ຂ່າວຫຼ້າສຸດ

ຍາມ​ນີ້​ອາດ​ຂັດ​ສົນ ແຕ່​ໃນ​ອະ­ນາ­ຄົດ​ເຊື່ອ​ວ່າ ຈະ​ເຂັ້ມ­ແຂງ​ຂຶ້ນ

2.694 30 ຕ.ລ. 2013 ນານາສາລະ

<p style="text-align: justify;"> ໄລ­ຍະ​ນີ້​ໄປ​ໃສ​ມາ​ໃສ​ຫາກ​ເວົ້າ​ເຖິງ​ເສດ­ຖະ­ກິດ​ແລ້ວ​ຕ້ອງຍອມ­ຮັບ​ວ່າ ​ມີ​ຂໍ້​ໂຕ້​ຖຽງ​ກັນຫຼາຍ​ສົມ­ຄວນ... ໂດຍ​ສະ­ເພາະແມ່ນ​ລາ­ຄາ​ສິນ­ຄ້າ​ທີ່​ຖີບ​ຕົວ​ສູງ​ຂຶ້ນ​ ໃນ​ຂະ­ນະ​ທີ່​ລາຍຮັບ​ຂອງຄົນ​ສ່ວນ​ຫຼາຍ ເປັນ­ຕົ້ນ​ແມ່ນ<strong>​ມະ­ນຸດ​ເງິນ­ເດືອນ ​ມີ​ທ່າ​ວ່າ​ຈະຫຼຸດ​ລົງ​ແທນ​ ທີ່​ຈະເພີ່ມ​ຂຶ້ນ​ ເພື່ອ​ສູ້​ຢັນ​ກັບ​ຄ່າ​ຄອງ​ຊີບ​ທີ່​ສູງ​ຂຶ້ນ</strong>.</p> <p style="text-align: justify;"> ເມື່ອ​ລາຍ​ຮັບ​ເປັນ​ເງິນ­ເດືອນ​ໜ້ອຍ​ ກໍ​ຕ້ອງ​ຍອມ­ຮັບ​ຄວາມເປັນ​ຈິງ​ນຳ​ກັນ​ວ່າ ​ປະ​ສິດ­ທິຜົນ​ຂອງ​ການ​ເຮັດ​ວຽກ​ກໍ​ຄົງ​ຫຼຸດລົງ ເວົ້າ​ແບບ​ແຈ້ງໆ​ກໍ​ແມ່ນ​ຄວາມ​ຮັບ­ຜິດ­ຊອບ​ຕໍ່­ໜ້າ​ທີ່ວຽກງານ​ຫຼຸດ​ລົງ​ ຢ່າງ​ປະ­ຕິ­ເສດ​ບໍ່​ໄດ້.</p> <p style="text-align: justify;"> ປະ­ກົດ​ການ​ນີ້​ ຜູ້​ຂຽນ​ຄິດ​ວ່າ​ຄົງ​ຈະ​ບໍ່​ຖືກ​ແກ່­ຍາວ​ ຍ້ອນ​ວ່າມັນ​ບໍ່​ຖືກ​ກັບ​ພຶດ­ຕິ​ກຳ​ຕົວ​ຈິງ... ອັນ​ນີ້ ແລະ ເພິ່ນ​ວ່າ ​<strong>ຜົນ​ຮ້າຍຈາກ​ຄວາມ​ບໍ່​ຊັດ​ເຈນ ຫຼື ຈະ​ເວົ້າ​ແບບ​ທົ່ວ​ໄປ​ວ່າ ​ຜົນຮ້າຍຈາກ​ການ​ເຮັດ​ວຽກ​ທີ່​ຂາດ​ຄວາມ​ຮັບ­ຜິດ­ຊອບ</strong>.</p> <p style="text-align: justify;"> ໄປ​ຄຽງ​ຄູ່​ກັບ​ປະ­ກົດ​ການ​ຄື​ຂ້າງ​ເທິງ​ນັ້ນ ​ພັດ​ມີ​ຂ່າວ​ດີ​ອອກມາ​ວ່າ ປີ 2015 ເວ­ລາ​ທີ່​ບັນ­ດາ​ປະ­ເທດ​ອາ​ຊຽນ​ ເລີ່ມ​ເຂົ້າ​ສູ່ປະ­ຊາ​ຄົມ​ເສດ­ຖະ­ກິດ​ອາ​ຊຽນ​ນັ້ນ ນັກ­ວິ­ຊາ­ການ​ທີ່​ີ​ມີ​ຊື່ສຽງຈາກ​ປະ­ເທດ​ໄທ ​ວິ­ເຄາະ​ໄວ້​ດັ່ງ­ນີ້:</p> <p style="text-align: justify;"> ນາຍ​ອັນ ພິ­ສານ​ວາ­ນິດ ຜູ້­ອຳ­ນວຍ­ການ​ສູນ​ສຶກ​ສາ​ການຄ້າ​ລະ­ຫວ່າງ​ປະ­ເທດ ​ມະ­ຫາ­ວິ­ທະ­ຍາ­ໄລ​ຫໍ​ການ​ຄ້າ​ໄທ ​ເປີດເຜີຍ​ວ່າ:</p> <p style="text-align: justify;"> ຫຼັງ​ເຂົ້າ​ສູ່​ປະ­ຊາ​ຄົມ​ເສດ­ຖະ­ກິດ​ອາ​ຊຽນ (AEC) <strong>ໃນ​ປີ 2015 ປະ­ເທດ​ລາວ ​ຈະ​ມີ​ເສດ­ຖະ­ກິດ​ຂະ­ຫຍາຍ­ຕົວ​ສູງ​ເປັນອັນ​ດັບ 1 ໃນ​ອາ​ຊຽນ</strong>ຮອງ​ລົງ​ມາ​ເປັນ​ກຳ­ປູ­ເຈຍ ມຽນ​ມາ ອິນ​ໂດ​ເນ​ເຊຍ ຫວຽດ­ນາມ ຟິ​ລິບ​ປິນ ມາ​ເລ​ເຊຍ ບຣູ​ໄນ ໄທ ສິງ­ກະ­ໂປ.</p> <p style="text-align: justify;"> ປັດ​ໄຈ​ທີ່​ເຮັດ​ໃຫ້​ເສດ­ຖະ­ກິດ​ລາວ ​ຂະ­ຫຍາຍ­ຕົວ​ສູງ​ ຫຼັງ​ຈາກ ເຂົ້າ​ສູ່ AEC ເນື່ອງ​ຈາກຈະ​ມີ​<strong>ທຶນ​ຂ້າມ​ຊາດ​ເຂົ້າ​ມາ​ລົງ­ທຶນຕັ້ງ​ໂຮງ­ງານ​ຫຼາຍ​ຂຶ້ນ</strong> ລວມ​ມີ​ນັກ​ລົງ­ທຶນ​ໄທ ເອີ​ຣົບ ສະ­ຫະລັດ​ອາ­ເມ­ລິ­ກາ ແລະ ອາ­ຊີ ເພາະ­ວ່າ​ແຮງ​ງານ​ລາວ ​ລາ­ຄາຖືກ ເຮັດ​ໃຫ້​ຕົ້ນ​ທຶນການ​ຜະ­ລິດ​ຕ່ຳ ບໍ່​ທໍ່​ນັ້ນ ຄ່າ​ເຊົ່າ​ເນື້ອ­ທີ່​-ທີ່ດິນ​ສ້າງ​ໂຮງ­ງານ​ໃນ​ເຂດ​ອຸດ­ສາ­ຫະ­ກຳ ​ກໍ​ຕ່ຳ ແລະ ປະ­ລິມານ​ແຮງ​ງານ​ກໍ​ພຽງ­ພໍ​ຕໍ່​ຄວາມ​ຕ້ອງ­ການ​ຂອງ​ນັກ​ລົງ­ທຶນ.</p> <p style="text-align: justify;"> ສຳ­ລັບ​ປະ​ເມີນ​ການ​ຂະ­ຫຍາຍ­ຕົວ​ທາງ​ເສດ­ຖະ­ກິດ​ໃນ​ປະເທດ​ອາ​ຊຽນ ​ກໍ​ເຫັນ​ວ່າ ​ສອດ­ຄ່ອງ​ກັບ​ຕົວ​ເລກ​ຂອງ​ອົງ­ການການ​ເງິນ IMF ຫຼັງ​ຈາກ​ການ​ເຂົ້າ​ສູ່ AEC (ປີ2016-2020) ຄື: <strong>ລາວ​ ຈັງ­ຫວະ​ການ​ຂະ­ຫຍາຍ­ຕົວ​ທາງ​ເສດ­ຖະ­ກິດ (</strong><strong>GDP) ສະ­ເລ່ຍ 7,7% ຕໍ່​ປີ</strong>ກຳ­ປູ­ເຈຍ 7,5% ຕໍ່​ປີ ມຽນ​ມາ 6,9% ຕໍ່​ປີ ອິນ​ໂດ​ເນ​ເຊຍ 6,5% ຕໍ່​ປີ ຫວຽດ­ນາມ 5,5% ຕໍ່​ປີ ຟິລິບ​ປິນ 5,5% ຕໍ່​ປີ ມາ​ເລ​ເຊຍ 5,2% ຕໍ່​ປີ ບຣູ​ໄນ 4,8% ຕໍ່​ປີ ໄທ 4,7% ຕໍ່​ປີ ແລະ ສິງ­ກະ­ໂປ 4% ຕໍ່​ປີ.</p> <p style="text-align: justify;"> ຜູ້​ວິ­ເຄາະ​ຍັງ​ເນັ້ນ​ວ່າ: ລາວ​ ມີ​ພົນ­ລະ­ເມືອງ​ໜ້ອຍ ​ໃນ​ອະ​ນາຄົດເຊື່ອ​ວ່າ ​<strong>ພາກ​ບໍ­ລິ­ການ ແລະ ສິນ­ຄ້າ​ຈາກ​ກະ­ສິ­ກຳ</strong>​ ຈະເປັນ​ກຸ່ມ​ທີ່​ສ້າງ​ລາຍ​ຮັບ​ໃຫ້​ກັບ​ປະ­ຊາ­ຊົນ​ໄດ້​ດີ ອັນ​ສຳ­ຄັນແມ່ນ​ປະ­ເທດ​ເຫຼົ່າ­ນັ້ນ​ຕ້ອງ​ປັບ­ປຸງ​ພື້ນ­ຖານ​ໂຄງ​ລ່າງ​ໃຫ້​ໃກ້ຄຽງ​ກັບ​ປະ­ເທດ​ໄທ ເວ­ລາ​ນັ້ນນັກ​ລົງ­ທຶນ​ຈາກ​ຕ່າງ­ປະ­ເທດ ຈຶ່ງ​ຈະ​ໄຫຼ​ອອກ​ຈາກ​ໄທ ​ໄປ​ສູ່​ປະ­ເທດ​ເພື່ອນ​ບ້ານ ຂໍ້​ມູນ​ນີ້ໄດ້ມາ​ຈາກ www.Dailynews.co.th ຄໍ​ລຳ ເສດ­ຖະ­ກິດ: ຫົວ­ຂໍ້ “ເອ­ກະ​ຊົນ​ໄທ ຖອດ​ໃຈ ເສດ­ຖະ­ກິດ​ໄທ ​ຕິດ​ຮອງ​ບ໊ວຍ​ຫຼັງ​ເປີດ AEC” ລົງ​ວັນ​ທີ 23 ຕຸ­ລາ 2556.</p> <p style="text-align: justify;"> ຈາກ​ການ​ວິ­ເຄາະ​ນັ້ນ​ສະ­ແດງ​ໃຫ້​ເຫັນ​ວ່າ <strong>ການ​ພັດ­ທະ­ນາປະ­ເທດ​ເຮົາ​ໄປ​ຖືກ​ທາງ ​ທີ່​ສົ່ງ­ເສີມ​ໃຫ້​ມີ​ການ​ປູກ</strong><strong>-ການ​ລ້ຽງ</strong>ເນັ້ນ​ໃສ່​ຂົງ­ເຂດ​ກະ­ສິ­ກຳ​ ທີ່​ປະ­ຊາ­ຊົນ​ເຮົາ​ສ່ວນ​ໃຫຍ່​ຢຶດ​ຖືເປັນອາ­ຊີບ​ກວມ 80%.</p> <p style="text-align: justify;"> ກະ­ສິ­ກຳ​ອິນ​ຊີ ກະ­ສິ­ກຳ​ສະ­ອາດ ກະ­ສິ­ກຳ​ທີ່​ດີ​ຈະ​ເປັນ​ຕົວຊ່ວຍ​ໃນ​ການ​ເຮັດ​ໃຫ້​ລາຍ​ຮັບຂອງ​ຊາວ​ກະ­ສິ­ກອນ​ເຮົາ​ສູງຂຶ້ນ ທະ­ແນມ­ແຕ່​ວ່າ​ພວກ​ເຮົາ​ສຸມ​ທຸກ​ກຳ­ລັງ​ເຂົ້າ​ຊ່ວຍ​ກັນ.</p> <p style="text-align: justify;"> <strong>ໂລກ​ນີ້​ມີ​ມືດ​ແລ້ວ​ກໍ​ມີ​ແຈ້ງ ຫຼັງ​ຝົນ­ຕົກ​ທ້ອງ­ຟ້າ​ກໍ​ສະຫວ່າງ... ຍາມ​ນີ້​ເສດ­ຖະ­ກິດ​ຂັດ​ສົນແດ່... ແຕ່​ໃນ​ອະ­ນາ­ຄົດເຊື່ອ​ວ່າ​ຈະ​ເຂັ້ມ­ແຂງ​ຂຶ້ນ!.</strong></p> <p style="text-align: justify;"> <strong>ໂດຍ: ແນວ​ລາວ</strong></p>

ຂ່າວທີ່ກ່ຽວຂ້ອງ