ້າສຸດ

ຊີ­ວິດ​ຄົນ​ຜູ້​ໜຶ່ງ ອາດ​ຢູ່​ຍືນ​ເຖິງ 300 ປີ

1.560 27 ມ.ກ. 2014 ນານາສາລະ

<p style="text-align: justify;"> <strong>ໂດຍ: ແນວ​ລາວ</strong></p> <p style="text-align: justify;"> ຕົ້ນ​ປີ 2014 ຫາ​ເລື່ອງມ່ວນໆ​ດີໆ​ມາ​ລົມ​ສູ່​ກັນຟັງ​ນໍ? ມື້­ກ່ອນ​ອ່ານ​ຂ່າວໃນ​ໜັງ­ສື­ພິມ​ກອງ­ທັບ​ປະຊາ​ຊົນຫວຽດ­ນາມ ສະ­ບັບປະ­ຈຳ​ອາ­ທິດ (ອອກ​ທີ 16/01/ 2014) ໃນ​ໜ້າ​ຂ່າວ​ຕ່າງ​ປະເທດ.</p> <p style="text-align: justify;"> ເພິ່ນ​ເວົ້າ​ວ່າ: ຄົນ​ເຮົາ​ນີ້​ນັບ​ມື້​ນັບ​ມີ​ອາ­ຍຸ​ຍືນ.</p> <p style="text-align: justify;"> ເວົ້າ​ເລື່ອງ​ອາ​ຍຸ­ຄົນ​ນີ້​ ເພິ່ນ​ຂຽນ​ໄວ້​ວ່າ: ໃນ​ປີ 1798 ນັກຊ່ຽວ­ຊານ​ໄດ້​ຄົ້ນ­ຄວ້າ​ທາງ​ວິ­ທະ­ຍາ­ສາດ ແລະ ກຳ­ນົດໄວ້​ວ່າ ຄົນ​ທີ່​ມີ​ອາ­ຍຸ​ຍືນ​ສູງ​ສຸດ​ແມ່ນ 103 ປີ​ທໍ່​ນັ້ນ ມາ​ຮອດ​ປີ 1997 ມີ​ແມ່­ເຖົ້າ ກະ​ລັງ­ກາ​ເມນ ຄົນ​ຝຣັ່ງ ອາ­ຍຸຍືນ​ເຖິງ 122 ປີ.</p> <p style="text-align: justify;"> ຫາກ​ເວົ້າ​ເລື່ອງ​ອາ­ຍຸ​ຍືນ​ນີ້​ບັນ­ດາ​ນັກ­ວິ­ທະ­ຍາ­ສາດ​ໃນໂລກ ເປັນ­ຕົ້ນ​ແມ່ນ​ນັກ­ວິ­ທະ­ຍາ­ສາດ​ຣັດ​ເຊຍ ອີ​ວານ ປານລົບ ເຈົ້າ​ຂອງ​ລາ­ງວັນ​ໂນ​ເບນ ສາ­ຂາ​ຊີ­ວະ​ວິ­ທະ­ຍາ ຢືນ­ຢັນວ່າ ຄົນ​ມີ​ອາ­ຍຸ​ຍືນ​ສູງ​ສຸດ​ແມ່ນ 120 ປີ ສ່ວນນັກ​ວິ­ທະ­ຍາສາດ​ຣັດ​ເຊຍ​ ອີກ​ທ່ານ​ໜຶ່ງ ອີ​ເລຍ ແມັກ​ຍີ່​ກົບ ກໍ່​ແມ່ນ​ເຈົ້າຂອງ​ລາ­ງວັນ​ໂນ​ເບນ​ຄື​ກັນ ຢັ້ງ­ຢືນ​ວ່າ ຄົນ​ຈະ​ມີ​ອາ­ຍຸ​ຍືນ​ເຖິງ 300ປີ ພາຍ​ໃຕ້​ເງື່ອນ­ໄຂ​ການ​ດຳ­ລົງ​ຊີ­ວິດ​ທີ່​ຄົນ​ໃນ​ສະ­ຕະວັດ​ທີ XX ບໍ່​ສາ­ມາດ​ເຮັດ​ໄດ້ ຄິດ​ວ່າ​ຄົນ​ໃນ​ສະ­ຕະ­ວັດ​ທີ XXI ມີ​ຄວາມ​ສາ­ມາດ​ປະ­ຕິ­ບັດ​ໄດ້ ທັງ​ນີ້ຍ້ອນ​ວ່າ­ ຄວາມ​ກ້າວ­ໜ້າທາງ​ເຕັກ­ນິກ-ວິ­ທະ­ຍາ­ສາດ​ອັນ​ກ້າວ​ໄກ ອາ­ຍຸ​ຍືນ 100 ປີ​ຈຶ່ງຢູ່​ໃນ​ກຳ­ມື.</p> <p style="text-align: justify;"> ໃນ​ຄວາມ​ເປັນ​ຈິງ​ນັບ​ແຕ່​ທ້າຍ​ສະ­ຕະ­ວັດ​ທີ XX ຫາ​ຕົ້ນສະ­ຕະ­ວັດ​ທີ XXI ກໍ່​ເຫັນ​ວ່າ​ ອາ­ຍຸ​ຍືນ​ຂອງ​ຄົນ​ເຮົາ​ມີ​ທ່າຝືນຂຶ້ນ​ນັບ​ມື້ ເວົ້າ​ສະ­ເພາະ​ຢູ່​ປະ­ເທດ​ສະ­ຫະ­ລັດ​ອາ­ເມ­ລິ­ກາ ສາດສະ​ດາ​ຈານ​ຈາກ​ມະ­ຫາ­ວິ­ທະ­ຍາ­ໄລ Stanford ບອກ​ວ່າ: ຍ້ອນ​ຄວາມ​ກ້າວ­ໜ້າ​ທາງ​ການ​ແພດ ​ໄດ້​ເຮັດ​ໃຫ້​ຄົນ​ມີ​ອາ­ຍຸຍືນ​ຂຶ້ນ ເພາະ­ວ່າ​ໃນ 5 ປີ​ໃດ​ວົງ​ການ​ແພດ​ສາ­ມາດ​ຜະ­ລິດ​ຢາຊ່ວຍ​ໃຫ້​ຄົນ​ມີ​ອາ­ຍຸ​ຍືນ​ຂຶ້ນ​ໄດ້ 1 ປີ ຮອດ​ປີ 2025 ສະ­ຖິ­ຕິ​ນີ້ອາດ​ປ່ຽນ­ແປງຫຼາຍ​ປີ​ຂຶ້ນ ທັງ​ນີ້ ເພາະ​ເຕັກ­ນິກ​ໃນ​ການ​ປິ່ນປົວ​ຖືກ​ນຳ​ເຂົ້າ​ມາ ໂດຍ​ສະ­ເພາະ​ແມ່ນ​ການ​ປູກ​ຈຸ​ລັງ ຊຶ່ງເຫັນ​ວ່າ​ມີຜົນ​ດີ​ຫຼາຍ.</p> <p style="text-align: justify;"> ອີງ​ຕາມ​ວາ­ລະ­ສານ Dell Reports ໃຫ້​ຮູ້​ວ່າ: ນັກ​ຄົ້ນຄວ້າ​ຢູ່​ສະ­ຫະ­ລັດ​ອາ­ເມ­ລິ­ກາ​ ໄດ້​ທຳ​ການ​ທົດ​ລອງ​ປູກ​ຈຸລັງ​ໃໝ່​ທົດ​ແທນ​ຈຸ​ລັງ​ເກົ່າ​ທີ່​ເສື່ອມ​ຄຸນ​ນະ​ພາບ​ໃນ​ໂຕ​ຂີ້​ກະເດືອນ Caenorhabditis elegans ຖື​ວ່າ​ເປັນ​ສັດຄ້າຍ­ຄືມະ­ນຸດ​ໃນ​ບາງ​ຈຸ​ລັງ​ໄດ້​ຮັບ​ຜົນ​ດີ ເຮັດ​ໃຫ້­ການ​ຄົ້ນ­ຄວ້າ​ກ່ຽວກັບ​ການ​ຢືດ​ອາ­ຍຸ­ໄຂ-ສັງ­ຂານ​ຂອງ​ມະ­ນຸດເຮົາ​ ນັບ​ມື້​ຫຍັບ​ໃກ້ເຂົ້າ​ສູ່​ຄວາມ​ເປັນ​ຈິງ​ຫຼາຍ​ຂຶ້ນ... ຈາກ​ນີ້​ໄປ​ນັກ­ວິ­ທະ­ຍາ­ສາດຈະ​ນຳ­ໄປ​ສູ່​ການ​ທົດ​ລອງ​ໃນໂຕ​ໜູ ເພື່ອ​ຊອກ​ຮູ້​ປະ­ຕິ­ກິ­ລິ­ຍາທາງ​ບວກ ແລະ ລົບ ​ໃນ​ສັດ­ລ້ຽງ​ລູກ​ດ້ວຍ​ນ້ຳ​ນົມ... ການຄົ້ນ­ຄວ້າ​ນີ້​ອາດ​ໃຊ້​ເວ­ລາ​ຫຼາຍ​ປີ​ຈຶ່ງ​ຈະ​ສາ­ມາດ​ນຳ​ມາທົດ​ລອງ​ໃນ​ມະ­ນຸດ​ເຮົາ ເພື່ອ​ເຮັດ​ໃຫ້​ມີ​ອາ­ຍຸ​ຍືນ​ຍາວ​ຂຶ້ນ ແຕ່​ຄິດ​ວ່າ​ຈາກ​ຜົນການ​ຄົ້ນ­ຄວ້າ ແລະ ທົດ​ລອງ​ຜ່ານ​ມາໄດ້​ເປີດ​ເສັ້ນ­ທາງ​ທີ່​ມີ​ຄວາມ​ຫວັງ​ໃນ​ການ​ເພີ່ມ​ອາ­ຍຸ​ສັງ­ຂານ ລວມ​ເຖິງການ​ຟື້ນ​ຟູ​ຈຸ​ລັງ​ທີ່​ໝົດ​ໄປ... ເສື່ອມ​ໄປ ​ໃຫ້​ມີ​ຈຸ​ລັງເກີດ​ມາ​ໃໝ່​ທົດ​ແທນ ກາຍ­ເປັນ​ຄົນ​ບໍ່​ຮູ້​ເຖົ້າ​ຮູ້​ແກ່ ຍາມ​ໃດຮ່າງ­ກາຍ ຜິວ​ພັນ ກໍ່​ເປັນ​ຄື​ຄົນ​ໜຸ່ມ­ແໜ້ນ​ຢູ່​ຕະ­ຫຼອດ.</p> <p style="text-align: justify;"> ທັງ​ໝົດ​ນັ້ນ​ນັກ­ວິ­ທະ­ຍາ­ສາດ​ບອກ​ວ່າ: ຜູ້​ໃດ​ປະ­ຕິ­ບັດ​ຕາມຂັ້ນ​ຕອນ​ການ​ດຳ­ລົງ​ຊີ­ວິດ​ບໍ່​ຫັກ​ໂຫມ​ເກີນ​ໄປ... ການ​ກິນ​ຢູ່​ກໍ່ຢູ່​ໃນ​ຂອບ​ເຂດ ໝາ­ຍວ່າ​ປະ­ຕິ­ບັດ​ຕາມ​ຂັ້ນ​ຕອນ​ທາງ​ວິ­ທະ­ຍາສາດ ຕາມ​ແພດ​ໝໍ​ທໍ່​ນັ້ນ​ ຈຶ່ງ​ຈະ​ມີອາ­ຍຸ​ຍືນ​ເກີນ 100 ປີ ຈົນເຖິງ 300 ປີ.</p> <p style="text-align: justify;"> ... ຟັງ​ແລ້ວ! ກໍ່​ໜ້າ​ຄິດ ເພາະ​ຢູ່​ເຖິງ 300ປີ ຢ້ານ​ຄົນ​ລົ້ນໜ່ວຍ​ໂລກ.</p>

ຂ່າວທີ່ກ່ຽວຂ້ອງ