ຢືນ​ຢັນ​ ຈະ​ຍາດ​ລາ­ງວັນ​ໃດ​ໜຶ່ງ​ມາ­ສູ່​ປະ­ເທດ

3.844 12 ພ.ຈ. 2013 ສຶກສາ
ຢືນ​ຢັນ​ ຈະ​ຍາດ​ລາ­ງວັນ​ໃດ​ໜຶ່ງ​ມາ­ສູ່​ປະ­ເທດ

<p style="text-align: justify;"> ເປັນ​ໜ້າ​ພາກ­ພູມ​ໃຈ​ທີ່​ນ້ອງ​ນັກ­ຮຽນຈາກ​ປະ­ເທດ​ລາວ ຈະ​ເດີນ­ທາງ​ໄປ​ເຂົ້າຮ່ວມ​ການແຂ່ງ­ຂັນ​ໃນ​ໂຄງ­ການ “ນັກ​ວິທະ​ຍາ​ສາດ​ໜຸ່ມ​ນ້ອຍ” ທີ່​ປະ­ເທດ​ມາເລ​ເຊຍ ໃນ​ລະ­ຫວ່າງ​ວນ​ທີ 3-7 ເດືອນ ເມ­ສາ 2014 ທີ່​ຈະ​ມາ​ເຖິງ ໂດຍແມ່ນ​ນ້ອງ​ນັກ­ຮຽນ​ຈາກ​ໂຮງ­ຮຽນ​ກຽດຕິ​ສັກ ນະ­ຄອນ­ຫຼວງ​ວຽງ​ຈັນ ຈະ​ເປັນຕົວ​ແທນ​ໃຫ້​ນັກ­ຮຽນ​ຊັ້ນ ມ7 ເຂົ້າ​ຮ່ວມແຂ່ງ­ຂັນ​ໃນວິ­ຊາ​ຄະ­ນິດ­ສາດ ແລະ ວິຊາ​ວິ­ທະ­ຍາ­ສາດ (ໂຄງ­ການ​ເກັບ​ນ້ຳຝົນ) ເຊິ່ງ​ແຕ່​ລະ­ວິ​ຊາ​ມີນັກ­ຮຽນ 2 ຄົນເປັນ​ຕົວ​ແທນ​ເຂົ້າ​ຮ່ວມ​ການ​ແຂ່ງ­ຂັນ ໂດຍ​ມີ​ຜູ້​ຊ່ວຍ ແລະ ຄູ​ນຳ­ພາ​ເດີນທາງ​ໄປ​ນຳ.</p> <p style="text-align: justify;"> ນາງ ແສງ​ສະ­ຫວັນ ຈັນ­ທະ​ວົງ­ສາ ນັກ­ຮຽນ​ຊັ້ນ ມ7 ຂອງ​ໂຮງ­ຮຽນ​ກຽດຕິ​ສັກ ເຊິ່ງ​ເປັນ​ຕົວແທນ​ນັກ­ຮຽນ​ທີ່​ຈະເດີນ­ທາງ​ໄປ​ຮ່ວມ​ແຂ່ງ­ຂັນ​ໃນ​ວິ­ຊາຄະ­ນິດ​ສາດ​ ​ໄດ້​ກ່າວ​ວ່າ: ກ່ອນຈະໄດ້​ເປັນ​ຕົວ​ແທນ​ໃນ​ຄັ້ງ​ນີ້ ກໍ​ບໍ່​ແມ່ນຈະ​ໄດ້​ມາ​ໂດຍ​ງ່າຍ­ດາຍ ໄດ້​ມີ​ການ​ຄັດເລືອກ​ກັນຈາກ​ກະ­ຊວງ​ສຶກ​ສາ​ທິ​ການແລະ ກີ­ລາ ໂດຍ​ມີ​ນັກ­ຮຽນທີ່​ມາ​ຈາກ3ໂຮງ­ຮຽນ​ເຂົ້າ​ຮ່ວມຄື: ໂຮງ­ຮຽນ​ມັດທະ​ຍົມ​ສຶກ​ສາ​ສົມ­ບູນ​ວຽງ​ຈັນ ໂຮງຮຽນ​ພອນ​ສະ­ຫວັນ​ຊົນ­ເຜົ່າ ແລະ ໂຮງຮຽນ​ກຽດ​ຕິ​ສັກ ເຊິ່ງ​ປີ​ນີ້ ໂຊກ​ດີ​ທີ່​ພວກເຮ​ົ​ໄດ້​ມີ​ໂອ­ກາດ​ໄດ້​ຜ່ານ​ການ​ຄັດ​ເລືອກໃຫ້ເປັນ​ຕົວ​ແທນ​ນັກ­ຮຽນ​ລາວ​ເຂົ້າຮ່ວມ​ການ​ແຂ່ງ­ຂັນ​ໃນ​ຄັ້ງ​ນີ້.</p> <p style="text-align: justify;"> ກ່ອນ​ໜ້າ­ການ​ເຂົ້າ​ຮ່ວມ​ຮອບ​ຄັດເລືອກພວກ​ເຮົາ​ກໍ​ມີ​ການ​ກຽມ​ຕົວ​ມາເປັນ​ເວ­ລາ​ດົນສົມ­ຄວນ ແຕ່​ຕາມ​ປົກກະ­ຕິ ຕົນ​ເອງ​ກໍ​ມີ​ພອນ​ສະ­ຫວັນ​ທາງດ້ານ​ວິ­ຊາ​ຄະ­ນິດ­ສາດ​ຢູ່​ແລ້ວ ເພື່ອ​ບໍ່ເປັນ​ການ​ປະ­ໝາດ ເພາະ​ບໍ່​ຮູ້​ວ່າ​ບັນ­ດານັກ­ຮຽນ​ທີ່​ເຂົ້າ​ຮ່ວມ​ການ​ແຂ່ງ­ຂັນຈາກນາໆ​ປະ­ເທດ ມີ​ການ​ກຽມ​ຕົວ​ກັນມາ​ຄື​ແນວ­ໃດ ເພາະ­ສະ­ນັ້ນ ພາຍ­ຫຼັງໄດ້​ຮັບ​ຄັດເລືອກ​ແລ້ວ ທາງ​ໂຮງ­ຮຽນກໍ​ຄື​ຄູ-ອາ­ຈານ​ທີ່​ຮັບ­ຜິດ­ຊອບ ໄດ້​ມີການ​ເນັ້ນ​ໜັກ​ການ​ຮຽນໃຫ້​ເຂັ້ມ​ຂຸ້ນຂຶ້ນ ດ້ວຍ​ການ​ສອນ​ພິ­ເສດ ແລະຕົນ​ເອງກັບ​ເພື່ອນ​ນັກ­ຮຽນ​ທີ່​ຈະ​ເດີນທາງໄປ​ຮ່ວມ​ແຂ່ງ­ຂັນ​ໃນ​ຄັ້ງ​ນີ້ ໄດ້​ມີການ​ຄົ້ນ­ຄວ້າ​ໜັກ​ຂຶ້ນ​ກວ່າ​ເກົ່າ ເພື່ອຊອກ​ຫາ​ແຫຼ່ງ​ຂໍ້​ມູນ ໂດຍ​ການ​ຮຽນຜ່ານ​ທາງ​ລະ­ບົບ​ອອນ​ລາຍອິນ​ເຕີ​ເນັດເພື່ອ​ຂະ­ຫຍາຍ​ການ​ຮຽນ​ຮູ້​ໃຫ້ກວ້າງຂວາງ​ໃນ​ລະ­ດັບ​ສາ­ກົນ.</p> <p style="text-align: justify;"> ໃນ​ນາມ​ສ່ວນ​ຕົວ​ແລ້ວ​ຮູ້­ສຶກ​ດີ­ໃຈຫຼາຍ ເພາະ​ຖື​ເປັນ​ກຽດ​ອັນ​ສູງ​ສົ່ງ​ທີ່​ໄດ້ມີ​ໂອ­ກາດ​ເຂົ້າຮ່ວມ​ແຂ່ງ­ຂັນ ຕົນ​ເອງແລະ ເພື່ອນ​ນັກ­ຮຽນ​ທີ່​ເຂົ້າ​ຮ່ວມ​ການແຂ່ງ­ຂັນ​ຈະ​ຕັ້ງ­ໃຈເຮັດ​ຈົນສຸດ​ຄວາມສາ­ມາດ​ສົມ​ກັບ​ການ​ໄດ້​ຮັບ​ຄວາມ​ໄວ້ເນື້ອ​ເຊື່ອ​ໃຈ​ຈາກ​ຂັ້ນ​ເທິງ ກໍ​ຄື​ບັນ­ດາຄູ-ອາ­ຈານ ແລະ ເພື່ອນ​ນັກ­ຮຽນ​ດ້ວຍກັນ ແລະ ໃຫ້​ຄຳ​ໝັ້ນ​ສັນ­ຍາ​ວ່າ​ຈະຍາດ​ແຍ່ງ​ເອົາ​ລາ­ງວັນ​ໃດ​ໜຶ່ງ​ມາ­ສູ່​ປະເທດ​ເຮົາ​ໃຫ້​ໄດ້.</p> <p style="text-align: justify;"> <strong>ໂດຍ: ແວ່ນ​ຂາວ</strong></p>

ຂ່າວທີ່ກ່ຽວຂ້ອງ