ຂ່າວຫຼ້າສຸດ

ໄປ​ຢຽບ​ໝາ ມາ​ຢຽບ​ຂຽດ

2.177 27 ທ.ວ. 2013 ນານາສາລະ

<p style="text-align: justify;"> ຄຳ​ເວົ້າ​ຂ້າງ​ເທິງນັ້ນ ພວກ​ເຮົາ​ມັກ­ໄດ້​ຍິນຜູ້​ເຖົ້າ​ເວົ້າ​ສອນ​ລູກ​ຫຼານສືບ­ຕໍ່​ກັນ​ມາ​ຈົນ​ຮອດ​ທຸກ​ມື້­ນີ້ ພວກ​ເຮົາ​ລອງ​ຄິດ​ເບິ່ງ​ວ່າ​ເປັນຫຍັງ​ເພິ່ນ​ຈຶ່ງ​ສັ່ງ­ສອນ​ວ່າ <strong>​ໄປ​ໃຫ້​ຢຽບ​ໝາ​ ມາ​ໃຫ້​ຢຽບ​ຂຽດ </strong>ຖ້າຢຽບ​ໝາ​ມັນ​ກໍ​ຂົບ ຖ້າ​ຢຽບ​ກົບ​ຂຽດ​ມັນ​ກໍ​ຕາຍ ສະ­ແດງ​ວ່າເພິ່ນ​ສອນ​ແບບ​ເປັນ​ປິດ­ສະ­ໜາ​ໄວ້ໃຫ້​ພວກ​ເຮົາ​ໄດ້ຄິດ​ຕີຄວາມ​ໝາຍ​ໄດ້​ວ່າ: ຊາດ​ລາວ​ເຮົາ​ເປັນ​ຊາດ​ທີ່​ດຳ­ເນີນ​ຊີ­ວິດຢູ່​ກັບ​ການກະ­ສິ­ກຳ​ປູກ­ຝັງ-ລ້ຽງ­ສັດ ທຳ​ມະ​ດາ​ໝາ​ມັນ​ບໍ່​ນອນຫົວ­ຄ່ຳ ເດິກ​ຂ້ອນ​ຊິ​ແຈ້ງ​ຈຶ່ງ​ນອນ ເພາະ­ວ່າຕອນ​ຫົວ­ຄ່ຳ ມັນເຝົ້າ​ສົມ­ບັດ​ໃຫ້​ເຈົ້າ​ຂອງ​ມັນ.</p> <p style="text-align: justify;"> ຕໍ່​ໄປ​ລອງ​ຫັນ​ໄປ​ເບິ່ງ​ຊີ­ວິດ​ຊາວ­ນາ-ຊາວ​ສວນ-ຊາວ​ໄຮ່ ທີ່ຕ້ອງ​ຕື່ນ​ເດິກ​ລຸກ​ເຊົ້າ ເວ­ລາ 4-5 ໂມງ ຖ້າ​ພໍ່​ນາ​ຄົນ​ໃດ​ຕື່ນສວາຍ​ກວ່າ​ນັ້ນ​ແປ​ວ່າ​ຂີ້­ຄ້ານ ຫຼື ພໍ່​ນາ​ກະ­ເທີນ ດັ່ງ­ນັ້ນ ພໍ່​ນາແທ້​ຈຶ່ງ​ຕື່ນນອນ​ແຕ່​ເດິກ ຫຼື ຍັງ​ມືດ ​ເບິ່ງ​ບໍ່​ເຫັນ​ໝາ ​ຟ້າວ​ຫຼາຍຈຶ່ງ​ຢຽບ​ໝາ​ນອນ​ຕັນ​ປະ­ຕູ ຫຼື ກ້ອງ​ຂັ້ນ­ໄດ ດ້ວຍ​ເຫດ​ນີ້​ຄຳ​ວ່າ ໄປ​ຢຽບ​ໝາ ​ຈຶ່ງ​ໝາຍ​ເຖິງ​ການ​ຕື່ນ​ເດິກ​ລຸກ​ເຊົ້າ​ໄປ​ເຮັດວຽກ ແຕ່​ໝາ​ບໍ່​ທັນລຸກ ບູ­ຮານ​ເພິ່ນ​ຈຶ່ງ​ມັກ​ເວົ້າ​ວ່າ: ເຮັດ​ວຽກສວາຍ​ຊິ​ພາ​ເມຍ​ກິນ​ເຂົ້າ­ປູກ.</p> <p style="text-align: justify;"> ປະ­ໂຫຍກ​ຕໍ່​ໄປ​ວ່າ: ມາ​ຢຽບ​ຂຽດ ທຳ​ມະ​ດາ​ກົບ​ຂຽດ​ມັນງອຍ​ຄັນ­ແທ­ນາ​ ຫຼັງ​ຈາກ​ໝົດ​ແສງ​ອາ­ທິດ​ແລ້ວ ຖ້າ​ພິ​ຈາ­ລະນາ​ເບິ່ງ​ຄຳ​ສອນ​ຕອນ​ນີ້​ແມ່ນ​ຜູ້​ເຖົ້າ​ເພິ່ນ​ບໍ່​ມີ​ເຈດ​ຕະ​ນາ​ໃຫ້ຢຽບ​ກົບ​ຂຽດໃຫ້​ຕາຍ​ລ້າໆ​ດອກ ເພາະ​ຄວາມ​ຈິງ​ເພິ່ນ​ຢາກເນັ້ນ​ສອນ​ຄົນ​ທີ່​ມີ​ອາ­ຊີບ​ເຮັດ​ໄຮ່​ເຮັດ​ນາ​ເປັນ​ຫຼັກ​ນັ້ນ​ບໍ່​ຄ່ຳ​ບໍ່ມືດເພິ່ນ​ບໍ່​ທັນ​ຢາກ​ໃຫ້​ຂຶ້ນ​ຈາກ​ໜ້າ​ວຽກ ດັ່ງ­ນັ້ນ ຊາວ​ໄຮ່ຊາວ­ນາ​ຈຶ່ງ​ເປັນ​ຄົນ​ດຸ­ໝັ່ນປະ­ກອບ​ອາ­ຊີບ​ທາງ​ກະ­ສິ­ກຳ ​ປູກຝັງ-ລ້ຽງ­ສັດ​ກຸ້ມ​ຕົນ​ເອງ ແລະ ການ​ເຮັດ​ນາ​ກໍ່​ຕ້ອງ​ອາ­ໄສ​ນ້ຳຝົນ ຖ້າ​ບໍ່​ຟ້າວ​ເຮັດ​ບໍ່​ທັນ​ກັບ​ລະ­ດູ​ການ ພວກ​ຊາວ­ນາ​ຈຶ່ງ​ດຸໝັ່ນ​ລົງ​ເຮືອນ​ໄປ​ເຮັດ​ວຽກ​ແຕ່​ບໍ່​ທັນແຈ້ງ​ ກິນ​ເຂົ້າ​ກາງ​ໄຮ່­ນາ ກັບ​ຄືນ​ມາ​ກໍ່​ຄ່ຳ​ມືດ​ແລ້ວ ຈຶ່ງ​ຫຼຽວ​ບໍ່​ເຫັນ​ກົບ​ຂຽດ​ງອຍ​ຄັນແທ​ນາ​ກໍ່​ເລີຍ​ຢຽບ​ໂລດ.</p> <p style="text-align: justify;"> ດັ່ງ­ນັ້ນ ຄຳ​ເວົ້າ ​ໄປ​ຢຽບ​ໝາ​ ມາ​ຢຽບ​ຂຽດ ​ຈຶ່ງ​ສະ­ທ້ອນ​ໃຫ້ເຫັນ​ວິ­ຖີ​ຊີ­ວິດ​ຂອງ​ຄົນ​ລາວ​ທີ່​ຕິດ​ພັນກັບ​ອາ­ຊີບ​ກະ­ສິ­ກຳ​ເປັນຫຼັກ ຂະ​ບວນ​ການ​ປູກ­ຝັງ ຫຼື ຜະ­ລິດ​ຕ່າງໆ​ກໍ່​ອາ­ໄສ​ທຳ​ມະຊາດ​ໂດຍ​ບໍ່ມີ​ສານ​ເຄ​ມີ​ເຈືອ​ປົນ​ ພໍ່​ແມ່​ພວກ​ເຮົາ​ຈຶ່ງ​ອາ­ຍຸ​ຍືນ ແລະ ໃນ​ທຳ­ນອງ​ດຽວ​ກັນ​ນີ້ ພຸດ​ທະ​ສາ­ສະ­ໜາ​ກໍ່​ສອນ​ໃຫ້ພວກ​ເຮົາ​ດຸ­ໝັ່ນ​ໃນ​ການ​ປະ­ກອບ​ອາ­ຊີບ ​ໂດຍ​ສອນ​ໃຫ້​ຮູ້­ຈັກຫາ​ຊັບ ພ້ອມ​ດຽວ​ກັນກໍ່​ສອນ​ໃຫ້​ເກີດ​ປະ­ໂຫຍດ​ຕາມ​ຄວາມຈຳ­ເປັນ​ຂອງ​ຊີ­ວິດ ເມື່ອ​ຮູ້­ຈັກ​ຫາ​ຊັບ ແລະ ໃຊ້​ຈ່າຍ​ຊັບເປັນແລ້ວ ພຸດ​ທະ​ສາ­ສະ­ໜາ​ຍັງ​ສອນ​ໃຫ້​ຮູ້­ຈັກ​ຄົບ​ຄ້າ​ສະ­ມາ­ຄົມກັບ​ຄົນ​ດີ​ ທີ່​ແນະ­ນຳ​ທາງ​ທີ່​ເປັນ​ປະ­ໂຫຍດ ຫຼີກ­ເວັ້ນ​ການ​ຊັກຊວນ​ອວນ​ເອີ້ນ​ໄປ​ກິນ​ເຫຼົ້າ​ເມົາ​ສຸ­ລາ ສູບ​ຝິ່ນ​ກິນ​ກັນ­ຊາ ອັນຈະ​ພາ­ໃຫ້​ເກີດ​ການ​ສູນ​ເສຍ​ທັງ​ສຸ­ຂະ­ພາບ ແລະ ຊັບ​ສິນ​ເງິນຄຳ ສຸດ​ທ້າຍ​ຍັງ​ສອນ​ເນັ້ນ​ໃຫ້​ຮູ້­ຈັກການ​ດຳ­ເນີນ​ຊີ­ວິດ​ແບບສະ­ເໝີ​ຕົ້ນ​ສະ­ເໝີ​ປາຍ ຕົວ­ຢ່າງ: ການ​ໃຊ້​ຈ່າຍ​ລ້ຽງ​ຊີບ ກໍ່​ບໍ່ຂີ້​ຖີ່ ໜຽວ​ແໜ້ນ ແຕ່​ກໍ່​ບໍ່​ເຖິງ​ຂະ­ໜາດ​ວ່າ​ຟູມ​ເຟືອຍ ເພາະ­ວ່າສັງ­ຄົມ​ລາວ​ປັດ­ຈຸ­ບັນ​ນີ້​ ແມ່ນ​ພັດ­ທະ­ນາ​ໄວ ຈຶ່ງ​ມີ​ຫຼາຍ​ປາ­ກົດການ​ເກີດ​ຂຶ້ນ​ຕາມ​ຄ່າ​ນິ­ຍົມ​ຂອງ​ໂລກ.</p> <p style="text-align: justify;"> ພວກ​ເຮົາ​ຈຶ່ງ​ເຫັນ​ໄດ້​ວ່າ ພໍ່​ແມ່​ເຄີຍ​ສອນ​ລູກ​ຫຼານ​ໃຫ້​ເປັນຄົນ​ດຸ­ໝັ່ນ​ໃນ​ການ​ປະ­ກອບ​ອາ­ຊີບ ເຊິ່ງ​ຄົນ​ລາວ​ສ່ວນ​ໃຫຍ່​ກໍ່ມີ​ວິ­ຖີ​ຊີ­ວິດ​ຜູກ​ພັນ​ກັບ​ການ​ກະ­ສິ­ກຳ ​ປູກ­ຝັງ-ລ້ຽງ­ສັດ ຄວາມຂະ­ຫຍັນໝັ່ນ​ພຽນ​ ເປັນ​ບໍ່­ເກີດ​ແຫ່ງ​ຊັບ​ສົມ­ບັດ ກົງ­ກັນ­ຂ້າມ ຄວາມ​ຂີ້­ຄ້ານ​ມັກ­ງ່າຍ ​ມີ​ແຕ່​ຈະ​ນຳ­ພາ​ຊີ­ວິດລົງ​ເຫວ​ຢ່າງດຽວ.</p> <p style="text-align: justify;"> ຕື່ນ​ເຖີດ​ພີ່­ນ້ອງ​ຊາວ​ລາວ ຈົ່ງ​ຫັນ​ໜ້າ​ສູ່​ການ​ສ້າງ­ສາ​ພັດທະ​ນາ​ປະ­ເທດ​ຊາດ​ ຕາມ​ໜ້າ­ທີ່ ແລະ ຄວາມ​ຮັບ­ຜິດ­ຊອບຂອງ​ຕົນ​ເຖີດ... ໂດຍ​ສະ­ເພາະ​ການ​ປະ­ຕິ­ບັດ​ນະ­ໂຍ­ບາຍ​ຫັນລົງ​ກໍ່­ສ້າງ​ຮາກຖານ​ປະ­ຕິ­ບັດ 3 ສ້າງ ສ້າງ​ບ້ານ​ພັດ­ທະ­ນາໃຫ້​ປາ­ກົດ​ເປັນ​ຈິງ.</p> <p style="text-align: justify;"> <strong>ໂດຍ : ດັ້ນ​ກີບ​ເມກ</strong></p>

ຂ່າວທີ່ກ່ຽວຂ້ອງ