ໂຊກ​ດີ​ປີ​ໃໝ່ ຄ.ສ 2014

<p style="text-align: justify;"> ເຂົ້າ​ສູ່​ປີ​ໃໝ່ 2014 ກໍ​ຖື​ວ່າ​ຜູ້​ຂຽນ​ຮັບ​ໃຊ້​ຄໍ​ລຳນີ້​ມາ​ຫຼາຍ​ປີ​ສົມ­ຄວນ​ນໍ? (ເລີ່ມ​ແຕ່​ປີ 1995) ບົດຂຽນ​ກໍ​ສະ­ທ້ອນ​ຫຼາຍ​ແງ່​ຫຼາຍ​ມຸມ ແຕ່ຍອມ­ຮັບ​ວ່າ​ ບັນ­ຫາ​ເລື່ອງ​ການ​ໃຊ້​ພາ­ສາ​ລາວ​ເປັນ​ເລື່ອງທີ່ຖົກ​ຖຽງ​ກັນ​ຫຼາຍ.</p> <p style="text-align: justify;"> ໃນ​ເວ­ລາ​ມີ​ການ​ພົບ​ປະ​ ບໍ່​ວ່າ​ທາງ​ການ ຫຼື ບໍ່​ທາງ​ການຂອງ​ຄົນ​ໃນ​ວົງ​ການ​ຂີດ​ຂຽນ ກໍ​ມັກ​ຍົກເລື່ອງ​ນີ້​ມາ​ສົນ­ທະ­ນາກັນ​ຢ່າງ​ຟົດ­ຟື້ນ ເຊິ່ງ​ຜູ້​ຂຽນ​ເຫັນ​ວ່າ ເປັນ​ເລື່ອງ​ທີ່​ດີ ເພາະຫຼາຍ​ຄົນ​ຕັ້ງ­ໃຈ ແລະ ຫວັງ​ຢາກ​ໃຫ້­ການ​ໃຊ້​ພາ­ສາ​ລາວ​ຖືກຕ້ອງ​ເໝາະ​ສົມ ເຊິ່ງ​ເລື່ອງ​ນີ້​ໄດ້​ຍິນ​ຂ່າວ​ວ່າ ທາງການ​ເພິ່ນຈະ​ອອກ​ລະ­ບຽບ​ການ​ຄັກ­ແນ່​ວ່າ ​ຈະ​ໃຊ້​ພາ­ສາ​ຢ່າງ­ໃດ​ໃຫ້​ຖືກຕ້ອງ​ ໃນ​ມໍ່ໆ​ນີ້​ແຫຼະ ?.</p> <p style="text-align: justify;"> ແຕ່​ກ່ອນ​ຈະ​ເຖິງ​ເວ­ລາ​ນັ້ນ​ ພວກ​ເຮົາ​ກໍ​ຄວນ​ຕັ້ງ​ບັນ­ຫາ​ນຳກັນ​ວ່າ ຈະ​ຊ່ວຍ​ກັນ​ແນວ­ໃດ​ເພື່ອຫຼຸດ­ຜ່ອນ​ການ​ໃຊ້​ພາ­ສາຊອດ​ກະ­ຈາ​ໃຫ້​ໝົດ​ໄປ ໂດຍ​ສະ­ເພາະ​ໃນ​ວົງ​ການ​ສື່​ມວນ​ຊົນພວກ​ເຮົາ... ອັນ​ນີ້​ແມ່ນ​ບັນ­ຫາ​ໜັກ​ໃຈ ໂດຍ​ສະ­ເພາະ​ແມ່ນໂຄ­ສົກ ພິ­ທີ​ກອນ​ ຕາມ​ເວ­ທີ​ສະ­ແດງ ໃນລາຍ­ການ​ວິ­ທະ­ຍຸ-ໂທລະ​ພາບ​ຂອງ​ພວກ​ເຮົາ ​ທີ່​ເກີດ​ໃໝ່​ໃຫຍ່​ລຸນ ພວກ​ເຂົາ​ກໍ​ຢາກຮຽນ​ຢາກ​ຮູ້ ແຕ່​ໃນ​ຄວາມ​ເປັນ​ຈິງ​ເຂົາ​ວ່າ ​ບໍ່​ຄ່ອຍ​ມີ​ຜູ້​ມາ​ບອກມາ​ສອນ​ເປັນ​ລະ­ບົບ​ຄັກ­ແນ່ ? ມີ​ແຕ່​ແກ້​ໄຂສະ­ເພາະ​ໜ້າ​ໄປວັນ​ຕໍ່​ວັນ​ທໍ່​ນັ້ນ ! ແລ້ວ​ໃຜ​ຈະ​ເປັນ​ເຈົ້າ​ການ​ຊ່ວຍ­ເຫຼືອ​ພວກເຂົາ ?.</p> <p style="text-align: justify;"> ຕາມ​ລົມ​ກັນ​ໃນ​ຖາ­ນະ​ນັກ­ວິ­ຊາ­ການ​ມີ​ຜູ້​ຕັ້ງ​ບັນ­ຫາ​ວ່າ: ຄວນ​ມີ​ການ​ອົບ­ຮົມ​ຄັກ­ແນ່ ? ອາດ​ຈະແມ່ນ​ສຳ­ນັກ­ງານ​ສື່ໃດ​ສື່​ໜຶ່ງ​ເປັນ​ເຈົ້າ­ພາບ​ກໍ່​ໄດ້ ໂດຍ​ປະ­ສານ​ໄປ​ຍັງ​ສະ­ມາ­ຄົມກ່ຽວ­ຂ້ອງ​ໃຫ້ເພິ່ນ​ຊ່ວຍ​ທາງ​ດ້ານ​ນັກ­ວິ­ຊາ­ການ​ ຊອກ​ຫາ​ຄູ­ບາອາ­ຈານ​ທີ່​ເພິ່ນ​ມີ​ວິ­ຊາ​ຄວາມ​ຮູ້​ທາງ​ດ້ານ​ພາ­ສາ​ລາວ ດ້ານສື່​ມວນ​ຊົນ ​ມາ​ເປັນ​ວິ­ທະ­ຍາ­ກອນ​ໃຫ້ ອັນ​ນັ້ນ​ແມ່ນ​ທາງ​ອອກທີ​ໜຶ່ງ ສ່ວນ​ອີກ​ທາງອອກ​ໜຶ່ງ​ແມ່ນ​ຄວນ​ສົມ­ທົບ​ກັບ​ພາກສ່ວນ​ກ່ຽວ­ຂ້ອງ ເຊັ່ນ: ມະ­ຫາ­ວິ­ທະ­ຍາ­ໄລ​ແຫ່ງ​ຊາດ (ພາສາ-ວັນ­ນະ­ຄະ­ດີ-ສື່­ສານ​ມວນ​ຊົນ) ສະ​ຖາ​ບັນ​ວິ­ທະ­ຍາ­ສາດ-ສັງ­ຄົມ ສະ​ຖາ​ບັນ​ການ­ເມືອງການ​ປົກ­ຄອງ ສະ­ມາ­ຄົມ​ນັກຂ່າວ ສະ­ມາ­ຄົມ​ນັກ​ປະ­ພັນ ສ້າງ​ຫຼັກ­ສູດ​ໄລ­ຍະ​ສັ້ນ​ກ່ຽວ​ກັບການນຳ​ໃຊ້​ພາ­ສາ​ລາວ​ໃນ​ສື່​ມວນ​ຊົນ ແລ້ວ​ດຳ­ເນີນ​ການຮຽນ-ການ​ສອນ ໃຫ້​ເປັນ​ລະ­ບົບ.</p> <p style="text-align: justify;"> ເວົ້າ​ເລື່ອງ​ພາ­ສາ​ຊອດ​ກະ­ຈາ​ນີ້ ​ບໍ່​ແມ່ນ​ແຕ່​ໂຄ­ສົກ ພິ­ທີກອນ ​ຢູ່​ວາ­ລະ­ສານ​ຫຼາຍ​ສະ­ບັບ​ກໍ່​ຍັງ​ໃຊ້ບໍ່​ທັນ​ເປັນ​ເອ­ກະ​ພາບກັນ ​ເຊິ່ງ​ເລື່ອງ​ນີ້​ພາກ­ສ່ວນ​ກ່ຽວ­ຂ້ອງ​ຕ້ອງ​ໄດ້​ຊ່ວຍ​ເຂົາ­ເຈົ້າ ຜູ້​ຂຽນ​ເຫັນວາ­ລະ­ສານ​ສະ­ບັບ​ໜຶ່ງ​ ອອກ​ເປັນ​ສອງ​ພາ­ສາ (ລາວ-ໄທ) ຕົກ­ໃຈ ເພາະ​ການ​ໃຊ້​ພາ­ສາ​ຍັງ​ສັບ­ສົນ​ຫຼາຍ ອາດ​ເຮັດ​ໃຫ້​ຄົນ​ຮຸ່ນນ​ໃໝ່​ນຳ​ໃຊ້​ພາ­ສາ​ບໍ່​ຖືກ­ຕ້ອງ ກໍ​ບໍ່​ຮູ້​ວ່າ​ໃຜຈະ​ໄປ​ຊ່ວຍ​ເຂົາ­ເຈົ້າ​ເພື່ອ​ໃຫ້­ການ​ໃຊ້​ພາ­ສາ​ລາວ​ດີ​ຂຶ້ນ ແລະ ເໝາະ​ສົມ ບັນ­ຫາ​ນີ້​ເຫັນ­ໃຈ​ທັງ​ຜູ້​ອະ­ນຸ­ມັດ​ໃຫ້​ວາ­ລະ­ສານເກີດ​ອອກ​ມາ ແລະ ຄະ­ນະ​ຈັດ​ທຳ​ວາ­ລະ­ສານ ເພາະ​ມີ​ເຈດຈຳ­ນົງ​ດີ ແຕ່​ມາ​ຄາ​ຢູ່​ບ່ອນການ​ນຳ​ໃຊ້​ພາ­ສາ​ເທົ່າ​ນັ້ນ.</p> <p style="text-align: justify;"> ຜູ້​ຂຽນ​ຍົກ​ບັນ­ຫາ​ນີ້​ຂຶ້ນ​ມາ​ອາດ​ຈະ​ແຕະ​ພຸ້ນ​ຊູນ​ພີ້ ແຕ່​ກໍ່ຢາກ​ເວົ້າ​ດ້ວຍ​ຄວາມ​ຈິງ​ໃຈ​ວ່າ ​ມີ​ຈຸດ­ປະ­ສົງ​ດຽວ ນັ້ນ​ຄື ຢາກໃຫ້­ການ​ນຳ​ໃຊ້​ພາ­ສາ​ລາວ​ຖືກ­ຕ້ອງ​ເໝາະ​ສົມ​ທໍ່​ນັ້ນ ບໍ່​ມີ​ອະຄະ­ຕິ​ອື່ນ​ໃດແອບ​ແຝງ.</p> <p style="text-align: justify;"> ຕ້ອງ​ຂໍ​ໂທດ​ນຳ​ທຸກ​ທ່ານ ເພາະ​ປີ​ໃໝ່​ຄວນ​ເວົ້າ​ແຕ່​ສິ່ງ​ທີ່ມ່ວນ​ຫູ ແຕ່​ມັນ​ກໍ່​ຈຳ­ເປັນ​ຄື​ໄດ້​ກ່າວ​ມາຂ້າງ​ເທິງ​ນັ້ນ​ແຫຼະ !.</p> <p style="text-align: center;"> <strong>ໂຊກ​ດີ-ປີ​ໃໝ່ 2014</strong></p> <p style="text-align: justify;"> <strong>ໂດຍ: ທິດ​ດີ</strong></p>