ຂ່າວຫຼ້າສຸດ

ຂາຍ­ເຄື່ອງ​ສຳ­ອາງ... ປານ​ເຮັດ​ເສິກ

2.296 29 ຕ.ລ. 2013 ນານາສາລະ

<p style="text-align: justify;"> ກ່ອນ​ບຸນ­ຊ່ວງ­ເຮືອ ​ຄໍ​ລຳ​ເຮົາ​ຂຽນ​ເລື່ອງ​ໂຄ­ສົກ​ບຸນ­ຊ່ວງ­ເຮືອ ຖັດ​ມາ​ພາກ­ສ່ວນ​ກ່ຽວ­ຂ້ອງມີ​ແຈ້ງ​ການ​ແນະ­ນຳ​ເລື່ອງ​ໂຄ­ສົກ ​ເລື່ອງ​ເຄື່ອງ​ຂະ­ຫຍາຍ​ສຽງ​ ໃນ​ຍາມ​ບຸນ.</p> <p style="text-align: justify;"> ແຕ່​ແລ້ວ​ການ​ຄຸ້ມ​ຄອງ​ກໍ​ລຳ­ບາກ... ວັນ​ອາ­ທິດ ທີ 20/10/2013 ຜູ້​ຂຽນ​ມີ​ໂອ­ກາດ​ໄປເລາະ​ບຸນ­ຊ່ວງ­ເຮືອ ​ໄດ້​ກາຍໄປ​ແຖວ​ໜ້າ​ວັດ​ຊຽງ​ຍືນ​ ຍ່າງ​ກັບ​ຄືນ​ມາ​ຫາ​ໂຮງ­ແຮມ​ລ້ານຊ້າງ​ ປະ­ກົດ​ວ່າ ​ຮ້ານ​ຂາຍ­ເຄື່ອງ​ສຳ­ອາງ​ຈ່າວ​ຂາຍ​ສິນ­ຄ້າ ປານ​ເຮັດ​ເສິກ... ໂຄ­ສົກ​ຮ້ອງແຜດ​ສຽງ​ປານ​ວ່າ​ບ້ານ​ຊິ​ແຕກ ສະ­ເໜີ​ແນວ​ດີໆຂອງ​ສິນ­ຄ້າ​ເພິ່ນ ທັງໆ​ທີ່​ຮ້ານ​ແປະ​ກັນນັ້ນ​ກໍຂາຍ​ສິນ­ຄ້າ​ແບບ​ດຽວ... ຄື​ຊິ​ບໍ່​ແມ່ນ​ແຕ່​ຜູ້​ຂຽນ​ທໍ່​ນັ້ນ​ດອກ​ທີ່ລຳ​ຄານ​ ຜູ້​ອື່ນ​ກະ​ຊິ​ລຳຄານ​ຄື​ກັນ ອັນ​ນີ້​ເວົ້າ​ແຕ່​ສຽງ​ແຫກປາກ​ຂອງ​ໂຄ­ສົກ​ທໍ່​ນັ້ນ ​ຍັງ​ບໍ່​ເວົ້າ​ເລື່ອງ​ການ​ນຸ່ງ​ຖື... ເວົ້າ​ແນວນີ້​ພັດ​ຊິ​ວ່າ​ຜູ້​ຂຽນ​ມີ​ອະ­ຄະ­ຕິ​ ບໍ່​ແມ່ນ​ເນີ! ພຽງ​ແຕ່​ວ່າ​ຢາກ​ໃຫ້ປະ­ກົດ​ການ​ແບບນີ້​ຫຼຸດ​ລົງ​ໃນ​ຍາມ​ບຸນ​ປະ­ເພ­ນີ​ຕໍ່​ໄປ​ອີກ ໂດຍສະ­ເພາະ​ບຸນ­ທາດ­ຫຼວງ​ຈະ​ມາ​ຮອດ​ແລ້ວ.</p> <p style="text-align: justify;"> ຖ້າ​ເປັນ​ຜູ້​ສັງ­ເກດ​ຈະ​ເຫັນ​ຍາມ​ບຸນ​ຈັ່ງ​ຊີ້​ປີ ​ໃດ​ກໍ​ຫາກ​ເປັນ​ຄືກັນ ​ກໍ­ລະ­ນີ​ຫ້າມ​ຕະ­ຫຼາດຂາຍ­ເຄື່ອງ​ມາ​ຕັ້ງ​ໂປະ​ໃສ່​ຫຼາຍ​ແທ້ໆ ຖ້າ​ທຽບ­ໃສ່​ຂາຍ​ສິນ­ຄ້າ​ແນວ​ອື່ນ... ໂດດ​ເດັ່ນ​ກໍແມ່ນ​ພວກເຄື່ອງ​ສຳ­ອາງ ຮອງ​ລົງ​ມາ​ຈຶ່ງ​ແມ່ນ​ໂທລະ­ສັບ ເຄື່ອງ­ນຸ່ງ​ຫົ່ມ ສະ­ນັ້ນ ໃນ­ຕໍ່­ໜ້າຄວນ​ໄດ້​ຄຳ­ນຶງ​ວ່າ​ຈະ​ໃຫ້​ມີ​ສັດ­ສ່ວນ​ທໍ່​ໃດຈຶ່ງ​ຈະ​ພໍ­ດີ... ຄັນ​ແມ່ນ​ເຮັດ​ໄດ້​ບຸນ­ທາດ­ຫຼວງ​ນີ້​ຈັດ​ສັນ​ໃຫ້​ດີຈະ​ເປັນ­ຕາ​ອອນ­ຊອນ​ນໍ?.</p> <p style="text-align: justify;"> ນອກ­ຈາກ​ການ​ຂາຍ­ເຄື່ອງ​ສຳ­ອາງ​ປານ​ເຮັດ​ເສິກ​ແລ້ວ ນັກ​ຂ່າວ​ວຽງ​ຈັນ​ໃໝ່​ເຮົາ​ຍັງ​ແຈ້ງ­ວ່າ: ຮ້ານ​ຂາຍ­ເຄື່ອງ​ກິນ-ດື່ມ​ຢູ່​ແປະ​ກັນ​ນັ້ນ (ບ່ອນ​ຈອດ​ລົດ​ໜ້າ​ໂຮງ­ແຮມ​ລ້ານ​ຊ້າງ) ກໍຟັນ​ລາ­ຄາ​ແບບ​ນ້ຳ​ຂຶ້ນ​ຮີບ​ຕັກ... (ເຂົ້າ​ຮ້ານ​ໃດ​ກໍ​ບໍ່​ມີ​ລາຍການ​ອາ­ຫານ ບໍ່​ມີ​ລາ­ຄາ​ອາ­ຫານ... ລູກ​ຄ້າ​ຢາກ​ໄດ້​ຫຍັງ​ສັ່ງມາ​ໂລດ ​ມີ​ບໍ­ລິ­ການ​ຄົບ​ ບໍ່​ວ່າ​ອາ­ຫານ​ລາວ ຫຼື ຕ່າງ­ປະ­ເທດ... ແຕ່​ບາດ​ຊິ​ອອກ​ຮ້ານ ​ຫຼາຍ​ຄົນ​ໜ້າ​ຈືດ​ເຂົ້າ​ ເມື່ອ​ເບິ່ງ​ໃບ​ເກັບເງິນ... ນັກ​ຂ່າວ​ລາຍນັ້ນ​ບອກ​ວ່າ ​ອັນ​ນີ້​ມີ​ສ່ວນ​ຜິດ­ພາດ​ຂອງລູກ​ຄ້າ​ເອງ​ທີ່​ມັກ­ງ່າຍ​ ບໍ່​ຖາມ​ລາ­ຄາ​ກ່ອນ ອັນ​ນັ້ນແມ່ນ​ເກີດກັບ​ຄົນ​ໃກ້­ຊິດ​ນັກ​ຂ່າວ ແຕ່​ມີ​ກໍ­ລະ­ນີ​ເກີດ​ກັບ​ນັກ​ຂ່າວ​ ຄ່າ​ຝາກລົດ... ເກັບ​ລື່ນລາ­ຄາ​ກຳ­ນົດ... ເວ­ລາ​ຕໍ່​ວ່າ​ຜູ້​ຮັບ​ຝາກ​ລົດ ບອກ​ໃຫ້​ໄປ​ເອົາ​ແຈ້ງ​ການ​ມາ! ນັກ​ຂ່າວ​ກໍຕ້ອງ​ຈຳ​ຍອມ ແນວ​ວ່າ​ຢູ່​ໄກ​ຈາກ​ຜາມ​ກຳ­ມະ­ການ​ ອັນ​ນີ້​ກໍ​ໜ້າ​ຄິດ​ຄື​ກັນ.</p> <p style="text-align: justify;"> ບຸນ­ທາດ­ຫຼວງ​ຈະ​ມາ​ເຖິງ​ນີ້​ຄິດ​ວ່າ: ພວກ​ໂຄ­ສົກ​ຈ່າວ​ຂາຍສິນ­ຄ້າ​ຄົງ​ຈະ​ມີ​ການ​ປັບ­ປຸງການ​ນຸ່ງ-ການ​ຖື ລວມ​ທັງ​ການເວົ້າ​ຈາ​ດີ​ ລື່ນ​ບຸນ­ຊ່ວງ­ເຮືອ​ນໍ?.</p> <p style="text-align: justify;"> ພວກ​ໄປ​ຫຼິ້ນ​ບຸນ​ກໍ​ບໍ່​ຄວນ​ມັກ­ງ່າຍ ຫຼື ວ່າ​ເສຍ­ປຽບ​ຍ້ອນຖາມ​ລາ­ຄາ​ສິນ­ຄ້າ ລາ­ຄາ​ອາ­ຫານ​ກ່ອນ​ຈະ​ຊື້... ກ່ອນ​ຈະ​ເຂົ້າໄປ​ກິນ... ເພາະ­ວ່າ​ເງິນ​ເຮົາ​ຢູ່​ໃນ​ຖົງ​ເຮົາ​ ຈະ​ຊື້ ຫຼື ບໍ່​ ກໍຂຶ້ນ​ກັບເຮົາ​ເອງ ຍ້ອນ​ກົນ​ໄກ​ເສດ­ຖະ­ກິດ​ການ​ຕະ­ຫຼາດ​ເພິ່ນ​ວ່າ.</p> <p style="text-align: justify;"> <strong>ໂດຍ: ແນວ​ລາວ</strong></p>

ຂ່າວທີ່ກ່ຽວຂ້ອງ