ຂ່າວຫຼ້າສຸດ

ຕ້ອງ​ຮູ້​ເທົ່າ​ທັນ​ໂລກາ​ພິ​ວັດ

1.815 26 ພ.ຈ. 2013 ນານາສາລະ

<p style="text-align: justify;"> ເບິ່ງ​ກະແສ​ການພັດທະນາ​ຂອງ​ໂລກ​ດຽວນີ້ ບໍ່​ມີ​ໃຜ​ປະຕິເສດ​ໄດ້​ວ່າມັນ​ໝູນ​ໄປ​ໄວ​ແທ້ໆ ເຊິ່ງການ​ເຊື່ອມ​ຈອດ​ດ້ວຍ​ເຄື່ອງມື​ທັນສະໄໝ​ນັ້ນ ໄດ້​ທຳລາຍ​ພົມ​ແດນ​ເກົ່າ​ໄປ​ໝົດ​ແລ້ວ ແລະ ໃນການ​ເຊື່ອມ​ຈອດ​ເຂົ້າກັນໃນ​ຍຸກ​ໂລກ​ໄຮ້​ພົມ​ແດນ​ນີ້​ ປະກົດວ່າ ການ​ພັດທະນາ​ຂອງ​ແຕ່​ລະປະເທດ​ມີ​ທັງ​ແງ່​ບວກ ແລະ ແງ່​ລົບ ໃນ​ນັ້ນ​ສັງຄົມ​ລາວ ກໍ​ອາດ​ລວມ​ຢູ່​ໃນ​ທັງ​ສອງ​ແງ່​ນັ້ນ ໂດຍສະເພາະ​ໃນ​ດ້ານ​ເສດຖະກິດ​ການ​ເປັນ​ຢູ່​ຂອງ​ປະຊາຊົນ​ ກໍ​ຍ່ອມ​ມີ​ທັງ​ຍາມ​ສະດວກ ແລະ ຍາມ​ຝືດເຄືອງ.</p> <p style="text-align: justify;"> ເວລາ​ໃດ​ກໍ​ຕາມ ຖ້າ​ເງື່ອນໄຂ​ເສດຖະກິດ​ເອື້ອ​ອຳນວຍ ເຮັດ​ໃຫ້​ຄົນ​ມີ​ກຳລັງ​ຊື້​ສູງ ປະກົດ​ການນັ້ນ​ກໍ​ຢ່າ​ຟ້າວ​ຫຼົງຄິດວ່າ​ມັນ​ຈະ​ບໍ່​ມີ​ຍາມ​ຝືດເຄືອງ ເຊິ່ງ​ໃນ​ຍາມ​ຂັດ​ຝືດເຄືອງ​ກໍຕ້ອງ​ໄດ້​ກຳນົດເພດານ​ການ​ເງິນ​ໃນ​ການ​ຈັບ​ຈ່າຍ​ໃຊ້​ສອຍໃຫ້​ປະຢັດ​ບໍ່​ຟຸມ​ເຟືອຍ ແລະ ທີ່​ສຳຄັນ​ຄວາມອົດທົນ ແລະ ຄວາມ​ເຂົ້າໃຈ​ສະຖານະ​ການ ​ກໍ​ແມ່ນ​ວິທີ​ຄິດ​ໜຶ່ງ​ທີ່​ເຮັດ​ໃຫ້​ຊີວິດ​ກ້າວ​ເດີນ​ຕໍ່​ໄປໄດ້ ເຊິ່ງ​ໃນ​ຍາມ​ນີ້​ເມື່ອ​ລາຄາ​ສິນຄ້າ​ບາງຢ່າງມັນ​ກໍ​ໄດ້​ຂຶ້ນ​ແລ້ວ​ກໍ​ລົງ​ຍາກ ແຕ່​ກຳລັງ​ຊື້​ຍ່ອມ​ມີຂີດ​ຈຳກັດ ລວມ​ໄປ​ຮອດ​ພີ່ນ້ອງ​ສ່ວນ​ໜຶ່ງ​ທີ່​ເຂົ້າ​ຫວຍ ແລະ ໃຊ້​ເງິນຜ່ອນ​ເອົາ​ເຄື່ອງໃຊ້ ມີ​ທັງລົດ​ລາງ ເຊິ່ງ​ຕ້ອງ​ໄດ້​ຈ່າຍ​ຕາມ​ກຳນົດ​ທີ່​ຕົກລົງ​ກັນ​ໄວ້​ນັ້ນ ກໍ​ຕ້ອງ​ໄດ້​ຊອກ​ຫາ​ທາງ​ອອກ ບົນພື້ນຖານ​ຄວາມ​ເປັນ​ຈິງ​ຂອງ​ລາຍ​ຮັບ.</p> <p style="text-align: justify;"> ໃນ​ໂລກ​ນີ້​ມີ​ມືດ ແລະ ແຈ້ງ​ເປັນ​ຂອງ​ຄູ່​ກັນ ເຊັ່ນ​ດຽວກັບ​ເສດຖະກິດ​ມີ​ຍາມ​ສະດວກ ແລະ ຝືດເຄືອງ “ດັ້ນ​ກີບເມກ” ຂໍ​ອີງ​ເອົາ​ຫຼັກ​ທາງ​ພຸດ​ທະ​ສາດສະໜາ​ວ່າ​ ຕ້ອງ​ຍ່າງທາງ​ສາຍ​ກາງ ຄື: ບໍ່​ໃຫ້​ເຄັ່ງ​ເກີນ​ໄປ ແລະ ກໍ​ບໍ່​ຮັດ​ຕຶງ​ເກີນ​ໄປ ໝາຍ​ຄວາມ​ວ່າ ຄວາມ​ຕ້ອງການ​ໜ້ອຍ ຫຼື ຫຼາຍ​ນັ້ນມີ​ກັນທຸກ​ຄົນ ແຕ່​ການ​ຈະ​ຈັບ​ຈ່າຍ​ໃຊ້​ເງິນ​ນັ້ນ ​ຕ້ອງ​ໄດ້​ທົບ​ທວນ​ເຖິງກຳລັງ​ການ​ເງິນ​ຂອງ​ຕົນເອງ​ວ່າ​ມີ​ໜ້ອຍ​ຫຼາຍ​ສ່ຳ​ໃດ ໂດຍຫຼີກເວັ້ນ​ແລ່ນ​ຕາມ​ກະແສ​ຄ່າ​ນິຍົມ ແລະ ອີກ​ຢ່າງ​ໜຶ່ງ​ທ່ານຜູ້​ອ່ານ​ລອງ​ສັງເກດ​ເບິ່ງ​ວ່າ ​ໃນ​ສັງຄົມ​ທຸກ​ມື້ນີ້ ມີ​ສິນຄ້າ​ລາຄາ​ແພງ​ທີ່​ຜະລິດ​ອອກ​ມາ​ນຳ​ໃຊ້ ເຊັ່ນ: ເຄືອງ​ມື​ສື່ສານ​ຈຳພວກ​ໂທລະສັບ​ມື​ຖື ໄອ​ໂຟນ ໄອ​ແພັດ ... ພໍ​ຜ່ານ​ໄປ​ສອງສາມ​ປີ​ສິນຄ້າ​ທີ່​ວ່າ​ນັ້ນກໍ​ບອກ​ວ່າ​ມັນ​ຫຼ້າ​ສະໄໝ ຕ້ອງ​ໄດ້​ຜະລິດ​ຍີ່ຫໍ້​ໃໝ່​ມາ​ນຳ​ໃຊ້​ອີກ ເຊິ່ງ​ເບິ່ງ​ຈັ່ງ​ໜຶ່ງກໍ​ຢູ່​ໃນ​ລັກສະນະດູດ​ດຶງ​ໃຫ້​ຄົນ​ແລ່ນນຳ​ວັດຖຸ​ເຫຼົ່ານັ້ນ ​ໂດຍ​ຜ່ານ​ຂະ​ບວນ​ການສ້າງ​ເງື່ອນໄຂຄ່າ​ນິຍົມ ​ເຫັນ​ວ່າ​ມັນ​ຈຳເປັນ​ຕ້ອງ​ມີ​ຕ້ອງ​ໃຊ້​ ປະກົດ​ການ​ແບບ​ນີ້ຜູ້​ຂຽນ​ວ່າ ​ສັງຄົມ​ຕ້ອງ​ຮູ້​ເທົ່າທັນ​ກະແສ​ໂລກາ​ພິ​ວັດ.</p> <p style="text-align: justify;"> ການ​ທີ່​ຜູ້​ຂຽນ​ຍົກ​ປະເດັນ​ອີງໃສ່​ທາງ​ສາຍ​ກາງ​ນັ້ນ ເຫັນວ່າຄວາມ​ຕັ້ງ​ຕົນ​ໄວ້​ໃນ​ຄວາມ​ພໍດີ ເວົ້າແບບ​ນີ້​ທ່ານ​ຜູ້​ອ່ານຫຼາຍ​ຄົນ​ຄົງ​ຄິດ​ຢາກ​ຖາມ​ຂຶ້ນ​ມາ​ວ່າ ຄວາມ​ພໍດີ​ໝາຍ​ຄວາມວ່າ​ແນວໃດ ເພາະ​ຄວາມ​ຕ້ອງການ​ຂອງ​ແຕ່ລະຄົນ​ມັນ​ບໍ່​ຄືກັນ! ຂໍ​ຕອບ​ວ່າ ຄວາມ​ພໍດີ​ນັ້ນ​ແມ່ນ​ໃຊ້​ຈ່າຍຕາມ​ກຳລັງຂອງ​ແຕ່ລະຄົນ ໂດຍ​ຫຼີກເວັ້ນ​ການ​ໃຊ້​ຈ່າຍ​ທີ່​ບໍ່​ຈຳເປັນ ແລະ ຕ້ອງ​ແຍກ​ແຍະຄຸນຄ່າ​ແທ້​ກັບ​ຄຸນຄ່າ​ທຽມ​ໃຫ້​ອອກ ຂໍ​ຍົກຕົວຢ່າງ​ເລື່ອງ​ການ​ກິນ ​ຕ້ອງ​ໄດ້​ເຂົ້າໃຈ​ວ່າ: ເຮົາ​ຊິ​ຢູ່ເພື່ອ​ກິນ ຫຼື ຊິ​ກິນ​ເພື່ອ​ຢູ່.</p> <p style="text-align: justify;"> ເວົ້າ​ໂດຍ​ສັງ​ລວມ​ແລ້ວ​ເຮົາ​ຕ້ອງ​ຮູ້​ເຖິງ​ແກ່ນ​ແທ້​ຂອງໂລກ​ວັດຖຸ​ນິຍົມ ເຮົາ​ຈຶ່ງ​ສາມາດ​ສະກັດກັ້ນ​ຄວາມ​ຢາກ​ຂອງເຮົາ​ ທີ່​ມັນ​ມາ​ນຳ​ກະແສ​ໂລກາ​ພິ​ວັດ ບໍ່​ດັ່ງນັ້ນ​ເຮົາ​ຈະ​ຕົກ​ເປັນເຫຍື່ອ ແລະ ທາດ​ຂອງ​ມັນ​ໂດຍ​ບໍ່​ຮູ້ສຶກ​ຕົວ “ກິນ​ເຂົ້າ​ຢູ່​ຮ້ານອາຫານ​ໃຫຍ່​ຊື່​ດັງ ນຸ່ງ​ເຄື່ອງ​ມີ​ຍີ່ຫໍ້ ຂີ່​ລົດ​ທັນສະໄໝ​ເປັນ​ສິ່ງທຸກ​ຄົນ​ໄຝ່​ຝັນ ແຕ່​ບໍ່​ແມ່ນ​ຈະ​ເຮັດ​ໄດ້​ໝົດ​ທຸກ​ຄົນ ”.</p> <p style="text-align: justify;"> <strong>ໂດຍ: ດັ້ນ​ກີບ​ເມກ</strong></p>

ຂ່າວທີ່ກ່ຽວຂ້ອງ