ຂ່າວຫຼ້າສຸດ

ຄື້ນ​ກະ­ທົບ​ຝັ່ງ

1.997 13 ມ.ກ. 2014 ນານາສາລະ

<p style="text-align: justify;"> <strong>ໂດຍ: ດັ້ນ​ກີບ​ເມກ</strong></p> <p style="text-align: justify;"> ໂລກ​ທຸກ​ມື້­ນີ້​ຍ່ອມ​ໄດ້ຮັບ​ອິດ​ທິ​ພົນ​ຈາກ​ຂໍ້​ມູນ-ຂ່າວສານຫຼາຍຂຶ້ນ ເຊິ່ງ​ໃນ​ໂລກ​ຂອງ​ຂ່າວສານ-ຂໍ້​ມູນນັ້ນ ມີ​ທັງຄວາມ​ຈິງ ແລະ ເປັນຄວາມ​ຫຼອກ​ລວງ ມັນ​ຈຶ່ງ​ກາຍ­ເປັນ​ທີ່​ມາ​ໃຫ້​ຄົນ​ເຮົາ​ຕ້ອງ​ໄດ້ມີ​ສະ­ຕິ​ລະ­ວັງ​ຕົວ​ຢູ່ສະ­ເໝີ​ວ່າ ໃນ​ໂລກ​ນີ້​ມີ​ທັງ​ບວກ ແລະ ລົບ ໝາຍ​ຄວາມ​ວ່າ ​ມີ​ທັງ​ມືດ ແລະ ແຈ້ງ ຕົວ­ຢ່າງ ມີ​ບາງຂ່າວ ຫຼື ບາງ​ປາ­ກົດ­ການ​ທີ່​ເປັນ​ຂ່າວ​ລື​ໃຫ້​ສັງຄົມ​ໄດ້​ຊຸບ​ຊິບນິນ­ທາ ເຊິ່ງ​ຖ້າ​ເບິ່ງທ່າອຽງສ່ວນ​ໜຶ່ງ ​ແມ່ນ​ຄົນ​ເຮົາໃນສັງຄົມ​ມັກ​ລືມ​ໄວ​ ຕໍ່​ຂ່າວ​ທີ່​ເກີດ​ຂຶ້ນນີ້​ແຫຼະ ​ອາດເປັນ​ແງ່​ມຸມ​ໜຶ່ງອີກ​ທີ່​ພາ­ໃຫ້​ເຮົາ​ຕ້ອງ​ໄດ້​ຫວນ​ຄິດ​ເຖິງແນວ­ທາງ​ນະ­ໂຍ­ບາຍຂອງ​ພັກ-ລັດ­ຖະ­ບານ ທີ່​ໄດ້​ວາງ​ອອກ​ເປັນມະ­ຕິ​ຄຳ​ສັ່ງ... ທີ່ພະ­ນັກ­ງານ​ຈະ​ຕ້ອງ​ໄດ້ຜັນ​ຂະ­ຫຍາຍ​ເປັນ ແຜນ​ວຽກ​ໃນ​ການດຳ­ເນີນ​ງານ ທັງ​ເປັນ​ບ່ອນ​ອີງ​ຫຼັກ​ເພື່ອ​ປ້ອງ​ກັນ​ບໍ່​ໃຫ້​ເກີດຄວາມ​ຜິດ­ພາດ.</p> <p style="text-align: justify;"> ຂໍ​ເຂົ້າ­ໃຈ​ຄວາມ ແລະ ເປັນ​ຕົວ­ຢ່າງ​ເລີຍ​ເລື່ອງ​ບຸກ​ທະ­ລຸທັງ 4 ດ້ານນັ້ນ​ ມີ​ບາງ​ຈຳ­ພວກ​ບໍ່​ໃຫ້​ຄວາມ​ສຳ­ຄັນ​ມີ​ການ​ຖືເບົາ​ຈົນ​ເກີດ​ຜົນ​ກະ­ທົບ​ໃນ​ທາງ​ລົບ​ຕໍ່​ຊີ­ວິດ ຕົວ­ຢ່າງ ກຸ່ມ​ຄົນ​ທີ່ຮຽນ​ຈົບ​ ສະ­ໝັກ​ເຂົ້າ​ເປັນ​ພະ­ນັກ­ງານ​ລັດ ພໍ​ທາງ​ຝ່າຍ​ກຳ​ມະການ​ສອບ­ເສັງ​ສຳ­ພາດ ຖາມ​ວ່າ ສາມ​ສ້າງ​ແມ່ນ​ຫຍັງ? ບຸກທະ­ລຸ 4 ດ້ານ​ມີຫຍັງ​ແດ່? ຜົນ​ປາ­ກົດ​ວ່າ​ ຕອບ​ບໍ່​ໄດ້​ຫຼາຍ​ຄົນ ທັງ​ເຮັດ​ຄໍ​ຕົກ​ເຊ່​ເວ​ ຈົນ​ເສັງ​ຕົກ... ທີ່​ຍົກ​ປະ­ເດັນ​ນີ້​ຂຶ້ນ​ມາເປັນ​ຕົວ­ຢ່າງ ຍິ່ງ​ເປັນ​ສິ່ງ​ທີ່​ໜ້າ​ຄິດ ບໍ່​ວ່າ​ຜູ້​ທີ່​ກຳ­ລັງ​ສະ­ໝັກ​ເຂົ້າ​ເຮັດ​ວຽກ ຫຼື ຜູ້​ທີ່​ໄດ້​ເຂົ້າ​ເຮັດ​ວຽກແລ້ວ ແຕ່ຖ້າ​ຖື​ເບົາ ແລະ ລະ­ເລີຍ​ຕໍ່​ແນວ­ທາງ ມະ­ຕິ​ທີ່​ເປັນຂອດ​ຕັດ­ສິນ​ບັນ­ຫາ​ວຽກ​ງານ​ແລ້ວ​ ຍ່ອມ​ເປັນ​ສິ່ງ​ທີ່​ໜ້າ​ຄິດ​ບໍ່ໜ້ອຍ ອັນ​ນີ້​ພຽງ​ຢາກ​ເວົ້າ​ເພື່ອ​ກັນ​ໄວ້​ບໍ່​ໃຫ້​ມັນ​ເປັນ​ປາ­ກົດການ​ແບບ​ຄື້ນ​ກະ­ທົບ​ຝັ່ງ.</p> <p style="text-align: justify;"> ຫຼາຍ​ຄົນ​ຄົງ​ເຂົ້າ­ໃຈ​ແລ້ວ​ວ່າ ບາດ­ກ້າວ​ບຸກ​ທະ­ລຸ​ທັງ 4 ດ້ານ​ນັ້ນ​ ມີ​ຄວາມ​ສຳ­ຄັນ​ແນວ­ໃດ! ແຕ່​ອາດ​ຍັງ​ມີບາງ​ຄົນບາງ​ກຸ່ມ​ເທົ່າ​ນັ້ນ​ທີ່​ຖື​ເບົາ​ ບໍ່​ເຫັນ​ຄວາມ​ສຳ­ຄັນ ຫຼື ບໍ່​ໃຫ້​ຄວາມສຳ­ຄັນ​ເທົ່າ​ທີ່​ຄວນ ຜູ້​ຂຽນ​ມີ​ໂອ­ກາດໄດ້​ອ່ານ​ບົດ​ຄວາມ​ການສ້າງ​ບາດ­ກ້າວ​ບຸກ​ທະ­ລຸ​ທັງ 4 ດ້ານ ​ເພື່ອ​ໃຫ້​ເປັນ​ຈິງ ໂດຍທ່ານ ເຈືອງ ສົມ­ບູນ​ຂັນ ຄະ­ນະ​ເລ­ຂາ­ທິ­ການ​ສູນ​ກາງ​ພັກ ຫົວ­ໜ້າ​ໂຄ­ສະ­ນາ​ອົບ­ຮົມ​ສູນ​ກາງ​ພັກ ຂຽນ​ລົງ​ໃນ​ວາ­ລະ­ສານອະ­ລຸນ​ໃໝ່ ສະ­ບັບ​ທີ 4 ປີ 2011 ເຊິ່ງ​ເປັນ​ການ​ຊີ້​ໃຫ້​ເຫັນ​ວ່າ ພັກ-ລັດ­ຖະ­ບານ​ ໄດ້​ໃຫ້​ຄວາມ​ສຳ­ຄັນ​ແທ້ໆ​ໃນ​ການ​ພັດ​ທະນາ​ປະ­ເທດ ຂໍ​ຍົກ​ບາງ​ບັນ­ຫາ​ມາ​ສະ­ເໜີ​ດັ່ງ­ນີ້: ເມື່ອ​ຈິນ­ຕະ­ນາ­ການ​ເກົ່າ​ບໍ່​ສອດ­ຄ່ອງ​ກັບ​ສະ­ພາບ​ຄວາມເປັນ​ຈິງ​ຂອງ​ປະ­ເທດ ພັກ​ເຮົາ​ຈຶ່ງ​ໄດ້​ນຳ­ພາ​ລິ​ເລີ່ມ​ປ່ຽນ­ແປງໃໝ່ ດ້ວຍ​ການ​ສ້າງ​ບາດ­ກ້າວ​ບຸກ​ທະ­ລຸ​ດ້ານຈິນ­ຕະ­ນາ­ການໃໝ່ ແນ­ໃສ່​ຜ່າ​ມ້າງ​ແນວ​ຄິດ​ຈິນ­ຕະ­ນາ­ການ​ເກົ່າ​ທີ່​ຍັງ​ຄົງຄ້າງ ແລະ ກົນ​ໄກ ລະ­ບຽບ​ຕ່າງໆທີ່​ອັດ​ຕັນ​ກົດ​ໜ່ວງ​ການພັດ­ທະ­ນາ ເຊິ່ງ​ກ່ອນ​ອື່ນ​ໝົດ​ແມ່ນ​ຕ້ອງ​ເລີ່ມ​ບຸກ​ທະ­ລຸ​ໃຫ້​ໄດ້ທາງ​ດ້ານ​ຈິນ­ຕະ­ນາ­ການ ແລະ ອັນ​ສຳ­ຄັນກ່ອນ​ອື່ນ​ໝົດ ແມ່ນ​ການ​ບຸກ​ທະ­ລຸ​ລັດ­ທິ​ຄຳ​ພີ ຮັກ­ສາ​ເດີມ ຂີ້­ຄ້ານ ມັກ­ງ່າຍ ຊ້າຍ​ຈັດ​ຂວາ​ໂພດ ເຊິ່ງ​ແມ່ນ​ກຳ­ແພງ​ອັດ​ຕັນ​ຄວາມ​ກ້າວໜ້າ ເພາະ­ວ່າ​ລັດ­ທິ​ຄຳ​ພີ​ຮັກ­ສາ​ເດີມ ​ມັນ​ແມ່ນ​ສາ­ເຫດ​ທີ່ພາໃຫ້​ເບິ່ງ​ບັນ­ຫາ ແລະ ການ​ແກ້​ບັນ­ຫາ​ແບບ​ຄອງ​ເດີມ ເຊິ່ງ​ບໍ່ເບິ່ງ​ບັນ­ຫາ​ຕົວ​ຈິງ ແລະ ສະ­ພາບ​ແວດ​ລ້ອມ​​ເກີດ​ຂຶ້ນ ອັນນັ້ນ​ແມ່ນ​ບຸກ​ທະ­ລຸ​ອັນ​ໜຶ່ງ.</p> <p style="text-align: justify;"> - ສອງ ບຸກ​ທະ­ລຸ​ຢ່າງ​ແຂງ­ແຮງດ້ານ​ການ​ພັດ­ທະ­ນາ​ຊັບພະ­ຍາ­ກອນ​ມະ­ນຸດ ໂດຍ​ສະ­ເພາະ​ແມ່ນ​ດ້ານ​ການກໍ່­ສ້າງ ແລະ ຍົກ​ລະ­ດັບ​ຄວາມ​ຮູ້​ຄວາມ​ສາ­ມາດ​ໃນ​ດ້ານ​ຕ່າງໆຂອງ​ພະ­ນັກ­ງານ ​ໃຫ້​ສົມ​ຄູ່​ກັບ​ຄວາມ​ຮຽກ­ຮ້ອງ​ຕ້ອງ­ການຂອງ​ການ​ພັດ­ທະ­ນາ ເຊິ່ງ​ໃນ​ນັ້ນ​ພະ­ນັກ­ງານ​ມີ​ຄວາມ​ຈຳ­ເປັນ​ພາວະ​ວິ­ໄສ ຕ້ອງ​ສ້າງ​ບາດ­ກ້າວ​ບຸກ​ທະ­ລຸ​ໃນ​ສາມ​ດ້ານ​ຄື:</p> <p style="text-align: justify;"> 1. ດ້ານ​ປະ­ລິ­ມານ​ໃຫ້​ພຽງ­ພໍ​ໂດຍ​ພື້ນ­ຖານ</p> <p style="text-align: justify;"> 2. ດ້ານ​ຄຸນ​ນະ​ພາບ​ໃຫ້​ດີ ແລະ ສູງ​ຂຶ້ນ</p> <p style="text-align: justify;"> 3. ລະ­ບອບ​ການ​ຕ່າງໆ​ກ່ຽວ​ກັບ​ພະ­ນັກ­ງານ ເຊັ່ນ​ ການເລືອກ­ເຟັ້ນ ນຳ​ໃຊ້ ຄຸ້ມ​ຄອງ ໃຫ້​ມີ​ປະ​ສິດ­ທິ​ຜົນ​ກວ່າເກົ່າ.</p> <p style="text-align: justify;"> - ສາມ ບຸກ​ທະ­ລຸ​ການ​ແກ້​ໄຂ​ລະ­ບອບ​ລະ­ບຽບ​ການ​ບໍ​ລິຫານ​ຄຸ້ມ​ຄອງ​ລັດ ເພິ່ນ​ໄດ້​ເນັ້ນ​ຫຼາຍ​ຂອດ​ຫຼາຍ​ປະ­ເດັນ ເຊັ່ນ: ດ້ານ​ແຜນ­ການ ແລະ ການ​ລົງ­ທຶນ ເພື່ອ​ເຊື່ອມ​ໂຍງ​ກັບ​ສາກົນ ດ້ານ​ການ​ຄ້າ ການ​ເງິນ ແລະ ດ້ານ​ແຮງ​ງານ...</p> <p style="text-align: justify;"> - ສີ່ ບຸກ​ທະ­ລຸ​ດ້ານ​ແກ້​ໄຂ​ຄວາມ­ທຸກ​ຍາກ​ຂອງ​ປະ­ຊາ­ຊົນ ເພາະ​ເພິ່ນ​ຖື​ວ່າ­ຄວາມ​ທຸກ​ຍາກ​ຂອງ​ປະ­ຊາ­ຊົນ ແລະ ດ້ອຍພັດ­ທະ­ນາ​ຂອງ​ປະ­ຊາ­ຊົນ ແມ່ນ​ບັນ­ຫາ​ໃຫຍ່ ແລະ ເປັນ​ພື້ນ</p> <p style="text-align: justify;"> ຖານ​ກົດ​ໜ່ວງ​ທ່ວງ​ດຶງ​ຄວາມ​ກ້າວ­ໜ້າ ແລະ ຂະ­ຫຍາຍ­ຕົວຂອງ​ຊາດ.</p> <p style="text-align: justify;"> ເຖິງ​ແມ່ນ​ວ່າ​ໄດ້​ຍົກ​ມາ​ພຽງ​ສັ້ນໆ ແຕ່​ຫວັງ​ວ່າ​ຈະ​ເຮັດ​ໃຫ້ຫຼາຍໆ​ຄົນ​ໄດ້​ໃຫ້​ຄວາມ​ສຳ­ຄັນ ຫຼີກ­ເວັ້ນ​ການ​ຖືເບົາ​ປ່ອຍ­ປະລະ­ເລີຍ ໂດຍ​ສະ­ເພາະພະ­ນັກ­ງານ​ໜຸ່ມ​ນ້ອຍ ເມື່ອ​ມີ​ເວ­ລາຫວ່າງ​ກໍ່​ບໍ່​ຄວນ​ໃສ່​ເກຍ​ຫວ່າງ​ຖືເບົາ ​ບໍ່​ສຶກ​ສາ​ຄົ້ນ­ຄວ້າ​ແນວທາງ​ນະ­ໂຍ­ບາຍ​ໃຫ້​ເຂົ້າ​ໃນ​ຄວາມ​ເປັນ​ຈິງ ຕ້ອງ​ໃຊ້​ເວ­ລາຫວ່າງ​ຈາກ​ວຽກ​ໃຫ້ເກີດ​ຜົນ​ປະ­ໂຫຍດ​ ດີ​ກວ່າ​ຈະ​ໄປ​ຫຼົງ​ຊື່ນຊົມ​ຫຼິ້ນ​ນຳ​ແຕ່​ກະ­ແສ​ນິ­ຍົມ​ໃນ​ເທັກ​ໂນ​ໂລ​ຢີ​ໃໝ່ໆ​ຢ່າງ​ບໍ່­ເກີດປະ­ໂຫຍດ​ເທົ່າ​ທີ່​ຄວນ.</p>

ຂ່າວທີ່ກ່ຽວຂ້ອງ