ການ​ນອນ​ທີ່​ພຽງ­ພໍ​ ເຮັດ​ໃຫ້​ສະ­ໝອງ​ຈື່​ຈຳ​ດີ

1.883 23 ຕ.ລ. 2013 ນານາສາລະ

<p style="text-align: justify;"> ບົດ​ນີ້​ ດັ້ນ​ກີບ​ເມກ​ ຂໍ​ເວົ້າ​ເລື່ອງ​ນອນ ແລະ ຄຸນ​ປະ­ໂຫຍດຂອງ​ການ​ນອນ​ທີ່​ພຽງ­ພໍ ແລະ ພໍ​ພຽງ​ຕໍ່​ຄວາມ​ຕ້ອງ­ການຂອງ​ຮ່າງ­ກາຍ ເພາະ­ວ່າ​ເລື່ອງ​ສຸ­ຂະ­ພາບ​ສຳ­ລັບ​ຄົນ​ເຮົາ​ນີ້ ຫຼາຍຄົນ​ປະ­ຕິ­ເສດ​ບໍ່​ໄດ້ ຕ້ອງ​ໄດ້​ຍອມ­ຮັບ​ວ່າ​ສຸ­ຂະ­ພາບ​ເປັນສິ່ງ​ສຳ­ຄັນ​ໃນ​ການ​ເຮັດ​ວຽກ​ງານ ຫຼື ຈະ​ດຳ­ເນີນ​ຊີ­ວິດ ​ຄ້າຂາຍ ​ຫາ​ເງິນ​ມາ​ລ້ຽງ​ປາກ​ທ້ອງ ແນ່­ນອນ​ເລື່ອງ​ສຸ­ຂະ­ພາບ​ຈຶ່ງເປັນສິ່ງ​ທີ່​ບໍ່​ຄວນ​ເບິ່ງ​ຂ້າມ.</p> <p style="text-align: justify;"> ໃນ​ການ​ແບ່ງ​ເວ­ລາ​ເຮັດ​ວຽກ​ກິນ​ຢູ່ ແລະ ພັກ­ຜ່ອນ​ນັ້ນ ເປັນ​ສິ່ງ​ທີ່​ຜູ້​ໃຫ້​ຄວາມ​ສຳ­ຄັນ​ຕໍ່​ສຸ­ຂະ­ພາບ ​ຕ້ອງ​ໄດ້​ວາງ​ແຜນໃນ​ຂັ້ນ​ຕອນ​ລາຍ​ລະ­ອຽດ ເພາະ­ວ່າ​ເຫດ­ຜົນ​ໃຫຍ່​ທີ່​ຈະ​ຕ້ອງເຮັດ​ແບບ​ນັ້ນ​ ກໍ​ເນື່ອງ​ຈາ​ກວ່າ ຖ້າ​ສຸ­ຂະ­ພາບ​ບໍ່​ດີ​ແລ້ວ ​ເຖິງແມ່ນ​ມີ​ເງິນ​ລົ້ນ​ຟ້າ​ກໍ​ບໍ່​ສາ­ມາດ​ເຮັດ​ໃຫ້​ຊີ­ວິດ​ມີ​ຄວາມ­ສຸກ​ໄດ້ ເພາະ​ມັນ​ມີ​ເຫດ­ຜົນ​ຊ້ອນ​ຂຶ້ນ​ອີ​ກວ່າ ​ເງິນ​ບໍ່​ແມ່ນ​ໂຕຄວາມ­ສຸກໂດຍ​ກົງ ພຽງ​ແຕ່​ວ່າ​ເງິນ​ເປັນ​ປັດ​ໄຈ​ທີ່​ກໍ່­ໃຫ້­ເກີດ​ຄວາມ­ສຸກເທົ່າ​ນັ້ນ (ສຳ­ລັບ​ຜູ້ໃຊ້​ເງິນ​ເປັນ ​ເພາະ­ວ່າ​ໃນ​ໂຕ​ເງິນ​ເອງ​ເປັນດາບ​ສອງ​ຄົມ).</p> <p style="text-align: justify;"> ການ​ນອນ​ໃຫ້​ພຽງ­ພໍ​ຕໍ່​ຄວາມ​ຕ້ອງ­ການ​ຂອງ​ຮ່າງ­ກາຍ​ຈະເກີດ​ປະ­ໂຫຍດ​ດັ່ງ​ລຸ່ມ​ນີ້:</p> <p style="text-align: justify;">    1. ຄົນ​ທີ່​ນອນ​ຫຼັບ 6-8ຊົ່ວ­ໂມງ​ຕໍ່​ຄືນ​ ມີ​ສ່ວນ​ໃນ​ການ​ລົດຄວາມ​ສ່ຽງ​ຂອງ​ພະ­ຍາດ­ຫົວ­ໃຈ ແລະ ພະ­ຍາດ​ຫຼອດ​ເລືອດໃນ​ສະ­ໝອງ.</p> <p style="text-align: justify;">    2. ການ​ນອນ​ຫຼັບ​ທີ່​ພຽງ­ພໍ​ຕໍ່​ຄວາມ​ຕ້ອງ­ການ​ຂອງ​ຮ່າງກາຍ ​ຍ່ອມ​ຊ່ວຍ​ໃຫ້​ມັນ­ສະ­ໝອງ​ສົດ­ໃສ ມີ​ພະ­ລັງ­ງານ​ພຽງ­ພໍຕໍ່​ການ​ເຮັດ​ວຽກ.</p> <p style="text-align: justify;">    3. ການ​ນອນ​ໃຫ້​ພຽງ­ພໍ​ ຊ່ວຍ​ໃຫ້​ຄວາມ​ຈື່​ຈຳ​ຂອງ​ສະໝອງ​ດີ​ຂຶ້ນ.</p> <p style="text-align: justify;">    4. ການ​ນອນ​ພັກ­ຜ່ອນ​ທີ່​ເໝາະ​ສົມ ​ບໍ່​ວ່າ​ຈະ​ຢູ່​ຫ້ອງ­ການ ຫຼື ວ່າ​ຢູ່​ເຮືອນ​ ຍ່ອມ​ເປັນການ​ຮັບ­ປະ­ກັນ​ເຖິງ​ການ​ພັກ­ຜ່ອນ​ທີ່​ຈຳເປັນ ເພາະ​ຮ່າງ­ກາຍ​ຕ້ອງ­ການ​ພັກ­ຜ່ອນ​ເປັນການ​ຕື່ມ​ເຕີມພະ­ລັງ­ງານ.</p> <p style="text-align: justify;"> ຂໍ​ຍົກ​ຕົວ­ຢ່າງ​ພຽງ 4 ຂໍ້​ເທົ່າ​ນັ້ນ ເພາະ​ປະ­ໂຫຍດ​ຂອງ​ການພັກ­ຜ່ອນ​ທີ່​ພຽງ­ພໍ​ຫຼາຍ​ກວ່າ 4 ຂໍ້​ນັ້ນ​ ແນ່­ນອນ ແຕ່​ທ່ານ​ຜູ້ອ່ານ​ລອງ​ຄິດ​ເບິ່ງ​ອີ​ກວ່າ ຖ້າ​ຄົນ​ເຮົາ​ນອນ​ຫຼາຍ​ເກີນ​ໄປ​ຈະເປັນ​ແນວ­ໃດ? ອາ­ເມ­ລິ­ກາ! ຕາມ​ການ​ວິ­ໄຈ​ກ່ຽວ​ກັບ​ຫົວ­ໃຈຂອງ​ນັກ​ວິ­ໄຈ​ ທີ່​ເປັນ​ຄົນ​ອາ­ເມ­ລິ­ກາ ​ໄດ້​ບອກ​ວ່າ: ຖ້າ​ໃຜ​ກໍຕາມ​ຖ້າ​ນອນ​ຫຼາຍ​ເກີນ​ຄວາມ​ຈຳ­ເປັນ​ຂອງ​ຮ່າງ­ກາຍ​ຫຼາຍກວ່າ 8 ຊົ່ວ­ໂມງ​ຕໍ່​ຄືນ ​ອາດ​ເກີດ​ຄວາມ​ສ່ຽງ​ສູງ​ຕໍ່​ການ​ເປັນພະ­ຍາດ​ຕ່າງໆ ເວົ້າ​ແນວ​ນີ້​ໃຜໆ​ກໍ​ຄົງ​ຄິດ​ອອກ ເພາະ­ວ່າ​ຍັງມີ​ຜູ້​ນອນ​ຍາວ​ນອນ​ຫຼາຍ​ ນອນ​ທັງ​ຫຼັບ​ທັງ​ໄຫຼ ​ທັງ​ລະ­ເມີ​ເພີ້​ຝັນ ຫຼື ທີ່​ພວກ​ເຮົາ​ມັກ​ເວົ້າ​ກັນ​ວ່າ ​ນອນ​ແບບ​ກິນ​ບ້ານ​ກິນ­ເມືອງ ນັ້ນ​ຕ້ອງ​ໃຫ້​ຢຸດ ແລະ ປ່ຽນ­ແປງ​ໂຕ​ເອງ​ໄດ້​ແລ້ວ.</p> <p style="text-align: justify;"> ດັ່ງ­ນັ້ນ ຄຳ​ເວົ້າ​ນອນ​ໃຫ້​ພໍ­ດີ​ນັ້ນ​ຈຶ່ງ​ເປັນ​ຄຳ​ທີ່​ພວກ​ເຮົາຕ້ອງ​ຊັ່ງ­ຊາ​ເບິ່ງ​ໃຫ້​ມັນ​ພໍ­ດີ ເຮັດ​ສິ່ງໃດ​ກໍ​ໃຫ້​ມັນ​ພໍ​ພຽງ ແລະ ພຽງ­ພໍ​ຕໍ່​ຄວາມ​ຕ້ອງ­ການ​ຂອງ​ຮ່າງ­ກາຍ ເພາະ­ວ່າ​ຍັງ​ມີ​ຄຳປຽບ­ທຽບ​ໃຫ້​ຮູ້​ລະ­ຫວ່າງ​ຄຳ​ວ່າ ພຽງ­ພໍ ແລະ ພໍ​ພຽງ ນັ້ນ​ຄື ຄຳ​ວ່າ​ໜ້ອຍ ແລະ ຫຼາຍ​ເກີນ​ໄປ ທາງ​ພຸດ​ທະ​ສາ­ສະ­ໜາ ເອີ້ນ​ວ່າ ​ທາງ​ສາຍ​ກາງ ເປັນ​ທາງ​ທີ່​ດີ ເຊິ່ງ​ເລື່ອງ​ການ​ນອນຫຼັບພັກ­ຜ່ອນ​ໃຫ້​ພຽງ­ພໍ​ນີ້​ ຍັງ​ມີ​ຫາງ​ສຽງ​ສັງ­ຄົມ​ມັກ​ເວົ້າ​ກັນຫຼິ້ນ​ເປັນ​ເຊີງ​ປຽບ​ເປີຍ​ໄວ້​ຫຼາຍແງ່ມູມ​ວ່າ ບັນ­ດິດ​ນອນ​ສີ່ (ສີ່ຊົ່ວ­ໂມງ) ແມ່​ຄ້າ​ນອນ​ຫົກ ສ່ວນ​ຍາ­ຈົກ (ຄົນ​ທຸກ​ຈົນ) ນອນເບິດ​ມື້ ດັ່ງ​ທີ່​ຍົກ​ເຫດ­ຜົນ​ບາງ​ປະ­ການ​ກ່ຽວ​ກັບ​ການນອນ​ພັກ­ຜ່ອນ​ໃຫ້​ພຽງ­ພໍ​ນັ້ນ​ເຫັນ​ໄດ້ວ່າ ເປັນ​ສິ່ງ​ຈຳ­ເປັນ​ສຳລັບ​ພວກ​ເຮົາ​ທັງ­ຫຼາຍ ພະ­ພຸດ­ທະ­ເຈົ້າ​ກໍ​ຮູ້​ເລື່ອງ​ນີ້​ດີ​ ເພິ່ນ​ຈຶ່ງສອນໄວ້​ວ່າ: ຄວາມ​ບໍ່​ມີ​ໂຣກ​ພະ­ຍາດ​ ເປັນ​ລາບ​ອັນ​ປະ­ເສີດ!.</p> <p style="text-align: justify;"> <strong>ໂດຍ: ດັ້ນ​ກີບ​ເມກ</strong></p>

ຂ່າວທີ່ກ່ຽວຂ້ອງ