ນຳ​ຮອຍ​ປະ­ຫວັດ­ສາດ​ທ່ານ​ຜູ້­ນຳ

1.827 05 ທ.ວ. 2013 ນານາສາລະ

<p style="text-align: justify;"> ເກືອບ​ສອງ​ອາ­ທິດ ຫ່າງ​ຫາຍ​ຈາກ​ຄໍ​ລຳ​ຍ້ອນ​ໜ້າ­ທີ່​ການ​ງານ ຄື: ນັບ​ແຕ່​ວັນ​ທີ9-16/11/2013ໄດ້​ເດີນ­ທາງ​ຮ່ວມ​ຜູ້​ແທນ​ສະ­ມາ­ຄົມນັກ​ປະ­ພັນ​ລາວ​ໄປ ສສ.ຫວຽດ­ນາມ ເພື່ອ​ນຳ​ຮອຍປະ­ຫວັດ­ສາດ​ຂອງ​ທ່ານ​ຜູ້­ນຳ​ເຮົາ ນອກ​ນັ້ນ​ກໍ​ເຂົ້າຮ່ວມ​ກອງ​ປະ­ຊຸມການ​ຝຶກ​ອົບ­ຮົມ​ເລີຍ​ບໍ່​ຄ່ອຍ​ມີສະມາ​ທິ​ໃນ​ການຂຽນ ປ່ອຍ​ໃຫ້ “ດັ້ນ​ກີບ​ເມກ” ເຮັດ​ໜ້າທີ່​ແທນ​ໄລ­ຍະ​ໜຶ່ງ.</p> <p style="text-align: justify;"> ຫາກ​ເພື່ອນ​ຜູ້​ອ່ານ​ຕິດ­ຕາມ​ຈະ​ເຫັນ​ວ່າ​ມີ​ບົດ​ຂຽນຂອງ​ດອກ​ຊ້ອນ​ດອນ​ໂຂງ​ອອກ​ລຽນ­ຕິດ​ກ່ຽວ​ກັບການ​ເດີນ­ທາງ​ຄັ້ງ​ນີ້​ໃນ​ໜັງ­ສື­ພິມ​ເສດ­ຖະ­ກິດ-ການຄ້າ ແລະ ວຽງ​ຈັນ​ໃໝ່.</p> <p style="text-align: justify;"> ຍ້ອນ​ຢູ່​ໃນ​ຄະ­ນະ​ດຽວ​ກັນ​ຜູ້​ຂຽນ​ຈຶ່ງ​ບໍ່​ເວົ້າ​ຫຼາຍພຽງ​ແຕ່ຢາກ​ສະ­ເໜີ​ໃຫ້​ຮູ້​ວ່າ​ພວກ​ເຮົາ​ເດີນ­ທາງ​ຄັ້ງນີ້​ດ້ວຍ​ລົດ​ໄປ-ກັບ ໄລ­ຍະ​ທາງ 3000 ກວ່າ​ກິ​ໂລແມັດ ຖື​ວ່າ​ເປັນ​ການ​ທົດ​ສອບ​ສຸ­ຂະ­ພາບ​ສຳ­ລັບ​ຜູ້​ມີພະ­ຍາດ​ໂລ­ຄາ​ປະ­ຈຳ ກິນ​ຢາ​ປະ­ຈຳ ຄັ້ງໃຫຍ່​ສຳ­ລັບນັກ​ປະ­ພັນ​ທີ່​ມີ​ອາ­ຍຸ​ໝາຍເລກ 5 ຂຶ້ນ​ເມືອ... ສຸດທ້າຍ​ກໍ​ດີ­ໃຈ​ນຳ ເພາະ​ສາ­ມາດ​ຜ່ານ​ຜ່າ​ອຸ­ປະ­ສັກ​ໄດ້ໝົດ​ທຸກ​ທ່ານ.</p> <p style="text-align: justify;"> ພວກ​ເຮົາ​ໄປ​ຮອດ​ສະ­ຖານ­ທີ່​ຜູ້­ນຳ​ເຮົາ​ອາ­ໄສ​ຢູ່​ໃນ​ຊຸມປີ 1950-51 ເພື່ອ​ຄົ້ນ­ຄວ້າ​ວາງ​ແຜນ​ໃຫ້ແກ່​ການຕໍ່­ສູ້​ກູ້​ຊາດ ຕ້ານ​ພວກ​ລ່າ​ເມືອງ​ຂຶ້ນ​ແບບ​ເກົ່າ​ຢູ່​ບ້ານດ້າ​ບານ-ບ້ານ​ລ້າງ​ງອຍ ເມືອງຢຽນ​ເຊີນ ແຂວງຕວຽນ​ກວາງ ພາກ​ເໜືອ​ຫວຽດ­ນາມ.</p> <p style="text-align: justify;"> ຢູ່​ບ້ານ​ດ້າ​ບານ​ນີ້​ແມ່ນ​ບ່ອນ​ອາ­ໄສ​ຂອງ​ສະ­ເດັດ​ເຈົ້າສຸ​ພາ­ນຸ​ວົງ ໃນ​ໄລ­ຍະ​ປີ 1951 ເຊິ່ງ​ມີ​ຖ້ຳ​ຢູ່ຄຽງ​ຂ້າງບ່ອນ​ຕັ້ງ​ຕູບ​ເຮັດ​ວຽກ​ຂອງ​ເພິ່ນ... ພວກ​ເຮົາ​ອາດເຄີຍ​ເຫັນ​ຮູບ​ເພິ່ນ​ນັ່ງ​ຂຽນ​ໜັງ­ສື ຄົ້ນ­ຄວ້າ​ເອ­ກະ­ສານຢູ່​ຕັ່ງ ແລະ ໂຕະ​ທີ່​ເຮັດ​ດ້ວຍ​ໄມ້​ໃຜ່ ໃສ່​ຊຸດ​ຊາວ­ນາ​ປະຕີນ​ເປົ່າ​ນັ້ນ​ແມ່ນ​ຢູ່​ເຂດ​ນີ້​ລະ! ຢູ່​ນີ້​ເພື່ອນ​ຫວຽດ­ນາມໄດ້​ສ້າງ​ຫຼັກ​ຈາ­ລຶກ​ໄວ້​ເປັນ​ສອງ​ພາ­ສາ​ລາວ ແລະຫວຽດ­ນາມ ບອກ​ເຖິງ​ຈຸດ​ນີ້​ວ່າ​ເປັນ​ທີ່­ຢູ່​ອາ­ໄສ​ຂອງສະ­ເດັດ​ເຈົ້າສຸ​ພາ­ນຸ​ວົງ.</p> <p style="text-align: justify;"> ສ່ວນ​ຢູ່​ບ້ານ​ລ້າງ​ງອຍ​ຢູ່​ຫ່າງ​ກັນ​ປະ­ມານ​ສອງ​ກິໂລ​ແມັດ ນັ້ນ​ມີ​ຫຼັກ​ຈາ­ລຶກ​ບ່ອນ​ຈັດ​ກອງ​ປະ­ຊຸມຄັ້ງ​ທີໜຶ່ງ​ຂອງ​ແນວ​ລາວ​ອິດ­ສະ­ຫຼະ ເຊິ່ງ​ເປັນ​ບາດ­ກ້າວ​ທີ່ສຳ­ຄັນ​ຂອງ​ການ​ປະ­ຕິ­ວັດ​ລາວ ເພາະກອງ​ປະ­ຊຸມ​ນີ້ໄດ້​ຈັດ​ຕັ້ງ​ລັດ­ຖະ­ບານ​ລາວ​ຕໍ່­ຕ້ານ​ຂຶ້ນ ໂດຍ​ແມ່ນ​ສະເດັດ​ເຈົ້າ​ສຸ​ພາ­ນຸ​ວົງ (ເຈົ້າຊາຍ​ແດງ) ເປັນ​ນາ­ຍົກ​ລັດຖະ​ມົນ­ຕີ... ມີ​ຫຼັກ​ຈາ­ລຶກ​ຕູບ​ອາ­ໄສ​ຂອງ​ທ່ານ ໄກ­ສອນພົມ­ວິ­ຫານ... ມີ​ເຮືອນ​ຈຳ­ລອງ​ຕູບ​ອາ­ໄສ​ຂອງ​ສະເດັດ​ເຈົ້າ​ສຸ​ພາ­ນຸ​ວົງ ເຊິ່ງ​ຢູ່​ທີ່​ນີ້​ພວກ​ເຮົາ​ໄດ້​ປູກ​ດອກຈຳ­ປາສອງ​ຕົ້ນ ເພື່ອ​ຢັ້ງ­ຢືນ​ວ່າ​ຄະ­ນະ​ນັກ​ປະ­ພັນ​ລາວໄດ້​ນຳ​ຮອຍ​ມາຮອດ​ມາ​ເຖິງ​ສະ­ຖານ­ທີ່​ສຳ­ຄັນຂອງການ​ປະ­ຕິ­ວັດ​ລາວ.</p> <p style="text-align: justify;"> ການ​ໄປ​ຮອດ​ຄັ້ງ​ນີ້​ພາ­ໃຫ້​ພວກ​ເຮົາ​ເຫັນໄດ້​ຄວາມ​ອົດ­ທົນ ຜ່ານ​ຜ່າ​ອຸ­ປະ­ສັກ... ຈິດ­ໃຈເຊື່ອ​ໝັ້ນຕໍ່​ເສັ້ນ­ທາງ​ປະ­ຕິ­ວັດ​ຂອງ​ຜູ້­ນຳ​ເຮົາໃນ​ການ​ຕໍ່­ສູ້​ກູ້​ຊາດ ສະ­ນັ້ນ ຈຶ່ງ​ເຮັດ​ໃຫ້​ປະ­ເທດຊາດ ໄດ້​ຮັບເອ­ກະ­ລາດ... ພວກ​ເຮົາ​ໄດ້​ມີ​ຊີ­ວິດຢູ່​ຄື​ສູ່​ມື້­ນີ້ ນັ້ນ​ຄື​ບຸນຄຸນ​ອັນ​ຍິ່ງ​ໃຫຍ່​ຫາ​ໃສ​ປຽບປານ​ບໍ່​ໄດ້ຂອງ​ບັນ­ດາ​ທ່ານ​ຜູ້­ນຳ​ເຮົາ.</p> <p style="text-align: justify;"> ຢາກ​ເຊີນ­ຊວນ​ຜູ້​ມີ​ເງື່ອນ­ໄຂ​ຫາ​ໂອ­ກາດ​ນຳຮອຍ​ປະ­ຫວັດ­ສາດ​ທ່ານ​ຜູ້­ນຳ ເພື່ອ​ຈະ​ໄດ້​ຮັບ​ຮູ້ວ່າ​ພວກ​ເພິ່ນ​ເຮັດ​ຫຍັງ​ແດ່ເພື່ອ​ປະ­ເທດ​ຊາດບ້ານ​ເມືອງ.</p> <p style="text-align: justify;"> <strong>ໂດຍ: ທິດ​ດີ</strong></p>

ຂ່າວທີ່ກ່ຽວຂ້ອງ