ຂ່າວຫຼ້າສຸດ

ເຮັດ­ບຸນ​ແນວ­ໃດ ຈຶ່ງ​ໄດ້​ບຸນ

2.010 08 ພ.ຈ. 2013 ນານາສາລະ

<p style="text-align: justify;"> ເຮັດ<strong>­ບຸນ</strong> ​ຫຼາຍ​ຄົນກໍ​ຢາກ​ໄດ້​ບຸນ ແຕ່​ເບິ່ງ​ຄື​ວ່າຍັງ​ມີ​ຫຼາຍ​ຄົນ​ຢູ່​ທີ່​ຍັງ​ບໍ່​ທັນເຂົ້າ­ໃຈ​ແຈ້ງ­ວ່າ ບຸນ​ແມ່ນຫຍັງ ? ແລະ ການ​ເຮັດ­ບຸນ​ໃຫ້​ຖືກ​ຕາມ​ຫຼັກ​ຄຳ​ສອນ​ທາງພຸດ​ທະ​ສາ­ສະ­ໜາ​ນັ້ນ ເບິ່ງ​ຄື​ວ່າ​ຍັງ​ບໍ່​ທັນ​ແຈ່ມ​ແຈ້ງ ແລະ ຖືກ​ຕາມຫຼັກ​ທຳ​ທີ່​ພະ­ພຸດ­ທະ­ເຈົ້າ​ສອນ​ສັ່ງ​ໃຫ້​ປະ­ຕິ­ບັດ​ຖືກຕ້ອງ ບົດ​ນີ້ ດັ້ນ​ກີບ​ເມກ ຂໍ​ພາ​ທ່ານ​ຜູ້​ອ່ານ​ດົ້ນ​ດັ້ນ​ຫາ​ບຸນທີ່­ແທ້ເບິ່ງ​ວ່າ ພະ­ພຸດ­ທະ­ເຈົ້າ​ສອນ​ໄວ້​ແນວ­ໃດ?.</p> <p style="text-align: justify;"> <strong>ຂໍ້​ທີ​ໜຶ່ງ</strong>​ຂໍ​ແຈ້ງ ແລະ ທຳ​ຄວາມ​ເຂົ້າ­ໃຈ​ກັບ​ຜູ້​ອ່ານ​ທີ່​ສົນ­ໃຈໃນ​ການ​ເຮັດ­ບຸນ ​ກ່ອນ​ເປັນ​ຂໍ້​ທີ່​ຄວນ​ຫຼີກ­ເວັ້ນ​ວ່າ: ຢ່າເຮັດ­ບຸນເອົາ­ໜ້າ ສັດ­ທາ​ຫົວ​ເຕົ່າ ເພາະ­ວ່າ​ການ​ເຮັດ​ສິ່ງ​ໃດ​ກໍ​ຕາມ ຍ່ອມ​ມີ​ຄວາມ​ເຊື່ອ​ເປັນ​ພື້ນ­ຖານ ເປັນ​ປັດ​ໄຈໜຶ່ງ​ບວກ​ກັບ​ປັດໄຈ​ອື່ນໆ ເຊັ່ນ ​ເຮົາ​ເຮັດ​ວຽກ​ນຳ​ພັກ-ລັດ ຫຼື ເອ­ກະ​ຊົນ ເຮົາ​ກໍເຊື່ອ​ໃນ​ແນວ­ທາງ ແລະ ນະ­ໂຍ­ບາຍ ແລະ ສຸດ​ທ້າຍ​ຄື​ການໄດ້​ຮັບ​ຄ່າ​ຕອບ​ແທນ​ຕາມ​ກຳ­ລັງ​ທີ່​ເຮົາ​ໄດ້​ເຮັດ ການ​ເຮັດ­ບຸນກໍ​ບໍ່​ຕ່າງ​ກັນ ພຽງ​ແຕ່ອາດ​ຍັງ​ມີ​ຫຼາຍ​ຄົນ​ຢູ່​ທີ່​ຍັງ​ງົງ ແລະ ສັບສົນ​ວ່າ​ ຈະ​ເຮັດ​ແນວ­ໃດ​ແທ້​ຈິ່ງ​ໄດ້​ບຸນ ແຕ່​ກໍ​ຍັງ​ມີ​ຄົນ​ອີກ​ຈຳນວນ​ໜຶ່ງ​ທີ່ນິ­ຍົມ​ເຮັດ­ບຸນ​ເອົາ­ໜ້າ ມີ​ສັດ­ທາ​ແບບ​ຫົວ​ເຕົ່າ ຫຼຸບ​ເຂົ້າ​ໂຜ່​ອອກ ຫຼື ເຮັດ​ແບບ​ຫຼຸບໆ​ໂຜ່ໆ​ເພື່ອ​ເອົາ­ໜ້າ ຜົນຂອງການ​ເຮັດ­ບຸນ​ແບບ​ນີ້ ​ແມ່ນ​ບໍ່​ເຕັມ​ເມັດ​ເຕັມ​ໜ່ວຍ.</p> <p style="text-align: justify;"> ບຸນ​ເປັນ​ຄຳ​ນາມ​ທີ່​ເອີ້ນ​ຕາງ​ການ​ກະ­ທຳ​ສິ່ງ​ໃດ​ໜຶ່ງ​ໄປ​ໃນທາງ​ທີ່​ດີ ລວມ​ຄວາມ​ວ່າ ­ການ​ເຮັດ­ບຸນແມ່ນ​ການ​ສ້າງ ຄວາມ​ດີ​ໃຫ້​ເກີດ​ຂຶ້ນ ​ໂດຍ​ປະ­ກອບ​ດ້ວຍ​ຕົວ​ເຈດ​ຕະ​ນາ​ຄວາມຄິດ ແລະ ການ​ກະ­ທຳ ເມື່ອ​ເຮົາ​ຮູ້​ແລ້ວ​ວ່າ​ບຸນເປັນ​ການ​ສ້າງຄວາມ​ດີ ແລະ ເຮັດ​ຄວາມ​ດີ​ໃຫ້​ເກີດ​ຂຶ້ນ​ແລ້ວ ຄຳ​ວ່າ​ບຸນ​ຍັງເປັນ​ຊື່​ຂອງ​ຄວາມ­ສຸກ​ອີກ ເພາະ​ເວ­ລາ​ຄົນ​ເຮົາ​ເຮັດ​ດີ​ ຜົນ​ຂອງມັນ​ຄື​ຄວາມ­ສຸກ ກົງ­ກັນ­ຂ້າມ​ກັບ​ການ​ເຮັດ​ຊົ່ວ ​ຜົນ​ຂອງ​ມັນຄືຄວາມ­ທຸກ​ ທີ່​ພວກ​ເຮົາທັງ­ຫຼາຍ​ເອີ້ນ​ກັນ​ວ່າ: <strong>ບາບ</strong> ດັ່ງ­ນັ້ນ ບຸນ ​ກັບ ​ບາບ ຄວາມ​ດີ​ ກັບ ​ຄວາມ​ຊົ່ວ ຈຶ່ງ​ຢູ່​ກັນ​ຄົນ​ລະ​ຝ່າຍ ບໍ່ຕ່າງ​ຫຍັງ​ກັບຂີ້­ໝິ້ນ​ກັບ​ປູນ ຫຼື ຂອງ​ຫອມ​ກັບ​ແມ­ງວັນ.</p> <p style="text-align: justify;"> <strong>ຂໍ້​ທີ​ສອງ</strong>​ເວົ້າ​ເລື່ອງ​ການ​ເຮັດ­ບຸນ​ວ່າ ເຮັດ​ແນວ­ໃດ​ຈຶ່ງ​ຈະຖືກ​ຕາມ​ຫຼັກ ແລະ ເຈດ​ຕະ​ນາ​ຂອງ​ພະ­ພຸດ­ທະ­ເຈົ້າ ຖ້າ​ເວົ້າແບບ​ເລັ່ງ​ໄປ​ໃສ່​ຄວາມ​ຄິດ ແລະ ທັດ­ສະ­ນະ​ຂອງ​ສັງ­ຄົມ​ໃນປັດ­ຈຸ­ບັນ​ນີ້​ ແມ່ນ​ການ​ໃຫ້​ທານ ຮັກ­ສາ​ສິນ ແລະ ພາ​ວັນ­ນາ ການ​ໃຫ້​ທານ​ນັ້ນ​ກໍ​ມີ 2 ແບບ ຄື:</p> <p style="text-align: justify;"> 1. ອາ­ມິດ​ສະ​ທານ = ໃຫ້​ວັດ­ຖຸ</p> <p style="text-align: justify;"> 2. ທຳ​ມະ​ທານ = ໃຫ້​ທຳ​ມະ​ຄື​ຄວາມ​ຮູ້</p> <p style="text-align: justify;"> ໃນ​ຈຳ­ນວນ 2 ປະ­ການ​ນີ້ ພະ­ພຸດ­ທະ­ເຈົ້າ​ສັນ­ລະ­ເສີນ​ຜູ້​ໃຫ້ທຳ​ມະ​ເປັນ​ທານ ​ເລີດ​ກວ່າ​ການ​ໃຫ້​ສິ່ງ​ຂອງ​ທັງ­ຫຼາຍ ໃນ​ສັງຄົມ​ປັດ­ຈຸ­ບັນ​ນີ້ ແນ່­ນອນ​ພວກ​ເຮົາ​ຫຼີກ​ບໍ່​ໄດ້​ທີ່​ຈະ​ຖວາຍ​ປັດ​ໄຈສີ່​ປະ­ການ​ແກ່​ພະ­ສົງ​ສາ­ມະ­ເນນ ​ມີ​ ຜ້າ­ຄຸມ ທີ່​ພັກ​ອາ­ໄສ ອາຫານ ແລະ ຢາ​ປິ່ນ­ປົວ​ສຸຂະພາບ ເຊິ່ງ​ປັດ​ໄຈ​ສີ່​ປະ­ການ​ ເປັນເຄື່ອງ​ອາ­ໄສ​ຂອງ​ຮ່າງ­ກາຍ ສ່ວນເວົ້າ​ເຖິງ​ຄວາມ​ຄິດ​ຈິດ­ໃຈ ນັ້ນ​ຄື​ຄວາມ​ຮູ້ ຄື​ການ​ໃຫ້​ທຳ​ມະ​ເປັນ​ທານ​ນັ້ນ​ເອງ ແຕ່​ສິ່ງ​ທີ່ຄວນ​ເບິ່ງ ແລະ ຄິດ​ລົງໃຫ້​ເລິກ​ໄປ​ກວ່າ​ນັ້ນ​ອີກ​ຄື: ການ​ໃຫ້ທານ​ປະ­ການ​ທີ​ສອງ​ ທີ່​ພະ­ພຸດ­ທະ­ເຈົ້າ​ເນັ້ນ​ຢາກ​ໃຫ້​ສາ­ວົກເອົາ­ໃຈ­ໃສ່​ໃຫ້ຫຼາຍ ເພາະ​ມັນ​ເປັນ​ການ​ພັດ­ທະ­ນາ​ແບບ​ຍືນຍົງ ໝາຍ​ຄວາມ​ວ່າ: ການ​ໃຫ້ ຫຼື ການ​ຊ່ວຍ​ຄົນ​ໃຫ້​ພົ້ນ​ຈາກຄວາມ​ໂງ່​ຈ້າ​ຫຼ້າ­ຫຼັງນີ້​ ເປັນ​ສິ່ງ​ທີ່​ປະ­ເສີດ​ກວ່າ​ການ​ໃຫ້​ພຽງວັດ­ຖຸ​ໄປ​ວັນໆ ເວົ້າ​ແນວ​ນີ້​ບໍ່​ໝາຍ​ຄວາມ​ວ່າ​ໃຫ້​ປະຖິ້ມ​ການຊ່ວຍ­ເຫຼືອ​ທາງ​ວັດ­ຖຸ ແຕ່​ຢາກ​ເວົ້າ​ໃຫ້​ໄດ້​ຄິດ​ກັນ​ໃຫ້​ເລິກ​ໄປກວ່າ​ນັ້ນ.</p> <p style="text-align: justify;"> ບາດ­ນີ້​ກັບ​ໄປ​ຫາ​ປະ­ເດັນ​ທີ​ສອງ​ຂອງ​ການ​ເຮັດ­ບຸນ​ຄື​ການ</p> <p style="text-align: justify;"> ຮັກ­ສາ​ສິນ ໝາຍ​ຄວາມ​ວ່າ: ໃຫ້​ຮັກ­ສາ​ລະ­ບຽບ​ວິ­ໄນ​ ປະ­ຕິ­ບັດຕາມ​ກົດ­ໝາຍ​ບ້ານ​ເມືອງ ນັ້ນ​ເປັນ​ການ​ເຮັດ­ບຸນ ເພາະ​ເວົ້າໄວ້​ເບື້ອງ​ຕົ້ນ​ແລ້ວ​ວ່າ ​ເປັນ​ການ​ສ້າງ​ຄວາມ​ດີ​ໃຫ້​ເກີດ​ຂຶ້ນ ຕໍ່ມາ​ຈຶ່ງ​ຄວນ​ທຳ​ຄວາມ​ເຂົ້າ­ໃຈ​ເລື່ອງ​ພາວັນ­ນາ​ໃຫ້​ແຈ້ງ ແລະ ເລິກ­ເຊິ່ງ ເພາະ​ຄຳ​ວ່າ ພາ​ວັນ­ນາ​ ແມ່ນ​ຄຳ​ດຽວ​ກັນ​ກັບ​ຄຳວ່າ​ພັດ­ທະ­ນາ ຄືແປ​ວ່າ ​ເຮັດ​ໃຫ້ມັນ​ດີ​ຂຶ້ນ​ກວ່າ​ເກົ່າ ອີກ​ຢ່າງໜຶ່ງ​ທີ່​ກິນ​ຄວາມ​ໝາຍ​ເລິກ​ໄປ​ກວ່າ​ນັ້ນ​ຂອງ​ຄຳ​ວ່າ: ພາ​ວັນນາ ​ຄື​ການ​ລົງ­ມື​ເຮັດ ​ເວົ້າໃຫ້​ແຈ້ງ​ຂຶ້ນ​ຕື່ມ​ອີກກໍ​ແມ່ນ ​ການ​ນຳເອົາ​ສິນ​ລະ​ທຳ ນະ­ໂຍ­ບາຍ ແຈ້ງ​ການ ມະ­ຕິ​ຄຳ​ສັ່ງ​ໄປ​ປະ­ຕິບັດ​ນັ້ນແຫຼະ ທັງ​ສາມ​ປະ­ການ​ຂອງ​ບຸນ​ຄື ການ​ໃຫ້​ທານ ການ​ຮັກ­ສາ​ສິນ ພາ​ວັນ­ນາ ຈຶ່ງ​ເປັນ​ຂະ​ບວນ​ການ​ເຮັດ­ບຸນ​ສິນກິນ​ທານ​ທີ່​ມີ​ເຈດ​ຕະ​ນາ​ບໍ­ລິ­ສຸດ​ແຕ່​ເບື້ອງ​ຕົ້ນ ຖ້າ​ເວົ້າ​ກວມລວມ​ອີກ ການ​ເຮັດ­ບຸນ​ໃຫ້​ທານ ​ກໍ​ຕ້ອງ​ເຮັດ​ກັບ​ຜູ້​ມີສິນ​ມີ​ສັດຈະ ດັ່ງ­ນັ້ນ ການ​ເຮັດ­ບຸນ​ຈຶ່ງ​ບໍ່​ໝາຍ​ເອົາ​ເຂົ້າ​ໄປ​ຖວາຍ​ປັດ​ໄຈແກ່​ພະ­ສົງ​ຢູ່​ວັດ​ຢ່າງ​ດຽວ ການ​ຊ່ວຍ­ເຫຼືອ​ຄົນ​ຍາກ­ຈົນ​ກໍ​ແມ່ນການ​ເຮັດ­ບຸນ​ທີ່​ຍິ່ງ​ໃຫຍ່ ຂໍ​ແຕ່​ວ່າ​ຕັ້ງ​ສັດ­ທາ​ໃຫ້​ໝັ້ນ​ຄວບ​ຄູ່ໄປ​ກັບ​ປັນ­ຍາ ເພື່ອ​ປ້ອງ​ກັນໄວ້​ບໍ່​ໃຫ້​ເປັນ​ສັດ­ທາ​ຫົວ​ເຕົ່າ.</p> <p style="text-align: justify;"> <strong>ໂດຍ: ດັ້ນ​ກີບ​ເມກ</strong></p>

ຂ່າວທີ່ກ່ຽວຂ້ອງ