ຂ່າວຫຼ້າສຸດ

ການ​ສຶກ​ສາ​ທີ່­ແທ້​ຈິງ ​ຢູ່​ທີ່​ປັນ­ຍາ

2.094 25 ຕ.ລ. 2013 ນານາສາລະ

<p style="text-align: justify;"> ການ​ສຶກ​ສາ​ເປັນ​ສິ່ງ​ທີ່​ສຳ­ຄັນ ແລະ ຈຳ­ເປັນ​ສຳ­ລັບ​ມວນມະ­ນຸດ​ທຸກໆ​ຄົນ​ທີ່​ເກີດ​ມາ ເພາະຄົນ​ເຮົາ​ແຕກ​ຕ່າງ​ຈາກ​ສັດເດຍ­ລະ­ສານ​ ກໍ​ຄື​ປັນ­ຍາ​ເທົ່າ​ນັ້ນ ຖ້າ​ອ່ານ​ເບິ່ງ​ປະ­ຫວັດ­ສາດສັງ­ຄົມ​ມະ­ນຸດ­ຊາດ ​ກໍ​ໃຫ້​ຄວາມ​ສຳ­ຄັນ​ຂອງ​ການ​ສຶກ​ສາ​ທຸກຍຸກ​ສະ­ໄໝ ຖ້າ​ການ​ສຶກ​ສາຄົນ ​ນຶກ​ຫວັງ​ເອົາ​ແຕ່​ໃບ​ປະ­ກາດ ຫຼື ໃບ​ປະ­ລິນ­ຍາ ສະ­ແດງ​ວ່າ​ ບໍ່​ເຂົ້າ​ເຖິງ​ແກ່ນ​ແທ້​ຂອງການສຶກ​ສາ​ຢ່າງ​ແທ້​ຈິງ ສັງ­ຄົມ​ເຮົາ​ປັດ­ຈຸ­ບັນ ​ການ​ສຶກ​ສາ​ໄດ້​ເປີດກວ້າງ​ທົ່ວ​ໂລກ ​ມີ​ທັງການ​ສຶກ​ສາ​ທາງ​ໃກ້​ ຄື ​ນັ່ງ​ຮຽນ​ໃນ​ຫ້ອງຮຽນ ແລະ ການ​ສຶກ​ສາ​ທາງ­ໄກ ​ຮຽນ​ທາງ​ລະ­ບົບສື່­ສານ​ອິນເຕີ​ເນັດ ​ນັບ​ແຕ່​ປະ­ລິນ­ຍາ​ຕີ​ ຈົນ​ເຖິງ​ປະ­ລິນ­ຍາ​ເອກ ​ມັນ​ເກີນ​ສະດວກ​ສະ­ບາຍທີ່​ສຸດ ໃນ​ຄຳ​ວ່າ​ສະ­ບາຍ​ ມະ­ນຸດ​ເຮັດ​ໃຫ້​ຕົນເອງ ຫຼື ເຮັດ​ໃຫ້​ກັນ​ເຫີ່​ຕາມ​ກະ­ແສ​ນິ­ຍົມໃບປະ­ລິນ­ຍາ​ ສາ­ຂານັ້ນ​ກໍ​ຈົບ ສາຍ​ນີ້​ກໍ​ຈົບ ບາດ​ເອົາ​ແທ້ໆ​ພັດ​ບໍ່​ໄດ້​ເລື່ອງ​ຈັກແນວ ກາຍ­ເປັນ​ວິ­ຊາ​ເປັດ ເພາະ​ໄດ້​ແຕ່​ໃບ​ປະ­ລິນ­ຍາ​ມາ​ອວດໝູ່​ ເພື່ອ​ໃຫ້​ຄົນ​ໄດ້​ຍົກ­ຍ້ອງ ເຄົາ­ລົບ​ຢຳ​ເກງ​ຕົນ​ເອງ ແທ້​ຈິງ ການ​ສຶກ​ສາ­ມີ​ໄວ້​ເພື່ອ​ພັດ­ທະ­ນາ​ສັກ­ກະ​ພາບ​ຂອງ​ມະ­ນຸດ​ຈາກຄົນ​ໂງ່​ໃຫ້​ສະ­ຫຼາດ​ຂຶ້ນ ບໍ່​ແມ່ນ​ມີ​ໄວ້​ເພື່ອ​ປາບ​ປາມ​ຄົນ​ອື່ນ​ທີ່ດ້ອຍ​ປັນ­ຍາ​ກວ່າ​ຕົນ ມີ​ການສຶກ​ສາ​ສູງ​ຄວນ​ຈະ​ນ້ອມ​ຮັບ​ໃຊ້ມວນ​ມະ­ນຸດ­ຊາດ​ໃຫ້​ຫຼາຍ​ທີ່​ສຸດ ​ປຽບ​ເໝືອນ​ເຂົ້າ​ສຸກເຫຼືອງ ນ້ອມ​ລົງ​ເກືອບ​ຈຳ​ດິ​ິິນ ແຕ່​ໃຫ້​ຜົນ​ປະ­ໂຫຍດ​ແກ່​ຄົນ​ຢ່າງ​ມາກມາຍ​ກາຍ​ກອງ.</p> <p style="text-align: justify;"> ບາງ​ຄົນ​ກໍ​ມີ​ແຕ່​ຢາກ​ຮຽນ​ສູງໆ ໄດ້​ປະ­ລິນ­ຍາ​ຫຼາຍໆ ​ຈົນເຖິງ​ຂັ້ນ​ສຸດ​ຍອດ​ຂອງ​ການ​ສຶກສາ​ ເພື່ອ​ໄດ້​ເງິນ­ເດືອນ​ສູງ ໄປຮຽນ​ຫວັງ​ເອົາ​ແຕ່​ປະ­ລິນ­ຍາ ​ຈົນ​ລືມ​ຮອດ​ປັນ­ຍາ​ອັນ​ແທ້​ຈິງ ແກ່ນ​ຫຼັກ​ຂອງ​ການ​ສຶກ​ສາ ຈົບ​ມາ​ກໍ​ອວດ​ອ້າງ​ວ່າ​ຕົນ​ເປັນ​ບັນດິດ ມະ­ຫາ­ບັນ­ດິດ ແລະ ຕົນ​ເອງ​ເອົາ​ແນ່­ນອນ​ບໍ່​ໄດ້ ສຸດ​ທ້າຍບໍ່​ເປັນ​ທີ່​ຕ້ອງ­ການ​ຂອງ​ສັງ­ຄົມ​ ແລ້ວ​ກໍ​ຈົ່ມ​ວ່າ​ເຮັດວຽກ​ຍາກ ເພາະ­ວ່າ​ຕົນ​ເອງ​ບໍ່​ແມ່ນ​ເພັດ ພອຍ ຄຳ ທີ່​ສັງ­ຄົມ​ຄົນ​ເຂົາຍາດ​ກັນ​ຄອບ​ຄອງປາ­ຖະ­ໜາ ຢາກ​ເປັນ​ບັນ­ດິດ​ທີ່​ສູງ​ສົ່ງ​ດ້ວຍປັນ­ຍາ ​ກໍ່​ຕ້້້ອງ​ຄົ້ນ­ຄວ້າ​ຊອກ​ສະ­ແຫວງ­ຫາຄວາມ​ຮູ້ ຄື: ອ່ານໜັງ­ສື​ຫຼາຍໆ ເພາະ­ວ່າ​ການ​ສຶກ​ສາ​ແທ້​ຈິງ​ບໍ່​ແມ່ນ​ມີ​ຢູ່ 4 ແຈຂອງ​ມຸມຫ້ອງ​ຮຽນ​ເທົ່າ​ນັ້ນ ຫ້ອງ​ສະ­ໝຸດ ວິ­ທະ­ຍຸ ໜັງ­ສື­ພິມ ອິນ​ເຕີ​ເນັດ ກໍ​ລ້ວນ​ແຕ່​ເປັນ​ຄູ​ສອນ​ທີ່ດີ​ທັງ​ນັ້ນ ຖາມ​ວ່າ​ເຮົາ​ບໍລິ​ໂພກ​ເປັນ​ບໍ? ຖ້າ​ຄົນ​ເຮົາ​ເຂົ້າ­ໃຈ​ຄຳ​ວ່າ­ການ​ສຶກ​ສາ​ຢ່າງແທ້​ຈິງຢູ່​ທີ່​ປັນ­ຍາ ກໍ​ບໍ່​ຈຳ­ເປັນ​ເຫີ່ ຫຼື ແລ່ນ­ນຳ​ສະ​ຖາ​ບັນ ຫຼື ສາ­ຂາ​ດັງໆ ການ​ສຶກ​ສາ​ສຳ­ຄັນ​ມີຄວາມ​ເປັນ​ເລີດ​ທາງ​ວິ­ຊາການ ບໍ່​ຂຶ້ນ​ຢູ່​ກັບ​ວ່າ​ຈົບ​ມາ​ຈາກ​ສະ​ຖາ​ບັນ​ໃດ ມາ​ຫາ​ໄລ​ໃດ ທາງ​ໃນ ແລະ ນອກ​ປະ­ເທດ​ ເພື່ອ​ເອົາ​ສະ​ຖາ​ບັນ​ມາ​ອວດ​ອ້າງກັນ ຄັນ​ຮຽນ​ເອົາ​ຊື່​ສະ​ຖາບັນ ​ກໍ​ໄດ້​ແຕ່​ຊື່​ເທົ່າ​ນັ້ນ ​ປັນ­ຍາ​ບໍ່​ມີ ໄຮ້​ປະ­ສິດ­ທິ­ພາບ ນັກ­ປາດ​ເພິ່ນ​ເອີ້ນ​ການ​ສຶກ​ສາ​ປະ­ເພດ​ນີ້​ວ່າ “ການ​ສຶກ​ສາ​ໄຟ​ໄໝ້​ເຟືອງ” ຄື​ວາບໆ​ໄປ​ເລີຍ ເຮັດ​ຫຍັງ​ບໍ່​ໄດ້  ຖ້າ​ຢາກ​ເຂົ້າ​ເຖິງການ​ສຶກ​ສາ​ແທ້​ຈິງ​ຕ້ອງ​ ແນ່­ນອນ​ທີ່​ປັນ­ຍາ ເລີດ​ລ້ຳ​ວິ­ຊາ​ການ ສູງ​ສົ່ງ​ທາງ​ດ້ານ​ຄວາມ​ຮູ້ ແລະ ຄຸນ​ນະທຳ​ປະ­ຈຳ​ໃຈ ເປັນ​ຄົນ​ເກັ່ງ​ແຕ່​ບໍ່​ກອບ­ໂກຍກິນ​ບ້ານ​ເມືອງ ເປັນ​ພັນ​ມະ­ນຸດ​ທີ່ໂລກ​ຕ້ອງ­ການ​ທີ່​ສຸດ ການ​ອ່ານ­ໜັງ­ສື​ພັດທະ​ນາ​ສະ­ຕິ​ປັນ­ຍາ​ຕົນ​ກໍ​ເປັນ​ສຳ­ຄັນ ​ທຸກ​ສາດສາ­ຂາ​ສຳ­ຄັນໝົດ ບໍ່​ແມ່ນ​ຮຽນ​ເສດ­ຖະ­ສາດ​ ກໍ​ອ່ານ​ແຕ່​ວິ­ຊາ​ຂອງ​ຕົນ ເປັນນັກ​ສຶກ​ສາ​ກໍຕ້ອງ​ອ່ານ​ໝົດ​ທຸກ­ຂາ​ສາ ອ່ານ​ປື້ມ​ທຸກ​ຊະ­ນິດ ບໍ່​ວ່າ ສາ­ສະ­ໜາ ພາ­ສາ​ວັນ­ນະ­ຄະ­ດີ ການ­ເມືອງ ສັງ­ຄົມ ຮູ້ໄວ້​ບໍ່​ແມ່ນ​ມັນ​ຊິ​ໜັກ​ຄື​ແບກ​ຈົກ​ແບກ​ໄຖ ຮູ້​ໄວ້​ມັນ​ກໍ​ເປັນ​ການດີ​ສຳ­ລັບຕົນ​ເອງ ເພື່ອ​ວັນ​ໃດ​ວັນ​ໜຶ່ງ​ເຮົາ​ກໍ​ໄດ້​ອອກ​ມາ​ນຳ​ໃຊ້ໃນ​ເມື່ອ​ຈຳ­ເປັນ ເພາະ­ວ່າ​ປື້ມ​ທຸກເຫຼັ້ມ​ແມ່ນ​ມີ​ຄຸນ​ປະ­ການ​ແກ່ປັນ­ຍາ​ທັງ​ນັ້ນ ເພາະ​ປັນ­ຍາ​ສາ­ມາດ​ເບິ່ງ​ຕົນ​ເອງ​ອອກ ບອກຕົນ​ເອງ​ໄດ້ ໃຊ້​ຕົນ​ເອງ​ເປັນ ເຫັນ​ຕົນ​ເອງ​ຊັດ​ເຈນ ຈັດ​ຕົນ​ເອງໃຫ້​ຖືກ­ຕ້ອງ ຄອບ​ຄອງ​ຕົນເອງ​ໃຫ້​ດີ​ທີ່​ສຸດ ສິ່ງ​ສຳ­ຄັນ​ຄື​ຮູ້​ເທົ່າທັນ​ໂລກ​ປັດ­ຈຸ­ບັນ.</p> <p style="text-align: justify;"> <strong>ໂດຍ: ດອກ​ບົວ​ບານ</strong></p>

ຂ່າວທີ່ກ່ຽວຂ້ອງ