ຊ່ອງ​ຫວ່າງ​ຂ້າງ​ໂຫວ່

1.969 12 ພ.ຈ. 2013 ນານາສາລະ

<p style="text-align: justify;"> ເບິ່ງ​ເບື້ອງ​ນະ​ໂຍບາຍ​ການ​ບໍ­ລິ­ຫານ ແລະພັດ­ທະ­ນາ​ປະ­ເທດ​ຊາດບ້ານ​ເມືອງ​ຂອງ​ພັກ-ລັດແລ້ວ​ພະ­ຍາ­ຍາມ​ປົກ​ປ້ອງຄຸ້ມ​ຄອງ​​ສັງ­ຄົມ​ດ້ວຍ​ລະ­ບຽບ-​ກົດ­ໝາຍ​ນັ້ນ ກໍ​ແມ່ນເພື່ອປົກ​ປ້ອງ​ຄຸ້ມ​ຄອງ​ກັນ​ໄວ້​​ບໍ່​ໃຫ້​ເກີດ​ຊ່ອງ​ຫວ່າງ​ຈາກພວກ​ສວຍ­ໂອ­ກາດ​ຫາ​ກິນ​ນຳຊ່ອງ​ຫວ່າງ​ຂອງ​ລະ­ບຽບ​ວິ­ໄນເຊິ່ງ​ໃນ​ບາງ​ໜ່ວຍ​ງານ​ອາດ​ມີ​ປະ­ກົດ​ການ​ທີ່​ເວົ້າ​ນີ້ ເພາະ­ວ່າພະ­ຍາດ​ສວຍ­ໂອ­ກາດ ສ້າງ​ໂອ­ກາດ​ເພື່ອ​ໃຫ້​ເກີດ​ຜົນ​ປະໂຫຍດ​ແກ່​ຕົນ​ເອງ ເສຍ​ຫາຍແກ່​ການ​ເງິນ​ຂອງ​ໜ່ວຍ​ງານເຊິ່ງ​ຍາມ​ນີ້​ໃຜໆ​ກໍ​ເຂົ້າ­ໃຈ​ແລ້ວ​ວ່າ​ຕ້ອງ​ໄດ້​ປະ­ຢັດ​ອົດ­ອອມ ໂດຍ​ສະ­ເພາະ​ການ​ໃຊ້​ຈ່າຍ​ງົບ­ປະ­ມານ ຫຼື ເງິນ​ແຮ​ຖົງ​ໄວ້​ໃຊ້ໃນ​ຍາມ​ຈຳ­ເປັນ​ທີ່​ສຸດ.</p> <p style="text-align: justify;"> ຂ້າງ​ເທິງ​ນັ້ນ​ແມ່ນ​ແງ່​ມຸມ​ໜຶ່ງ​ທີ່­ຢູ່​ໃນ​ລັກ­ສະ­ນະ​ຂອງ​ການສວຍ​ໃຊ້​ໂອ­ກາດ​ທີ່​ເຫັນ​ຊ່ອງຫວ່າງ​ຂອງ​ລະ­ບຽບ​ວິ­ໄນ ຕັກຕວງ​ເອົາ​ຜົນ​ປະ­ໂຫຍດ​ເຂົ້າ​ຕົນ​ເອງ ຕໍ່​ໄປ​ຍັງ​ມີ​ອີກ​ກຸ່ມ​ຄົນຈຳນວນ​ໜຶ່ງ​ທີ່​ຫາ​ກິນ​ກັບ​ຄວາມ​ເຊື່ອ (ສັດ­ທາ) ໂດຍ​ເອົາ​ບຸນເອົາ​ນາ­ລົກ-ສະ­ຫວັນ​ເປັນທີ່​ແອບ​ອ້າງ ຫຼື ຈະ​ເວົ້າ​ອີກ​ແບບໜຶ່ງ​ວ່າ​ຂາຍ​ນາ­ລົກ​-ຂາຍ​ສະ­ຫວັນ​ກິນ​ກໍ​ຄົງ​ບໍ່​ຜິດ ເພາະກຸ່ມຄົນ​ທີ່​ວ່າ​ນີ້​ກໍ​ຫົວ​ໃສ​ບໍ່​ເຂົ້າ­ທ່າ ພຽງ​ແຕ່​ອ່ານ​ເກມ​ອ່ານ​ຈິດ­ໃຈຂອງ​ຜູ້​ມາ​ກາບ​ໄຫວ້ ແລ້ວ​ກໍ​ຊີ້​ທາງ​ອອກ​ຫຼາຍ​ເຫຼັ້ມກວຽນ ໂດຍ​ທັງ​ໝົດ​ນັ້ນ​ແມ່ນ​ຢູ່​ໃນ​ລັກ­ສະ­ນະ​ຜົນ​ປະ­ໂຫຍດເຂົ້າ­ຖົງ.</p> <p style="text-align: justify;"> ຜູ້​ຂຽນ​ເຄີຍ​ເຫັນ​ພະ​ເຖຣະ​ບາງ​ອົງ​ທີ່​ມີ​ສິນ​ມີ​ທຳ​ແທ້ໆ​ເວ­ລາເພິ່ນ​ເທດ​ສະ­ໜາ​ທຳ ຫຼື ຈະເອົາ​ທຳ​ມະ​ເຂົ້າ​ຫົວ­ໃຈ​ຄົນ​ນີ້ ເພິ່ນອາດ​ເວົ້າ​ພິ­ທີ­ກຳ​ທີ່​ເປັນ​ເປືອກ​ບາງ​ຢ່າງ​ໃຫ້​ກ່ອນ​ແລ້ວຈຶ່ງ​ເອົາແກ່ນ​ຄື​ໂຕ​ທຳ​ມະ​ນັ້ນ​ໃຫ້​ທີ​ຫຼັງ ເຊັ່ນ: ເວ­ລາ​ຄົນ​ໄປ​ກາບ​ໄຫວ້ບອກ­ເລົ່າ​ຄວາມ­ທຸກ​ເພື່ອ​ໃຫ້​ສູດ​ນ້ຳ​ລົດ​ນ້ຳ­ມົນ​ໃຫ້​ເພິ່ນ​ກໍ​ເຮັດຕາມ​ສັດ­ທາ​ເພື່ອ​ເຮັດ​ໃຫ້​ຍາດ​ໂຍມ​ດີ­ໃຈ ຂະບວນ​ການ​ຕໍ່​ໄປແມ່ນ​ໄມ້​ເດັດ​ທີ່​ເພິ່ນ​ບໍ່​ລືມ ຄື: ເພິ່ນ​ຈະ​ຈົກ​ເອົາ​ທຳ​ມະ​ມາ​ອະທິບາຍ​ຈົນ​ເປັນ​ທີ່​ເຂົ້າ­ໃຈ​ຂອງ​ຄົນ​ທຸກ​ໃຈ​ໄປ​ຂໍ​ເພິ່ງ​ໃບ​ບຸນ​ແລ້ວເພິ່ນ​ຍັງ​ຕັກ­ເຕືອນ​ວ່າ: ຢ່າ​ລືມ​ທຳມະ ແລະ ຢ່າ​ຖິ້ມ​ທຳ ເພາະໂຕ​ທຳ​ມະ​ນັ້ນ​ແຫຼະ​ທີ່​ຈະ​ຕາມ​ໄປ​ປົກ​ປັກ​ຜູ້​ປະ­ຕິ­ບັດ​ທຳ ສ່ວນທີ່ຈຳ­ພວກ​ໜຶ່ງ​ຫົວ​ກະ​ບໍ່​ຮູ້​ຫາງ​ກະ​ບໍ່​ເຫັນ ເວົ້າ​ທຳ​ມະ​ກະ​ບໍ່​ເປັນກໍ​ເລີຍ​ປ່ຽນ​ໄປ​ເວົ້າ​ການທຳ​ຕົນ​ອວດ­ດີ​ວິ­ເສດ ເຊິ່ງ​ເບິ່ງ​ອີກ​ໃນແງ່​ມຸມ​ໜຶ່ງ​ປະ­ກົດ​ວ່າ​ຜູ້​ມີ​ກຳ­ລັງ​ກະ­ເປົາ​ໜັກ​ແນ່​ແຫ່ກັນ​ໄປມັກ​ແທ້ໆ​ກັບ​ຄຳ​ເວົ້າ​ເອົາ​ອົກ​ເອົາ­ໃຈ ພ້ອມ​ມີ​ພວກ​ສະ​ໝຸນຄອຍ​ຮັບ​ໃຊ້​ບໍ­ລິ­ການ ເຊິ່ງ​ທັງ­ຫຼາຍ​ທັງ​ປວງ​ຄວາມ­ທຸກ​ທີ່​ມີ​ຢູ່ໃນ​ໃຈ​ກໍ​ຍັງ​ບໍ່​ໝົດ​ໄປ ເພາະ​ມັນ​ເປັນ​ວິ­ທີ​ແກ້​ບໍ່​ຖືກຈຸດ ພຽງ​ແຕ່ເອົາ​ນ້ຳ​ໄປ​ລູບໆ​ຄຳໆ​ເຮັດ​ໃຫ້​ຜູ້­ກ່ຽວ​ລືມ​ຄວາມ­ທຸກ​ເປັນ​ບາງຄັ້ງ​ຄາວ​ເທົ່ານັ້ນ ເພາະ​ແທນ​ທີ່​ຈະ​ບອກ​ວິ­ທີ​ແກ້​ບັນ­ຫາ​ທີ່​ຕົ້ນເຫດ ແຕ່​ກັບ​ໄປ​ແກ້​ປາຍ​ເຫດ ສຸດ​ທ້າຍ​ກໍເລີຍ​ເປັນ​ການ​ແກ້ໂຕ​ໄປ​ວັນໆ.</p> <p style="text-align: justify;"> ການ​ເຜີຍ­ແຜ່​ທຳ​ມະ​ນັ້ນ ພະ­ພຸດ­ທະ­ເຈົ້າ​ໄດ້​ພະ­ຍາ­ຍາມເນັ້ນ​ໜັກ​ວ່າ: ໃຫ້​ແກ້​ທີ່​ຕົ້ນ​ເຫດ ໂດຍ​ສອນ​ວິ­ທີ​ຄິດ​ແຍກ​ແຍະໄປ​ພ້ອມ​ກັນ ເຊັ່ນ​ວ່າ: ແຍກ​ໃຫ້​ເຫັນ​ເລື່ອງ​ທາດ​ສີ່​ຂັນ­ຫ້າການ​ແກ້​ບັນ­ຫາ​ກໍ​ເຊັ່ນ​ກັນ ຖ້າ​ບໍ່​ຮູ້​ສາຍ­ເຫດ​ຂອງ​ບັນ­ຫາ​ແລ້ວຢ່າ​ວ່າ​ແຕ່​ຈະ​ອາ­ສາ​ໄປ​ແກ້ໃຫ້​ຄົນ​ອື່ນ​ເລີຍ ບັນ­ຫາ ແລະ ພະຍາດ​ຂອງ​ຕົນ​ເອງ​ຍັງ​ແກ້​ບໍ່​ຕົກ ແລ້ວ​ພຶດ­ຕິ​ກຳ​ແບບ​ທີ່​ວ່ານີ້​ກໍບໍ່​ຕ່າງ​ຫຍັງ​ກັບ​ລີງ​ຫຼອກ​ເຈົ້າ​ສິງ ທີ່​ເວົ້າ​ມາ​ນັ້ນ​ຖ້າ​ເບິ່ງ​ໃນເງື່ອນ­ໄຂ​ຂອງ​ໂລກ​ແບບ​ໂລ­ກາ​ພິ​ວັດ​ທີ່​ມີ​ການ​ແຂ່ງ­ຂັນ​ຄ້າຂາຍ​ທາງ​ເສດ­ຖະ­ກິດ​ກັນ​ສູງ​ຈົນ​ເບິ່ງ​ຄື​ວ່າ​ບຸນ​ກໍ່ຕ້ອງ​ໄດ້ຂາຍ ນາ­ລົກ-ສະ­ຫວັນ ​ກໍ່​ຕ້ອງ​ໄດ້​ຂາຍ ທຸກ​ຢ່າງ​ເປັນ​ການ​ຄ້າ ແລະ ການ​ລົງ­ທຶນ ເຊິ່ງໂລກ​ຂອງ​ການ​ຄ້າ​ກໍ​ຄົງ​ມີ​ມຸມ​ແຈ້ງ ແລະ ມຸມ​ມືດ​ໃນ​ໂຕ​ຂອງ​ມັນ ຢ່າງ­ໃດ​ກໍ​ຕາມ ບຸນ​ທີ່­ແທ້​ຈິງ​ຕ້ອງ​ລົງມື​ເຮັດ​ເອງ​ ຈຶ່ງ​ຈະ​ໄດ້​ຊື່­ວ່າ​ ເປັນ​ຜູ້​ນັບ­ຖື​ພຸດ​ທະ​ສາ­ສະ­ໜາ​ໃນສຳ­ມະ­ໂນ​ຄົວແທ້​ຈິງ.</p> <p style="text-align: justify;"> <strong>ໂດຍ: ດັ້ນ​ກີບ​ເມກ</strong></p>

ຂ່າວທີ່ກ່ຽວຂ້ອງ