ຂ່າວຫຼ້າສຸດ

ລະ­ວັງ ! ຈະ​ຕົກ​ເປັນ​ທາດ​ກະ­ແສ​ບໍ­ລິ­ໂພກ​ນິ­ຍົມ

2.017 10 ທ.ວ. 2013 ນານາສາລະ

<p style="text-align: justify;"> ໃນ​ເວ­ລາ​ທີ່​ປະ­ເທດ​ອາເມ​ລິ​ກາ​ ພົບ​ທາງ​ຕັນ​ເລື່ອງການ​ຜ່ານ​ງົບ­ປະ­ມານ ເພາະ​ການ​ໃຊ້​ຈ່າຍ​ເກີນ​ຕົວ ພາ­ໃຫ້​ມີ​ໜີ້​ສິນ​ຫຼາຍ ປະ­ມານ 16,7ລ້ານ​ລ້ານ​ໂດ​ລາ​ສະ­ຫະ­ລັດ ທາງ​ອອກກໍ​ຄື​ ກູ້​ເງິນ​ມາ/ແກ້​ໜີ້ (ໃຊ້ໜີ້).</p> <p style="text-align: justify;"> ນັກ​ເສດ­ຖະ­ສາດ​ລະ­ດັບ​ໂລກ​ຫຼາຍ​ຄົນ​ໄດ້​ອອກ​ມາ​ມີ​ຄຳເຫັນ​ວ່າ: ການ​ພັດ­ທະ­ນາ​ເສດ­ຖະ­ກິດ​ແບບ​ອາ­ເມ­ລິ­ກາ​ນັ້ນ ເຮັດ​ໃຫ້​ຄົນ​ມີ​ນິ­ໄສ​ບໍ­ລິ­ໂພກ​ນິ­ຍົມ​ໃຊ້​ຈ່າຍ​ເກີນ​ຕົວ ຄັນ​ແມ່ນປະ­ເທດ​ໃດ​ເດີນ​ຕາມ​ທຶນ​ນິ­ຍົມ​ແບບ​ນີ້​ມີ​ແຕ່​ຊິ​ຕາຍ​ທັງ​ຢືນ !.</p> <p style="text-align: justify;"> ຜູ້​ຂຽນ​ໄດ້​ຟັງ​ແລ້ວ​ອ່ານ​ແລ້ວ​ກໍ​ລອງ​ຕິດ­ຕາມ​ເບິ່ງ​ໃນ​ຫຼາຍປະ­ເທດ​ທຶນ​ນິ­ຍົມ ກໍ​ຄື​ປະ­ເທດ​ທີ່​ີ​ນຳ​ໃຊ້​ກົນໄກ​ຕະ­ຫຼາດ​ທຶນ​ນິຍົມ​ ກໍ​ມັກ​ມີ​ປະ­ກົດ​ການ​ຢຸດ​ສະ​ງັກ ຫຼື ວ່າ​ມີ​ບັນ­ຫາ​ດ້ານ​ການເງິນ (ຟອງ​ສະ­ບູ​ແຕກ) ນັ້ນ​ແມ່ນ​ການ​ແລ່ນ­ນຳ​ການ​ບໍ­ລິ­ໂພກເກີນ​ຕົວ ເຊັ່ນ​ວ່າ: ທຸ­ລະ​ກິດ​ອະ­ສັງ­ຫາ­ລິ­ມະ​ຊັບ (ສ້າງ​ເຮືອນຂາຍ) ທຸ­ລະ​ກິດ​ບໍ­ລິ­ການ ຮ້ານ​ອາ­ຫານ-ທ່ອງ​ທ່ຽວ​ທີ່​ໃຫຍ່​ໂຕເກີນ​ຕົວ ມະ­ນຸດ​ເງິນ­ເດືອນ​ທີ່​ມີ​ລາຍ​ຈ່າຍ​ເກີນຕົວ (ເບີກ​ເງິນເດືອນ​ນີ້​ ແຕ່​ຈ່າຍ​ກ່ອນ​ລ່ວງ​ໜ້າ​ແລ້ວ 3 ເດືອນ).</p> <p style="text-align: justify;"> ບາດ­ນີ້​ມາ​ກ້ຽວ​ໃສ່​ບ້ານ​ເຮົາ ປາ­ກົດ­ການ​ອັນ​ນີ້​ກໍ​ເລີ່ມ​ແລ້ວມີ​ຄົນ​ເຮີ່​ນຳ​ລົດ ​ບໍ່​ມີ​ເງິນ­ສົດ​ກໍ​ຊື້​ຜ່ອນ​ຊື້​ດາວ ຍັງ​ບໍ່​ເວົ້າ​ເຄື່ອງໃຊ້​ສອຍ​ໃນ​ຄົວ​ເຮືອນ ຂອງ​ຢູ່​ແນວ​ກິນ​ທີ່​ມີ​ການ​ບໍ­ລິ­ການ​ລ່ວງໜ້າ ​ເກັບ​ເງິນ​ຕາມ​ຫຼັງ ພວກ​ເຮີ່​ນຳ​ເຄື່ອງ­ມື​ສື່­ສານ​ທີ່​ທັນ​ສະໄໝ ແຕ່​ມີ​ແລ້ວ​ນຳ​ໃຊ້​ບໍ່​ຄຸ້ມ​ຄ່າ.</p> <p style="text-align: justify;"> ທັງ​ໝົດ​ນັ້ນ​ແມ່ນ​ກະ­ແສ​ທຶນ​ນິ­ຍົມ​ສາ­ມານ​ແທ້ໆ​ເນີ! ຂໍ​ຍົກຕົວ­ຢ່າງ​ການ​ໃຊ້​ຈ່າຍ​ເກີນ​ຕົວ​ເລື່ອງ​ເຄື່ອງ­ມືສື່­ສານ​ນີ້​ເຫັນ​ວ່າ ເຮີ່​ກັນ​ຄອບ​ຄອງ​ ແຕ່​ໃຊ້​ບໍ່​ຄຸ້ມ​ຄ່າ ​ພຽງ​ແຕ່​ໃຊ້​ຖ່າຍ­ຮູບ​ງານສ້າງ­ສັນ ງານ​ດອງ ຫຼິ້ນເກມ​ທໍ່​ນັ້ນ ຜູ້​ຂຽນ​ໄປ​ຮ່ວມ​ງານ​ດອງຫຼາຍ​ບ່ອນ​ເຫັນ​ກັບ​ຕາ... ການ​ອວດ​ອ້າງ​ຫຼິ້ນ​ເກມ​ໃນ​ໂທລະສັບ ໃນ​ໄອ​ແພັດ ໄປ​ຄຽງ​ຄູ່​ກັບ​ການ​ຖ່າຍ­ຮູບ​ແລ້ວ​ນຳ­ໄປ​ໂຊ​ຢູ່ໜ້າ Facebook ເວົ້າ​ເລື່ອງ​ນີ້​ກໍ​ເລີຍ​ລາມປາມ​ໄປ​ເຖິງ​ກະ­ແສສື່​ສັງ­ຄົມ (Social Media) ດຽວ­ນີ້​ອັນ­ຕະ­ລາຍ ເພາະ​ການນຳ​ສະ­ເໜີ​ເຮັດ​ຕາມ­ໃຈເຈົ້າ​ຂອງ​ເອງ.</p> <p style="text-align: justify;"> ຫຼາຍ​ຄົນ​ພັດ​ຊິ​ວ່າ ຂຽນ​ຫາ​ຊິ​ແຕກ​ຫຍັງ? ເງິນ​ໃຜ​ເງິນ​ມັນ ບໍ່​ໄດ້​ຂໍ​ເງິນ​ໃຜ​ມາ​ຊື້? ອັນ​ນີ້​ຖືກ­ຕ້ອງ ແຕ່​ທີ່ຢາກ​ເວົ້າ​ແມ່ນການ​ເອົາ​ເງິນ​ລັດ-ເງິນ​ຫຼວງ-ເງິນ​ສ່ວນ​ລວມ​ມາ​ຊື້​ຈ່າຍ​ກັນແບບ​ບໍ່​ຄຸ້ມ​ຄ່າ ແທນ​ທີ່​ຊິ​ໄປເຮັດ​ແນວ​ອື່ນ​ນັ້ນ​ມັນ​ເປັນ​ເລື່ອງ​ທີ່ບໍ່​ໜ້າ​ຊິ​ເປັນ​ໄປ​ໄດ້? ເປັນ​ເລື່ອງ​ທີ່​ບໍ່​ຄວນ​ເຮັດ.</p> <p style="text-align: justify;"> ທ້າຍ​ທີ່​ສຸດ​ກໍ​ຕ້ອງ​ໄດ້​ຮູ້​ທັນ​ກະ­ແສ​ໂລ­ກາ​ພິ​ວັດ ຮູ້​ທັນ​ກົນ​ໄກຕະ­ຫຼາດ ບໍ່​ຊັ້ນ​ຈະ​ພາດ​ພັ້ງ​ຕົກ​ເປັນ​ເຫຍື່ອ ຕົກ​ເປັນ​ທາດ​ຂອງມັນ​ໂດຍ​ບໍ່​ຮູ້­ສຶກ​ຕົວ.</p> <p style="text-align: justify;"> ພວກ​ເຮົາ​ຕ້ອງ​ໄດ້​ຮູ້! ບັນ­ດາ​ລາຍ​ຮັບ​ຂອງ​ຕົນ​ແລ້ວ​ສ້າງແຜນ​ກຳ­ນົດ​ລາຍ​ຈ່າຍ ໃນ​ນັ້ນ ໃຫ້​ຖື​ສຳ­ຄັນການ​ອົດ­ອອມຄົນ​ທີ່​ເປັນ​ເສດ­ຖີ​ໃນ​ໂລກ​ລ້ວນ​ແລ້ວ­ແຕ່​ມາ​ຈາກ​ການ​ອົດອອມ ກົງ­ກັນ­ຂ້າມ​ຄົນ​ສໍ້​ລາດບັງ​ຫຼວງ ຄົນ​ສໍ້​ໂກງ​ຜູ້​ອື່ນ​ກໍ​ມີ​ສິດເປັນ​ເສດ­ຖີ​ໄດ້ ແຕ່​ຢ່າ​ລືມ​ວ່າ: ບາບ​ນຳ­ທັນ​ບໍ່​ມີ​ຊາດ​ໜ້າ​ເນີ!.</p> <p style="text-align: justify;"> <strong>ໂດຍ: ທິດດີ</strong></p>

ຂ່າວທີ່ກ່ຽວຂ້ອງ