ຂ່າວຫຼ້າສຸດ

ຊົມ­ເຊີຍ​ຂະ​ບວນ​ອະ­ນາ­ໄມ

1.633 19 ທ.ວ. 2013 ນານາສາລະ

<p style="text-align: justify;"> “ສັບ­ປະ­ດາ​ວຽງ​ຈັນສະ­ອາດ” ຖື​ເປັນ​ເຫດ­ການທີ່​ໜ້າ​ນັບ­ຖື ຍ້ອງ­ຍໍ​ຊົມ­ເຊີຍ​ຂອງ​ການ​ນຳ ກໍ​ຄື​ພໍ່​ແມ່​ປະ­ຊາຊົນ​ນະ­ຄອນຫຼວງ​ພວກ​ເຮົາ​ທີ່​ຮ່ວມ​ແຮງ​ຮ່ວມ​ໃຈ​ກັນ​ຈັດ​ຕັ້ງປະ­ຕິ­ບັດ​ໂດຍ​ມີ​ຂອບ​ເຂດ​ກຳ­ນົດ​ແຕ່ວັນ​ທີ 14-21 ທັນ­ວາ2013.</p> <p style="text-align: justify;"> ຫາກ​ທ່ານ​ຕິດ­ຕາມ​ຂ່າວ​ຈະ​ເຫັນ​ວ່າ​ເປັນ​ຂະ​ບວນ​ຟົດ­ຟື້ນຫຼາຍ ມີ​ຫຼາຍ​ບ່ອນ​ສະ­ອາດ​ຂຶ້ນ​ທັນ­ຕາ​ເຫັນ... ມີ​ຜູ້​ຄົນ​ເຂົ້າຮ່ວມ​ຢ່າງ​ຫຼວງ­ຫຼາຍ ໜ້າ​ຊົມ­ເຊີຍ​ແທ້ໆ.</p> <p style="text-align: justify;"> ຜ່ານ​ການ​ສົນ­ທະ­ນາ​ປາ​ໄສ​ນັ້ນ​ມີ​ຄຳ​ເຫັນ​ວ່າ​ຢາກ​ໃຫ້​ຂະບວນ​ການ​ນີ້​ແກ່­ຍາວ ແລະ ໝັ້ນ­ຄົງ ໝາຍຄວາມ​ວ່າ​ບໍ່​ໃຫ້ມັນ​ໝົດ​ໄປ​ໃນ​ຂອບ​ເຂດ 1 ສັບ­ປະ­ດາ​ທໍ່​ນັ້ນ ຢາກ​ໃຫ້​ມັນ​ເກີດຂຶ້ນ​ຢ່າງ​ໜ້ອຍ​ອາ­ທິດ​ລະຄັ້ງ ເອີ້ນ​ວ່າ: ວັນ​ເສົາ​ແດງ ແລະ ມີການ​ແບ່ງ​ງານ​ຄັກ­ແນ່​ວ່າ​ຂອບ​ເຂດ​ໃດ​ໃຜ​ຮັບ­ຜິດ­ຊອບ.</p> <p style="text-align: justify;"> ຢາກ​ເວົ້າ​ວ່າ ຫຼັງ​ຈາກ​ການ​ສະ­ຫຼຸບ​ຄັ້ງ​ນີ້​ຄວນ​ມີ​ມາດ​ຕະການ​ຕໍ່­ໜ້າ ໂດຍ​ມອບ​ໃຫ້​ເຈົ້າ​ຂອງ​ເຮືອນ ສຳ­ນັກ­ງານ ເຄ­ຫາສະ­ຖານ​ເຂົ້າ​ມີ​ສ່ວນ​ຮ່ວມ​ໄປ​ຄຽງ​ຄູ່​ກັບ​ບັນ­ດາ​ບ້ານ​ນໍ !.</p> <p style="text-align: justify;"> ຍົກ​ບັນ­ຫາ​ນີ້​ຂຶ້ນ​ບໍ່​ມີ​ຈຸດ­ປະ­ສົງ​ສອນ​ແຂ້​ລອຍ­ນ້ຳ​ເນີ!ຂໍ​ໂທດຂໍ​ອະ­ໄພ​ຫຼາຍໆ​ມັນ​ແມ່ນ​ຄຳ​ເຫັນ​ຂອງ​ຜູ້ໄດ້​ພົບ​ເຫັນ​ໄດ້​ສ່ອງແສງ​ເຂົ້າ​ມາ​ເຖິງ​ຄໍ​ລຳ​ພວກ​ເຮົາ​ໃນ​ນາມ​ສື່​ຂໍ​ສະ­ເໜີ​ວ່າ:ການ­ຈັດ­ຕັ້ງ​ງານ​ສັບ­ປະ­ດາ​ວຽງ​ຈັນ​ສະ­ອາດ​ແມ່ນ​ຖືກ­ຕ້ອງແຕ່​ເບິ່ງ​ລວມ​ແລ້ວ​ວຽກ​ທີ່​ເຮັດ​ຕົວ​ຈິງ​ຍັງ​ໄດ້​ໜ້ອຍ ເພາະ​ມາຈັດແຈງ​ຂອບ​ເຂດ​ຮັບ­ຜິດ­ຊອບ​ບໍ່​ລະ­ອຽດ ເຊັ່ນ: ການ​ຊ້ວນ​ຂີ້ດິນ ຫີນ ຊາຍ ຕົກ­ເຮ່ຍ​ຕາມ​ແຄມ​ທາງ ຄູ​ກາງທາງ ເປັນວຽກ​ໜັກ​ແທ້ໆ ແຕ່​ໃຊ້​ກຳ­ລັງ​ໜ້ອຍ ບາງ​ຍ່ານ​ບໍ່​ສາ­ມາດເຮັດ​ໄດ້ ເພາະ​ຂີ້​ດິນ ຫີນ ຊາຍ ຫຼາຍເກີນ​ຂອບ​ເຂດ ຕົວ­ຢ່າງຍ່ານ​ເສັ້ນ­ທາງ​ຈີ່­ນາຍ​ໂມ້ ເມືອງ​ສີ​ສັດ­ຕະ​ນາກ ທັງ​ກາງ​ທາງຂອບ​ທາງ​ແມ່ນ​ບໍ່ສາ­ມາດ​ເຮັດ​ຍາມ​ດຽວ​ໄດ້ ບາງ​ຍ່ານ​ໜ້າວຽກ​ບໍ່​ໜັກ​ພັດ​ໃຊ້​ກຳ­ລັງ​ຫຼາຍ​ຍ່າງ​ເບິ່ງ​ກັນ​ຊື່ໆກໍມີ ແລະ ອີກບາງ​ພາກ­ສ່ວນ​ອຸ­ປະ­ກອນ​ບໍ່​ມີ​ຄົບ​ຖ້ວນ ຍ້ອນ​ການ​ປະ­ຊາ​ສຳພັນ​ບໍ່​ລະ­ອຽດ.</p> <p style="text-align: justify;"> ສະ­ນັ້ນ ເພື່ອ​ຄວາມ​ສຳ­ເລັດ​ວຽກ​ດັ່ງ­ກ່າວ ເຊິ່ງ​ອາດ​ຈະ​ມີກິດ­ຈະ­ກຳ​ອີກ​ໃນ​ວັນ​ທີ 21 ຈະ​ມາ​ເຖິງ​ນີ້ ຄະ­ນະ​ກຳ­ມະ­ການຮັບ­ຜິດ­ຊອບ​ຕ້ອງ​ກວດ­ກາ​ລະ­ອຽດ ແລະ ຈັດ​ວາງ​ກຳ­ລັງ​ໃຫ້ເໝາະ​ສົມ ສ່ວນ​ມາດ​ຕະ­ການ​ຕໍ່​ໄປ​ນັ້ນ​ທ່ານ​ຮອງ​ເຈົ້າ​ຄອງ​ໄດ້ຊີ້​ແຈງ​ໄປ​ແລ້ວ​ແມ່ນ​ໜ້າ­ທີ່​ຂອງ​ປະ­ຊາ­ຊົນ​ທຸກ​ຊັ້ນ​ຄົນ ໂດຍສະ­ເພາະ​ຜູ້​ທີ່​ມີ​ເຮືອນອາ­ຄານ​ຢູ່​ແຄມ​ທາງ​ຕ້ອງ​ຮັບ­ຜິດ­ຊອບໂດຍ​ກົງ​ໃຫ້​ຂະ​ບວນ​ນີ້​ຍືນ​ຍົງ​ບັນ­ລຸ​ເປົ້າ​ໝາຍ​ແນ່­ນອນ.</p> <p style="text-align: justify;"> <strong>ໂດຍ : ທິດ​ດີ</strong></p>

ຂ່າວທີ່ກ່ຽວຂ້ອງ