ຂ່າວຫຼ້າສຸດ

ສື່​ໄທ ຍອມ­ຮັບ​ການ​ພັດ­ທະ­ນາ​ໄຟ​ຟ້າ​ຂອງ​ລາວ

2.610 17 ມ.ກ. 2014 ນານາສາລະ

<p style="text-align: justify;"> <strong>ໂດຍ: ແນວ​ລາວ</strong></p> <p style="text-align: justify;"> ເປັນ​ເລື່ອງ​ໃຫຍ່​ຂອງວົງ​ການ​ສື່​ມວນ​ຊົນ​ໄທ ໂດຍ​ສະ­ເພາະໜັງ­ສື­ພິມຜູ້​ຈັດການທີ່ຍອມຮັບການພັດ­ທະ­ນາ​ໄຟ­ຟ້າຂອງ​ລາວ​ເຮົາ ໂດຍ​ຢືນ­ຢັນ​ວ່າ: ໃນ​ບໍ່​ພໍ​ທໍ່​ໃດ​ປີ​ຂ້າງ​ໜ້າ​ນີ້​ ລາວ ຈະ​ກາຍ­ເປັນດິນ­ແດນ​ແຫ່ງ​ເຂື່ອນ​ຜະ­ລິດ​ໄຟ­ຟ້າ...</p> <p style="text-align: justify;"> AsTv ຜູ້​ຈັດ­ການ​ອອນ​ໄລ ວັນ​ທີ 12ມັງ­ກອນ 2014 ລົງ​ຂ່າວ​ໃນ​ຫົວ­ຂໍ້: “<strong>ອະ​ເມ​ຊິງ​ຈິງໆ​ວັນ​ນີ້ ລາວ​ ປະ­ເທດ​ເລັກໆ ມີ​ເຂື່ອນ​ແລ້ວ 23 ເຂື່ອນ​ ກຳ­ລັງ​ສ້າງ​ອີກ​ນັບ​ສິບ...</strong>” ເນື້ອ​ໃນຂອງ​ຂ່າວ​ພໍສະ­ຫຼຸບ​ໄດ້​ວ່າ: ໃນ​ປີ 2013 ຜ່ານ​ມາ ສປປ ລາວ ເປັນ​ປະ­ເທດ​ນ້ອຍ ມີ​ພົນ­ລະ­ເມືອງ​ປະ­ມານ 6 ລ້ານ​ຄົນ ມີເຂື່ອນ​ຜະ­ລິດ​ໄຟ­ຟ້າ​ດ້ວຍ​ພະ­ລັງ​ນ້ຳ​ທີ່​ເປີດ​ການ​ນຳ​ໃຊ້​ແລ້ວທັງ​ໝົດ 23 ແຫ່ງ ແລະ ອີກ 10 ແຫ່ງ​ຢູ່​ລະ­ຫວ່າງ​ການ​ກໍ່ສ້າງ ແລະ ຄາດ​ວ່າ​ຈະ​ສຳ­ເລັດ​ໃນ​ປີ 2014 ຈຳ­ນວນ​ໜຶ່ງເຂື່ອນທີ່​ຜະ­ລິດ​ໄຟ­ຟ້າ​ໃນ​ປັດ­ຈຸ­ບັນ​ ເປັນ​ຂອງ​ເອ­ກະ​ຊົນ​ສຳ​ປະທານ 13 ແຫ່ງ ເຫຼືອ​ນັ້ນ​ເປັນ​ຂອງ​ລັດ (ຂອງ​ເອ­ກະ​ຊົນ​ມີຮຸ້ນ​ຂອງ​ລັດ​ຕ່ຳ​ສຸດ 10%) ໃນ​ປີ­ຜ່ານ­ມາ​ປະ­ຊາ­ຊົນ​ໃນ 143 ເມືອງ 6.797 ບ້ານ 926.341 ຄອບ­ຄົວ ມີ​ໄຟ­ຟ້າ​ໃຊ້​ກວມ 85,84%ຂອງ​ຄອບ­ຄົວ​ທົ່ວ​ປະ­ເທດ.</p> <p style="text-align: justify;"> ນອກ­ຈາກ​ເຂື່ອນ​ພະ­ລັງ​ນ້ຳ​ແລ້ວ ຍັງ​ມີ​ການ​ກໍ່­ສ້າງ​ໄຟ­ຟ້າພະ­ລັງ​ຄວາມ​ຮ້ອນ​ຈາກ​ຖ່ານ​ຫີນ​ຢູ່ແຂວງ​ໄຊ​ຍະ​ບູ​ລີ ການ​ຜະລິດ​ໄຟ­ຟ້າ​ຈາກ​ພະ­ລັງ­ງານ​ແສງ​ອາ­ທິດ ແລະ ທີ່​ສຳ­ຄັນ​ແມ່ນການ​ກໍ່­ສ້າງ​ໂຮງ​ໄຟ­ຟ້າ​ໂດຍ​ໃຊ້​ວັດ­ຖຸ​ດິບ​ຈາກ​ຂີ້​ເຫຍື້ອ​ຂະໜາດ 5 ເມ​ກາ​ວັດ ຢູ່​ນະ­ຄອນ­ຫຼວງ​ວຽງ​ຈັນ ໂຄງ­ການ​ຜະລິດ​ເຊື້ອ​ໄຟ​ຈາກ​ພືດ​ທີ່​ໃຫ້​ນ້ຳ­ມັນ ເຊັ່ນ: ຕົ້ມ​ປາມ​ນ້ຳ­ມັນ ສະ­ບູດຳ​ ອີກ​ຈຳ­ນວນຫຼວງ­ຫຼາຍ... ຂ່າວ​ເນັ້ນ​ວ່າ: ປະ­ເທດ​ໄທ ​ເປັນລູກ​ຄ້າ​ລາຍ​ໃຫຍ່​ທີ່​ສຸດ​ຂອງ​ລາວ ໂດຍ​ເຊັນ​ຊື້​ກະ­ແສ​ໄຟ­ຟ້າແລ້ວ 7 ພັນ​ເມ​ກາ​ວັດ.</p> <p style="text-align: justify;"> ຂ້າງ​ເທິງ​ນັ້ນ​ແມ່ນ​ຂໍ້​ມູນ​ຈາກ​ສື່​ໄທ​ ທີ່​ລົງ​ຂ່າວ​ກ່ຽວ​ກັບ​ການພັດ­ທະ­ນາ​ໄຟ­ຟ້າ​ຂອງ​ລາວ​ເຮົາ.</p> <p style="text-align: justify;"> ການ​ທີ່​ຜູ້​ຂຽນ​ຍົກ​ບັນ­ຫາ​ນີ້​ກໍ່​ເພື່ອ​ຢາກ​ໃຫ້​ເພື່ອນ​ຜູ້​ອ່ານ​ໄດ້ຮັບ​ຮູ້​ວ່າ​ ແນວ­ທາງ​ການ​ພັດ­ທະ­ນາຂອງ​ປະ­ເທດ​ເຮົາ ໂດຍ​ສະເພາະ​ແມ່ນ​ການ​ຫັນ​ໄປ​ສູ່​ປະ­ເທດ​ອຸດ­ສາ­ຫະ­ກຳ​ໃນ​ອະ­ນາ­ຄົດ ທີ່​ຖືເອົາ​ໄຟ­ຟ້າ​ເປັນ​ຫຼັກ​ໃນ​ການ​ສົ່ງ​ອອກ ​ແມ່ນ​ຖືກ­ຕ້ອງ​ສອດຄ່ອງ​ທີ່​ສຸດ... ລອງ​ສຳ­ນຶກ​ເບິ່ງ​ລະ­ບົບການ​ສົ່ງ​ອອກ​ກໍ່​ບໍ່​ສິ້ນເປືອງ ແລະ ຊັກ​ຊ້າ ເພາະ​ມີ​ແຕ່​ການ​ສົ່ງ​ສາຍ​ສົ່ງ​ຜ່ານ​ລະບົບ​ໄຟ­ຟ້າ​ເຊື່ອມຕໍ່​ໂລດ.</p> <p style="text-align: justify;"> ຫາກ​ເບິ່ງ​ຂໍ້​ມູນ​ຈາກ​ຄວາມ​ເປັນ​ຈິງ​ຢູ່​ບ້ານ​ເຮົາ​ແລ້ວ ຈະເຫັນ​ວ່າ ລັດ​ວິ​ສາ​ຫະ​ກິດ​ໄຟ­ຟ້າ​ລາວ​ແມ່ນ​ໜຶ່ງ​ໃນ​ໝົດ​ຫົວໜ່ວຍ​ທຸ­ລະ​ກິດ​ຂອງ​ລັດ ​ທີ່​ໄດ້​ດຳ­ເນີນ​ທຸ­ລະ​ກິດ​ມີ​ປະ​ສິດ­ທິ​ຜົນ ສາ­ມາດສ້າງ​ລາຍ​ຮັບ​ໄດ້​ສະ­ເລ່ຍ​ປະ­ມານ 1.600-1.800 ຕື້ກີບ​ຕໍ່​ປີ ໃນ​ນີ້ ລາຍ​ຮັບ​ຈາກ​ການ​ສົ່ງ​ອອກປະ­ມານ 15-20 ລ້ານ​ໂດ​ລາ​ສະ­ຫະ­ລັດ​ຕໍ່​ປີ ເປັນ​ແບບ­ຢ່າງ​ມອບ​ອາ­ກອນ​ທຸ­ລະກິດ​ໃຫ້​ລັດ­ຖະ­ບານ​ຢ່າງ​ຖືກ­ຕ້ອງ ຄົບ​ຖ້ວນ ແລະ ທັນ​ເວ­ລາ ຊຶ່ງ​ໃນ​ແຕ່​ລະ​ປີ​ສາ­ມາດ​ປະ­ຕິ­ບັດ​ໄດ້​ປະ­ມານ 20 ລ້ານ​ໂດ​ລາສະ­ຫະ­ລັດ ເພື່ອນ​ຜູ້​ອ່ານ​ຄວນ​ຊອກ​ຮູ້​ຂໍ້​ມູນ​ຕື່ມ​ອີກ ເພື່ອ​ສ້າງຄວາມ​ເຂົ້າ­ໃຈ​ວ່າ ​ໃນການ​ພັດ­ທະ­ນາ​ປະ­ເທດ​ຊາດ​ບ້ານ​ເມືອງເຮົາ​ນີ້​ມີ​ຫຼາຍ​ຂະ­ແໜງ​ປະ­ສົບ​ຜົນ­ສຳ­ເລັດ​ຈົນ​ວ່າ​ປະ­ເທດ​ໃກ້ຄຽງ​ ກໍ່​ຄື​ສາ­ກົນ ​ໃຫ້­ການ​ຍອມ­ຮັບ.</p> <p style="text-align: justify;"> ປີ​ໃໝ່ 2014 ຄວນ​ຊອກ​ຫາ​ຂໍ້​ມູນ​ໃໝ່ ແລະ ດີ​ ມາ​ເປັນອາ­ຫານ​ສະ­ໝອງ​ ເພື່ອ​ຄວາມ​ສົດ­ຊື່ນແຈ່ມ​ໃສ​ຂອງ​ສຸ​ຂະພາບ​ຈິດ​ ກໍ່​ຄື​ຮ່າງ­ກາຍ​ເນີ !...</p>

ຂ່າວທີ່ກ່ຽວຂ້ອງ