ຂ່າວຫຼ້າສຸດ

ສົງ­ສານ​ທ່ານ­ໝໍ

2.150 24 ຕ.ລ. 2013 ນານາສາລະ

<p style="text-align: justify;"> ຄິດ​ໄປ​ຄິດ​ມາ​ເບິ່ງ​ຄື​ວ່າ​ບໍ່​ມີ​ຫຍັງ​ທີ່​ຈະ​ຂຽນ ຫຼື ບໍ່​ມີ​ເລື່ອງ​ໃຫ້​ຂຽນ ແຕ່​ເປັນ​ຈັ່ງ​ບຸນ ​ປະ­ສົບການ​ຫຍໍ້­ທໍ້​ຂອງ​ສັງ­ຄົມ​ຕ່າງໆ​ນັ້ນ ຖ້າ​ບໍ່​ໄດ້​ອ່ານ​ເຫັນ​ໃນ​ສື່­ສານ​ຕ່າງໆ​ກໍ​ແມ່ນ​ບຸກ­ຄົນ​ມາບອກເລົ່າ​ສູ່​ຟັງ ເຊິ່ງ​ຈະ​ເອີ້ນ​ວ່າ​​ຂໍ້​ມູນ​ດິບ​ກໍ​ຄົງ​ບໍ່​ຜິດ​ ທີ່​ຕັ້ງ​ຫົວຂໍ້​ວ່າ ​ສົງ­ສານ​ທ່ານ­ໝໍ​ນັ້ນ​ແມ່ນ​ຢາກ​ໝາຍ​ເຖິງ​ພະ­ນັກ­ງານແພດ​ຫຼາຍ​ທ່ານ ​ທີ່​ຮັດ​ວຽກ​ປະ­ຈຳ​ຢູ່​ໂຮງ­ໝໍ 150 ຕຽງ.</p> <p style="text-align: justify;"> ເລື່ອງ​ມີ​ຢູ່​ວ່າ ​ປະ­ມານ​ໜຶ່ງ ຫຼື ສອງ​ອາ­ທິດ​ກ່ອນ​ ໄດ້​ມີ​ຂ່າວທາງ​ອິນ​ເຕີ​ເນັດ ແລະ “ເຟັສບຸກ” ​ທີ່​ມີ​ຜູ້​ຂຽນ​ໃຊ້​ອາ­ລົມ​ຮຸນ​ແຮງ ໂດຍ​ສຳ­ນວນ​ພາ­ສາ​ທີ່​ບໍ່​ສຸ­ພາບ​ ສ່ອງ​ແສງ​ເຖິງ​ພຶດ­ຕິກຳ​ຂອງພະ­ນັກ­ງານ​ແພດ​ໝໍ​ບາງ​ຄົນ ເມ​ືືື່ອ​ເວ­ລາ​ຜູ້­ກ່ຽວ (ຜູ້​ວິ­ຈານທາງເຟັສບຸກ) ເອົາ​ພີ່­ນ້ອງ​ມາ​ປິ່ນ­ປົວ ​ໂດຍ​ຕິດ­ຕໍ່​ແພດ​ຜູ້​ປະ­ຈຳການ​ໃຫ້​ກວດ​ອາ­ການ​ຂອງ​ຄົນ​ໄຂ້ ແຕ່​ປະ­ກົດວ່າ​ ພະ­ນັກງານ​ແພດ​ຄົນ​ນັ້ນ​ນັ່ງ​ຕັດ​ເລັບ​ເສີຍ​ຢູ່ ແລະ ບອກ​ວ່າ​ບໍ່​ທັນຮອດ​ໂມງ​ເຮັດ​ວຽກ ນີ້​ຄື​ເນື້ອ​ໃນ​ໃຈ­ຄວາມ​ທີ່​ຜູ້​ຂຽນ​ຟັງ​ມາ ຈາກ​ເອື້ອຍ​ນ້ອງ​ແພດ​ໝໍ ​ທີ່​ທັງ​ເລົ່າ ​ທັງ​ລະ­ບາຍ​ສູ່ຟັງ ແລະ ໄດ້ຍິນ​ມາ​ຕື່ມ​ອີ​ກວ່າ ທັງ​ຄະ­ນະ​ອຳ­ນວຍ​ການ​ໂຮງ­ໝໍ​ກໍ​ບໍ່​ພໍ­ໃຈກັບ​ຂ່າວ​ທີ່​ເກີດຂຶ້ນ ແລະ ໄດ້​ພະ­ຍາ­ຍາມ​ກວດ​ເຖິງ​ເຫດການ​ຕາມ​ທີ່​ເປັນ​ຂ່າວ ​ກໍ​ບໍ່​ປະ­ກົດ​ວ່າ​ເປັນ​ຈິງ​ຄືດັ່ງ​ທີ່​ຜູ້​ເອົາ​ໄປຂຽນ​ວິ­ຈານ​ລົງ​ອິນ​ເຕີ​ເນັດ ຫຼື ເຟັສບຸກ...</p> <p style="text-align: justify;"> ຄວາມ​ຈິງ​ແລ້ວ​ຖ້າ­ວ່າ​ເລື່ອງ​ຂ່າວ​ຄາວ​ບໍ່​ວ່າ​ຈະ​ຢູ່​ໃນ​ລັກສະ​ນະ​ສະ­ແດງ​ຄວາມ​ຄິດ​ເຫັນ ຫຼື ວິ­ເຄາະ​ວິ­ຈານ​ອັນ​ໃດ​ອັນໜຶ່ງ​ກໍ​ຕາມ ຖ້າ​ປະ­ກົດ​ໃນ​ອິນ​ເຕີ​ເນັດ ແລະ ເຟັສບຸກ​ນັ້ນ ​ແມ່ນຂ້ອນ​ຂ້ອງ​ຮຸນ​ແຮງ​ ມີ​ລັກ­ສະ­ນະ​ໄປ​ທາງ​ອາ­ລົມ​ຫຼາຍ​ກວ່າ​ເຫດຜົນ ເພາະ​ບໍ່​ແນ່​ໃຈ​ວ່າພວກ​ເຂົາ​ເວົ້າ​ອອກ​ມາ​ໂດຍ​ບໍ່​ຕ້ອງ​ຮັບຜິດ​ຊອບ ແຕ່​ກໍ​ມີ​ຫຼາຍ​ເຫດ­ການ​ຂ່າວ​ຄາວ​ກໍ​ມີ​ວິ­ຊາ​ການ ແລະ ເຫດ­ຜົນ​ດີ ​ຄວນ​ແກ່​ການ​ຮັບ​ຟັງ ແລະ ຖື​ວ່າ​ມັນ​ເປັນການ​ຕຳ​ໜິ​ສົ່ງ​ຂ່າວເຊິ່ງ​ກັນ ແລະ ກັນ ດັ່ງ­ນັ້ນ ຕໍ່​ຂ່າວ​ຄາວ​ທີ່ເກີດ​ຂຶ້ນ​ນີ້​ ຈຶ່ງ​ເຮັດ​ໃຫ້​ເອື້ອຍ​ນ້ອງ​ພະ­ນັກ­ງານແພດ​ໝໍ 150 ຕຽງ ​ບໍ່​ພໍ​ອົກ​ພໍ­ໃຈຫຼາຍ​ທ່ານ ທັງ​ທີ່​ພວກ​ເຂົາ​ເປັນ​ແພດ​ໝໍ​ ເຮັດວຽກ​ຊ່ວຍ­ເຫຼືອ​ຄົນ​ເຈັບ​ກໍ​ໜັກ​ຢູ່​ແລ້ວ​ ຊ້ຳ​ມີ​ຂ່າວ​ບໍ່​ດີ​ເກີດ​ຂຶ້ນໃນ​ໜ່ວຍ​ງານ​ອີກ ຈຶ່ງ​ເປັນ​ທີ່​ເຫັນ­ໃຈ​ບໍ່ໜ້ອຍ ເພາະ​ແພດ​ໝໍ​ນີ້ ບາງ​ພະ​ແນກ​ເຖິງ​ເວ­ລາ​ເຂົາ​ພັກ​ຫຼິ້ນ​ບຸນ​ກໍ​ບໍ່​ໄດ້​ພັກ​ນຳ​ເຂົາ ເພາະ­ວ່າ​ຕ້ອງ​ເບິ່ງ­ແຍງ​ຄົນ​ເຈັບ ປ່ຽນ​ກັນ​ເຮັດ​ວຽກ​ທັງ​ກາງເວັນ ແລະ ກາງ­ຄືນ ໂດຍ​ສະ­ເພາະພະ​ແນກ​ສຸກ​ເສີນ ແລະ ຟື້ນ​ຟູ​ຊີບ ຍິ່ງ​ເປັນ​ວຽກ​ໜັກ​ທາງ​ຮ່າງ­ກາຍ ແລະ ຈິດ­ໃຈ​ ເບິ່ງວຽກງານ​ແລ້ວ​ຢູ່​ໃນ​ລັກ­ສະ­ນະ​ໜ້າ​ສິ່ວ​ໜ້າ​ຂວານ ດ້ວຍ​ເຫດນີ້​ ຕໍ່​ເລື່ອງ​ຂ່າວ​ທີ່​ເກີດ​ຂຶ້ນ ​ຖ້າ​ບໍ່ເປັນ​ຈິງ​ຕາມ​ຂ່າວ​ກໍ​ບອກ​ໄດ້​ວ່າ ໜ້າ​ເຫັນ­ໃຈ​ແພດ​ໝໍ​ແທ້ໆ ດັ່ງ­ນັ້ນ ຜູ້​ຂຽນ​ຈຶ່ງ​ເວົ້າ​ວ່າ ​ສື່ທາງອິນ​ເຕີ​ເນັດ ແລະ ເຟັສບຸກ ຈຶ່ງ​ຢູ່​ໃນ​ລັກ­ສະ­ນະ​ທີ່​ຮຸນ​ແຮງ ແລະ ໃຊ້​ພາ­ສາ​ບໍ່​ສຸ­ພາບ ເພາະ­ວ່າ​ເວົ້າ​ໄປ​ແລ້ວ​ບໍ່​ຕ້ອງ​ຮັບ­ຜິດ­ຊອບ ນີ້​ຄື​ປະ­ເດັນ​ທີ່​ຜູ້​ໃຊ້​ສື່​ດັ່ງ­ກ່າວ​ຕ້ອງ​ໄດ້​ຄຳ​ເບີ່ງ​ຫງ່ອນ​ຕົນ​ເອງ​ພໍສົມ­ຄວນ!.</p> <p style="text-align: justify;"> ພວກ​ເຮົາ​ລອງ​ກັບ​ມາ​ພິ­ຈາ­ລະ­ນາ​ກັບ​ຂ່າວ​ທີ່​ເກີດ​ຂຶ້ນ ສົມ­ມຸດ​ວ່າ​ມີ​ມູນ​ຄວາມ​ຈິງ​ ແຕ່ໜ່ວຍ​ງານ​ກ່ຽວ­ຂ້ອງ​ກວດ​ກາບໍ່​ພົບ​ ກໍ​ຢ່າ​ຟ້າວ​ຕີ​ໂຕ​ໄປ​ກ່ອນ​ໄຂ້ ເພາະ​ບາງ­ເທື່ອ​ມີ​ຫຼາຍໆກໍລະ​ນີ​ກໍ​ຕ້ອງ​ໄດ້​ຟັງ​ຄົນ​ບູ­ຮານ​ສອນ​ວ່າ ນ້ຳ​ຍ້ອຍ​ຫອຍ​ຈຶ່ງ​ໄຕ່ ຈຸດ​ສຳ­ຄັນ​ນັ້ນ​ມີ​ນ້ຳ​ຫອຍຈຶ່ງ​ໄຕ່ ແຕ່​ຫອຍ​ບາງ​ໂຕ​ບໍ່​ມີ​ນ້ຳ​ກໍ​ໄຕ່ ເພາະ­ວ່າ​ມັນ​ໄຕ່​ໄປ​ຫາ​ນ້ຳ ຜູ້​ຂຽນ​ກໍ​ສະ­ແດງ​ຄວາມເຫັນ​ຕໍ່​ບັນຫາ​ນີ້​ວ່າ ຖ້າ​ບໍ່​ແມ່ນ​ຄວາມ​ຈິງ​ດັ່ງ​ທີ່​ເປັນ​ຂ່າວ​ແລ້ວ​ ແພດ​ໝໍ​ກໍຕ້ອງ​ໄດ້​ອົດ­ທົນ ເພາະ­ວ່າ​ທຳ​ມະ​ດາ​ແລ້ວ ​ຄົນ​ທີ່​ມາ​ດ່າ​ເຮົາ ​ຖ້າບໍ່​ເປັນ​ດັ່ງ​ທີ່​ບັນ­ດາ​ຄຳ​ດ່າ​ເຫຼົ່າ­ນັ້ນ​ ກໍ​ຕົກເປັນ​ຂອງ​ເຂົາ ເພາະມັນ​ອອກ​ຈາກ​ປາກ​ເຂົາ​ເອງ ບໍ່​ຕ່າງ​ຫຍັງ​ກັບ​ແຂກ​ທີ່​ມາ​ຢາມ ພ້ອມກັບ​ຂອງ­ຝາກ ຖ້າ​ເຮົາ​ເປັນ​ເຈົ້າ­ພາບ​ບໍ່​ຮັບ​ເອົາ​ຂອງ­ຝາກນັ້ນ ​ມັນ​ກໍ​ຕົກ​ເປັນ​ຂອງ​ແຂກ​ຄືນ ແຕ່​ຖ້າ​ເປັນ​ຈິງ​ດັ່ງ​ທີ່​ເຂົາ​ເວົ້າ ເຮົາ​ກໍ​ຕ້ອງ​ໄດ້​ພິ­ຈາ­ລະ­ນາ​ກວດ­ກາ​ພຶດ­ຕິ​ກຳ​ຄືນ​ໃນ​ລາຍ​ລະອຽດ​ຕ່າງໆ ເພາະ­ວ່າ​ເວົ້າ​ເລື່ອງ​ທຳ​ມະ​ຊາດ​ຂອງ​ມະ­ນຸດ​ນີ້ ຄວາມ​ຊົ່ວ​ໃຜໆ​ກໍ​ປົກ​ປິດສຸດ​ຂີດ.</p> <p style="text-align: justify;"> ທີ່​ຜູ້​ຂຽນ​ຍົກ​ປະ­ເດັນ​ມາ​ເວົ້າ​ນັ້ນ​ແມ່ນ​ມີ​ຄວາມ​ເຫັນ­ໃຈແພດ​ໝໍ​ແທ້ໆ ເພາະ​ພວກ​ເພິ່ນຕ້ອງ​ເບິ່ງ­ແຍງ​ຄົນ​ເຈັບ​ໄຂ້ ນັບໄດ້​ວ່າ​ເປັນ​ວຽກ​ງານ​ທີ່​ໜັກ­ໜ່ວງ​ ແຕ່​ກໍ​ຕ້ອງ​ໄດ້​ເຮັດ ເພາະມັນເປັນ​ໜ້າ­ທີ່ ເຖິງ​ແມ່ນ​ວ່າ​ຄົນ​ເຮົາ​ບໍ່​ຫຼຽວ​ເຫັນ​ ຜູ້​ຂຽນ​ກໍ​ເຊື່ອ​ວ່າ ເທວະ​ດາ​ອາດ​ຈະ​ເບິ່ງເຫັນ​ກັບ​ສິ່ງ​ທີ່​ເຮົາ​ເຮັດ ສຳ­ລັບ​ຜູ້​ທີ່​ໃຊ້​ສື່ເວົ້າ​ດ່າ​ປະ­ຈານ ​ຢຽດ​ຫຍາມ​ຄົນ​ອື່ນ​ຕໍ່​ສາ­ທາ­ລະ­ນະ​ຊົນ​ແນວ​ນີ້ ອຳ­ນາດ​ລັດ​ແມ່ນ​ມີ​ມາດ​ຕະ­ການ​ຄຸ້ມ​ຄອງ​ພາ­ຫາ​ນະ​ສື່ ແລະ ເອົາ​ບຸກ­ຄົນທີ່​ໃຊ້​ສື່​ແບບ​ບໍ່​ຖືກ­ຕ້ອງ​ມາ​ລົງ­ໂທດ​ຕາມ​ກົດ­ໝາຍ ເລື່ອງ​ນ້ອຍ​ອາດ​ຈະ​ເປັນ​ເລື່ອງ​ໃຫຍ່​ຖ້າ​ບໍ່​ລະ­ງັບ​ແຕ່​ດຽວ­ນີ້.</p> <p style="text-align: justify;"> <strong>ໂດຍ: ດັ້ນ​ກີບ​ເມກ</strong></p>

ຂ່າວທີ່ກ່ຽວຂ້ອງ