ຂ່າວຫຼ້າສຸດ

ຈະ​ລໍ­ຖ້າ​ບຸນ​ວາດ​ສະ­ໜາ 2014 ມາ​ລັນ​ທັບ ຫຼື ຈະ​ທຸ່ມ​ເທ​ສ້າງ​ຜົນ­ງານ​ດ້ວຍ​ຕົນ​ເອງ

1.746 15 ມ.ກ. 2014 ນານາສາລະ

<p style="text-align: justify;"> <strong>ໂດຍ: ດອກ​ຊ້ອນ ດອນ​ໂຂງ</strong></p> <p style="text-align: justify;"> ບັນ­ຍາ­ກາດ​ຂອງ​ບຸນປີ​ໃໝ່​ສາ­ກົນ 2014 ຜ່ານໄປ ປະ​ໄວ້​ແຕ່​ກິ່ນ​ອາຍ​ໃຫ້ຫຼົງ​ເຫຼືອ​ຢູ່​ໃນ​ສັງ­ຄົມ​ພໍອຸ່ນໆ ຜູ້​ຄົນ​ທີ່ພົບ­ພໍ້​ກັນ​ໃນ​ບ່ອນ​ເຮັດ​ວຽກ​ເຮັດ​ງານ​ມື້​ທຳ​ອິດຂອງ​ປີ​ໃໝ່ (ວັນ​ທີ 2/1) ຕ່າງ​ກໍ່​ທັກ​ທາຍ​ສະ­ບາຍ­ດີ​ປີ​ໃໝ່​ກັນຕາມປະ­ເພ­ນີ ຈາກ​ນັ້ນ ກໍ່​ຖາມ​ເຖິງ​ກິດ­ຈະ­ກຳ​ເມື່ອ​ວັນ​ພັກຜ່ານ​ມາ​ວ່າ ເຮັດ​ຫຍັງ ຢູ່​ໃສ ກັບ​ໃຜ ເປັນ​ແນວ­ໃດ ມ່ວນ​ບໍ ປອດ​ໄພ​ບໍ ? ສຸດ​ທ້າຍ​ກໍ່​ພາ­ກັນສັງ­ເກດ​ຫຼຽວ​ໄປ​ຫາ​ອະ​ນາຄົດ​ຂ້າງ​ໜ້າ​ວ່າ ປີ 2014 ຈະ​ມີຫຍັງ​ດີ​ລື່ນ​ປີ 2013 ຜ່ານມາ ຄວາມ​ໄຝ່​ຝັນ​ຢາກ​ໃຫ້​ປະ­ສົບ​ຜົນ­ສຳ­ເລັດ​ໃນ​ໜ້າ­ທີ່​ວຽກງານ​ດີ​ກວ່າ​ເກົ່າ​ ຈະ​ແກ້​ໄຂ​ດ້ວຍ​ວິ­ທີ​ໃດ ຄວາມສົມ​ຫວັງ​ດັ່ງ​ໃຈປາດ​ຖະ​ໜາ ​ຈະ​ມາ​ເຖິງ​ມື​ເຮົາ​ໄດ້ແທ້​ບໍ ຈະ​ລໍ­ຖ້າ​ໃຫ້​ບຸນ​ຫຼົ່ນທັບ ຫຼື ຕ້ອງ​ດິ້ນຮົນ ກະ​ຕື​ລື​ລົ້ນ​ສ້າງຜົນ­ງານ ເພື່ອ​ໃຫ້​ໄດ້​ມາທັງ​ປະ­ລິ­ມານ ແລະ ຄຸນ​ນະ​ພາບ.</p> <p style="text-align: justify;"> ຫຼາຍ​ຄົນ​ຍັງ​ທຳ​ຕົວ​ແບບ​ລອຍໆ​ຕາມ​ກະ­ແສ​ວ່າ ປີ​ເກົ່າ ຫຼື ປີ​ໃໝ່​ ກໍ່​ແມ່ນ​ເປັນ​ແນວ​ດຽວ​ແລວ​ເກົ່າ ເພາະ​ຊາ­ຕາວາດ​ສະໜາ​ຄື​ດັ່ງ​ຊຸມ​ເຮົາ​ເຈົ້າ​ຂ້ອຍ​ທີ່​ເປັນ​ມະ­ນຸດ​ເງິນ­ເດືອນ ມັນ​ກໍ່ແມ່ນ​ຄື­ເກົ່າ ກິນ​ຕາມ​ໃຫ້ ໃຊ້​ຕາມ​ເບີກ ເລີກຕາມ​ໂມງ ​ນັ້ນເຫັນ​ວ່າ​ເປັນ­ຄວາມ​ຄິດ​ທີ່​ຜິດ­ພາດ ຂາດ​ການ​ພັດ­ທະ­ນາ​ໄປ​ສູ່ຄວາມ​ກ້າວ­ໜ້າ​ຢ່າງ​ເປັນ​ຈິງ​ເປັນ­ຈັງ ດີ​ແທ້...ເມື່ອ​ຫຼຽວ​ເຫັນສິ່ງ​ຜິດ­ພາດ​ເມື່ອ​ປີ­ຜ່ານ­ມາ ຂໍ​ໃຫ້​ສິ່ງ​ເຫຼົ່າ­ນັ້ນ​ເປັນ​ບົດ­ຮຽນ ເປັນ​ຄູ​ສອນ ​ໃນ​ການ​ປັບ­ປຸງ​ເສັ້ນ­ທາງ​ເດີນ​ຂອງ​ຊີ­ວິດ​ໃໝ່ ບໍ່ຄວນ​ມີ​ຄວາມ​ນ້ອຍ​ເນື້ອ​ຕ່ຳ​ໃຈ ປະ­ລະ​ວຽກ​ງານ ເສຍ​ກຳ­ລັງໃຈ ​ຈົນ​ເສຍ​ຜູ້ເສຍ​ຄົນ ຕ້ອງ​ເຂົ້າ­ໃຈ​ວ່າ ​ຊີ­ວິດ​ຄື​ການ​ຕໍ່­ສູ້ ສູ້​ກັບຕົນ​ເອງ​ລະ­ຫວ່າງ 2 ກະ­ແສ​ແນວ​ຄິດ​ທີ່​ເປັນ​ປໍ​ລະ​ປັກ​ກັນ ສູ້ກັບຕົນ​ເອງ​ນັ້ນ ຄື​ການ​ຕັດ­ສິນ​ໃຈ​ໃຫ້​ກາຍ­ເປັນ​ບາດ​ລ້ຽວ​ໃໝ່ແກ່​ຊີ­ວິດ ຈະ​ເປັນ​ອາ­ຊີບ​ໃດ​ກໍ່​ຕາມ ​ສາ­ມາດ​ປັບ​ຕົວໃຫ້​ມີ​ບາດກ້າວ​ພັດ­ທະ­ນາ​ດີ​ຂຶ້ນ​ກວ່າ​ເກົ່າ​ໄດ້ ໂດຍ​ທີ່​ຈະ​ຕ້ອງ​ເດັດ­ດ່ຽວວ່າ ປີ​ນີ້​ຕ້ອງ​ບຸກ​ບືນ​ໃຫ້​ດີ​ຂຶ້ນ​ກວ່າ​ປີ­ຜ່ານ­ມາ ແລະ ຕ້ອງ​ເນັ້ນໜັກ​ເຖິງ​ຄວາມ​ຖືກ­ຕ້ອງ ເປັນ​ທຳ ຖືກ​ກົດ­ໝາຍ ດ້ວຍ​ການເພີ່ມ​ທະ­ວີ​ຄວາມ​ຂະ­ຫຍັນຂັນ​ແຂງ ​ສ້າງ​ປະ​ສິດ­ທິ​ຜົນ​ຂອງງານຫຼາຍ​ກວ່າ​ເກົ່າ​ເຖິງ 5 ທົບ 10 ທົບ ບໍ່​ຕ້ອງ​ສົມ​ທຽບ­ໃສ່​ຜູ້​ໃດ ຕ້ອງ​ແຂ່ງ­ຂັນກັບ​ຕົນ​ເອງ​ເປັນ​ຫຼັກ ຕ້ອງ​ມີ​ຄະ­ຕິ​ປະ­ຈຳ​ຕົວ ເກົ້າ​ອົດ ເກົ້າ​ເຍື້ອນ​ ຫາກ​ຈະ​ໄດ້​ຕ່ອນ​ຄຳ.</p> <p style="text-align: justify;"> ນອກ­ຈາກການ​ກະ­ທຳ​ຄື​ດັ່ງ​ໄດ້​ກ່າວ​ມາ​ແລ້ວ​ນັ້ນ ແບບແຜນ​ດຳ­ລົງ​ຊີ­ວິດ​ປະ­ຈຳ​ວັນ​ຕົວ​ຈິງ​ກໍ່​ຕ້ອງ​ມີ​ການ​ເບິ່ງ​ຄືນ ບາງ​ຢ່າງ​ທີ່​ບໍ່​ສອດ­ຄ່ອງ ບໍ່​ຈຳ­ເປັນ​ ຈະ​ຕ້ອງ​ປະ​ລະ­ຖິ້ມ​ໄປ ຕ້ອງຮູ້­ຈັກ​ກັບ​ຄຳ​ວ່າ ຄວາມ​ພໍ­ດີ ຫຼີກ­ເວັ້ນ​ຄວາມ​ຟູມເຟືອຍ ​ແລ່ນນຳ​ກະ­ແສ​ບໍ­ລິ­ໂພກ​ນິ­ຍົມ​ວັດ­ຖຸ ສິນ­ຄ້າ​ຂີ້​ເຫຍື້ອ ໜ້າ​ຕາ​ກຽດສັກ​ສີ​ແບບ​ປອມ​ແປງ​ ຫາ​ບ່ອນ​ເອົາ​ບໍ່ໄດ້​ໃຫ້​ໄກ ສ້າງ​ແບບແຜນ​ດຳ­ລົງ​ຊີ­ວິດ​ໃໝ່ ຕິດ​ພັນ​ກັບ​ແບບ­ແຜນ​ວິ­ທີ​ເຮັດ​ວຽກ​ໃໝ່ໃຫ້​ກັບ​ຕົນ​ເອງ ການ​ສ້າງຜົນ­ງານ​ໃໝ່​ໃຫຍ່​ກວ່າ​ເກົ່າ​ບໍ່​ແມ່ນເວົ້າ​ແຕ່​ປາກ​ລ້າໆ ແຕ່​ມັນ​ຕ້ອງ​ສະ­ແດງ​ອອກ​ໃນ​ພາກ​ປະ­ຕິບັດ​ຕົວ​ຈິງ ອາ­ຊີບໃດ​ກໍ່​ສາ­ມາດ​ປັບ​ຕົວ​ໄດ້​ເພື່ອ​ການ​ຍາດ​ເອົາຜົນ­ສຳ­ເລັດ​ໃໝ່​ ໂດຍ​ບໍ່​ເຫັນ­ແກ່​ຄວາມ​ອິດ­ເມື່ອຍ ຫຼື ການ​ເຮັດວຽກແບບ​ມ້າມ​ແປະ​ພຸງ ແບບ​ເສຍ​ຫຍ້າ​ປົກ​ຂີ້​ໝາ ​ທີ່​ແຝງຊ້ອນ​ກັບ​ສິ່ງ​ຫຍໍ້­ທໍ້​ອື່ນໆ.</p> <p style="text-align: justify;"> ການ​ຈະ​ສ້າງ​ໃຫ້​ໜ້າ​ວຽກ​ມີ​ຜົນ­ສຳ­ເລັດ​ໃໝ່​ ແມ່ນ​ຈະ​ຕ້ອງເລີ່ມ​ຈາກ​ຕົນ​ເອງ ຜ່າ­ຕັດ​ແບບ­ແຜນ​ວິ­ທີ​ເຮັດ​ວຽກ ແລະ ແບບ­ແຜນ​ດຳ­ລົງ​ຊີ­ວິດ​ໄປ​ພ້ອມໆ​ກັນ ໂດຍ​ຈະ​ປ່ອຍ­ປະ​ສິ່ງ​ໃດສິ່ງ​ໜຶ່ງ​ໃຫ້​ລອຍ​ນວນ​ບໍ່​ໄດ້ ເນື່ອງ​ຈາ​ກວ່າມັນ​ມີ​ການ​ກົມ­ກຽວສານ​ສອດ​ກັນ​ໄປ ໂດຍ​ສະ­ເພາະ​ການ​ວາງ​ລະ­ບຽບ ວາງ​ຕາຕະ­ລາງ​ໃຫ້​ກັບ​ຕົນ​ເອງ ​ໃນ​ການບໍ­ລິ­ຫານ​ເວ­ລາ ບໍ­ລິ­ຫານ​ການໃຊ້​ຈ່າຍ ບໍ­ລິ­ຫານ​ລາຍ​ຮັບ ຫຼື ຜົນ​ປະ­ໂຫຍດ​ຈາກ​ກິດ­ຈະ­ກຳຕ່າງໆ​ທີ່​ຊອບ​ດ້ວຍກົດ­ໝາຍ ​ເປັນ​ໄປ​ຢ່າງ​ຖືກ​ວິ­ທີ ແລະ ໄດ້​ຮັບຜົນ​ປະ­ໂຫຍດ​ສູງ​ສຸດ​ໃນ​ຊີ­ວິດ ຈຶ່ງ​ຈະ​ເຮັດ​ໃຫ້​ອະ­ນາ­ຄົດ​ທີ່​ຫວັງຕັ້ງ​ຕໍ່ປະ­ສົບ​ຜົນ­ສຳ­ເລັດ ແຕ່​ບໍ່​ແມ່ນ​ລໍ­ຖ້າ​ບຸນ​ມາ​ລັ່ນ​ທັບ ແບບບໍ່​ເຮັດ​ຫຍັງ​ຄົງ​ເປັນ​ໄປ​ໄດ້​ຍາກ ເພາະ​ຍຸກ​ນີ້​ບໍ່​ແມ່ນ​ຍຸກແລ່ນນຳ​ບຸນ​ວາດ​ສະ­ໜາ​ທີ່​ມາ​ແຕ່​ຟ້າ ແຕ່​ແມ່ນ​ບຸນ​ທີ່​ຖືກ​ສ້າງ​ຈາກຄຸນ­ງາມ­ຄວາມ­ດີ ຈາກ​ກຳ​ດີ ຈາກ​ຜົນ­ງານ​ທີ່ໄດ້​ທຸ່ມ​ເທ​ດ້ວຍມື​ ດ້ວຍ​ຢາດ​ເຫື່ອ­ແຮງ​ງານ​ຕົນ​ເອງ​ນັ້ນ​ແລ.</p>

ຂ່າວທີ່ກ່ຽວຂ້ອງ