ຂ່າວຫຼ້າສຸດ

ເບິ່ງ​ໄທ ໄປ​ເບິ່ງ​ຈີນ

3.824 03 ຕ.ລ. 2013 ນານາສາລະ

<p style="text-align: justify;"> ການ​ພັດ­ທະ­ນາ​ປະ­ເທດ​ຊາດ​ບ້ານ​ເມືອງ​ທຸກ​ວັນ​ນີ້ ຫຼາຍ​ປະເທດ​ໄດ້​ພຽນ​ພະ­ຍາ­ຍາມຊອກ​ສະ­ແຫວງ­ຫາ​ຫຼາຍ​ວິ­ທີ​ໃນ​ການບໍ­ລິ­ຫານ ແລະ ພັດ­ທະ­ນາ​ປະ­ເທດ​ ໃຫ້​ຈະ­ເລີນ​ເທົ່າທັນ​ກັບ​ສາກົນ ໂດຍ​ມຸ້ງ​ຫວັງ​ໄປ​ທີ່​ການ​ຢູ່​ດີ​ມີ​ສຸກ ຫຼື ຢູ່​ດີ​ກິນ​ດີ​ຂອງ​ປະ­ຊາຊົນ​ຢູ່​ພາຍ​ໃນປະ­ເທດ ເຊິ່ງ​ການ​ຄ້າ­ຂາຍ​ຫງາຍ​ມື​ເປັນ​ປັດ​ໄຈສຳ­ຄັນ​ທີ່​ຜູ້­ນຳ​ຫຼາຍ​ປະ­ເທດ​ໃຫ້​ຄວາມ​ສຳ­ຄັນ​ເປັນ​ອັນ​ດັບ​ໜຶ່ງ ທັງ​ນີ້​ກໍ​ມີ​ຈຸດ­ປະ­ສົງ​ໃຫ້​ປະ­ຊາ­ຊົນ​ກິນ​ອິ່ມ​ນຸ່ງ​ອຸ່ນ​ກ້າວ​ໄປ​ສູ່​ກິນແຊບ​ນຸ່ງ​ງາມ.</p> <p style="text-align: justify;"> ການ​ທີ່​ປະ­ເທດ​ໄທ​ ເຂົາ​ເບິ່ງ​ປະ­ເທດ​ຈີນ ​ໃນ​ການ​ພັດ­ທະ­ນາເສດ­ຖະ­ກິດ-ສັງ­ຄົມ​ນີ້ ສະ­ແດງ​ວ່າ​ຫຼາຍ​ປະ­ເທດ​ໃນ​ໂລກ <strong>ບໍ່​ວ່າຈະ​ຢູ່​ໃນ​ຄ້າຍ​ທຶນ​ນິ­ຍົມ ຫຼື ສັງ­ຄົມ​ນິ­ຍົມ​ກໍ​ຕາມ ແມ່ນມີ​ການນຳ​ເອົາ​ທິດ​ສະ​ດີ ແລະ ບົດ­ຮຽນ​ທີ່​ປະ­ສົບ​ຜົນ­ສຳ­ເລັດ​ມາ​ເປັນແມ່​ແບບ​ໃນ​ການພັດ­ທະ­ນາ </strong>ໂດຍ​ມີ​ການ​ປັບ­ປຸງປ່ຽນ­ແປງແນວ­ທາງ​ເສດ­ຖະ­ກິດ ແລະ ການ­ເມືອງ ​ໄປ​ຕາມເງື່ອນ­ໄຂ ແລະ ສະ­ພາບ​ແວດ​ລ້ອມ​ຂອງ​ສັງ­ຄົມ​ໂລກ ເຊິ່ງ​ໃຜໆກໍຖື​ວ່າ ຖ້າ​ມົວ​ແຕ່​ຢືນ​ວາງມາດ​ອວດ​ກັນ​ຢູ່​ນັ້ນ ປະ­ຊາ­ຊົນ​ອາດ​ມີຄວາມ​ລຳ­ບາກ​ຫຼາຍ​ຂຶ້ນ ດັ່ງ​ບູ­ຮານ​ລາວ​ ກໍ​ເວົ້າ​ໄວ້ໃຫ້​ຄິດ​ວ່າ: ຄວາຍ​ຊົນ​ຄວາຍ​ແພ້​ຫຍ້າ​ແຝກ.</p> <p style="text-align: justify;"> ອີງ​ຕາມ​ແຫຼ່ງ​ຂ່າວ​ທີ່​ຫຼາຍ​ຄົນ​ໄດ້​ຕິດ­ຕາມ​ໃນ​ສື່ Internet china manager online ທີ່ມີ​ນັກ­ວິ­ຊາ­ການ​ຂອງ​ປະ­ເທດໄທ ​ສົນ­ໃຈ​ໃນ​ການ​ພັດ­ທະ­ນາ​ເສດ­ຖະ­ກິດ-ສັງ­ຄົມ​ຂອງ​ປະ­ເທດຈີນ​ ໄດ້​ໃຫ້​ລາຍ​ລະ­ອຽດ ແລະ ຄວາມ​ເຫັນ​ບາງ​ຢ່າງ​ໄວ້​ພໍ​ສົມຄວນ​ເຖິງ​ວິ­ທີ​ການ​ບໍ­ລິ­ຫານ​ເສດ­ຖະ­ກິດ​ຂອງ​ປະ­ເທດ​ຈີນ <strong>ເຊິ່ງ​ເປັນ​ປະ­ເທດ​ທີ່​ປົກ­ຄອງ​ໂດຍ​ລະ­ບອບ​ສັງ­ຄົມ​ນິ­ຍົມ ແຕ່​ເປັນຫຍັງ​ເສດ­ຖະ­ກິດ​ຈີນ​ ຈຶ່ງ​ກ້າວ­ໜ້າ ແລະ ໝັ້ນ­ຄົງ ພ້ອມ​ມີ​ເງິນຄັງ​ສຳ­ຮອງ​ໄວ້ຢ່າງ​ຫຼວງ­ຫຼາຍ ​ກວ່າ​ບາງ​ປະ­ເທດ​ມະ­ຫາ​ອຳນາດ​ໃນ​ໂລກ​ອີກ </strong>ແຫຼ່ງ​ຂ່າວ​ດັ່ງ­ກ່າວ​ໄດ້​ພະ­ຍາ­ຍາມ​ເຈາະເລິກ​ເຂົ້າ​ເຖິງ​ບາງ<strong>ບໍ­ລິ­ສັດ​ທີ່​ມີ​ສະ­ມາ­ຊິກ​ພັກເຂົ້າ​ໄປ​ເປັນ​ຜູ້​ບໍ​ລິຫານ </strong>ຊຸກ­ຍູ້ຜັກ​ດັນ​ໃຫ້​ບໍ­ລິ­ສັດ​ການ​ຄ້າ​ຂອງ​ຈີນ ​ປະ­ສົບ​ຜົນ​ສຳເລັດ ໂດຍ​ຜູ້​ບໍ­ລິ­ຫານ​ທີ່​ເປັນ​ສະ­ມາ­ຊິກພັກ​ໄດ້​ບອກ​ວ່າ ພະ­ຍາຍາມ​ໃຫ້​ບໍ­ລິ­ສັດ​ເຮັດ​ວຽກ​ຕາມ​ກອບ​ຂອງ​ກົດ­ໝາຍ ແລະ ປະຕິບັດ​ຕໍ່​ພະ­ນັກ­ງານ​ລູກ­ຈ້າງ​ຕາມ​ກົດ­ໝາຍ​ແຮງ​ງານ​ຂອງຈີນ.</p> <p style="text-align: justify;"> ນອກ­ຈາກ​ນີ້ ພະ­ນັກ­ງານ​ທີ່​ເປັນ​ສະ­ມາ­ຊິກ​ພັກ ທີ່​ເປັນ​ກຳມະ​ການ​ໃນ​ການ​ບໍ­ລິ­ຫານ​ອົງ­ການ​ທຸ­ລະ​ກິດ​ເອ­ກະ​ຊົນ​ໄດ້​ອະ­ທິບາຍ​ຕື່ມ​ວ່າ: <strong>ການ​ເຂົ້າ​ໄປ​ເຮັດ​ໜ້າ­ທີ່​ແບບ​ນັ້ນ ແມ່ນເພື່ອຄອຍ​ຊີ້​ນຳ​ຊ່ວຍ­ເຫຼືອ​ໃຫ້​ທຸ­ລະ​ກິດ​ພັດ­ທະ­ນາ​ໄປ​ໃນ​ແນວ­ທາງ​ທີ່ຖືກ­ຕ້ອງ​ສອດ­ຄ່ອງກັບ​ນະ­ໂຍ­ບາຍ​ຂອງ​ພັກ  ເປັນ​ການ​ເຊື່ອມໂຍງ​ການ​ພັດ­ທະ­ນາ​ພາກ​ທຸ­ລະ​ກິດ​ເອ­ກະ​ຊົນ​ເຂົ້າ​ກັບ​ການ​ຂະຫຍາຍ​ຕົວ​ທາງ​ເສດ­ຖະ­ກິດ​ຂອງ​ລັດ­ຖະ­ບານ ເຊິ່ງ​ຄວາມ​ສຳເລັດ​ດັ່ງ­ກ່າວ​ກໍ​ຖື​ວ່າ​ເປັນ​ໝາກ­ຜົນ​ໃນ​ການ​ເຮັດ​ວຽກ​ຂອງ​ສະມາ​ຊິກ​ພັກ.</strong></p> <p style="text-align: justify;"> ທີ່​ກ່າວ​ມາ​ຂ້າງ​ເທິງ​ນັ້ນ ອາດ​ເຮັດ​ໃຫ້​ທ່ານ​ຜູ້​ອ່ານ​ຫຼາຍ​ຄົນເຫັນ​ແງ່​ມຸມ​ທີ່​ແຕກ​ຕ່າງ​ກັນ ທັງ​ນີ້​ກໍ​ຂຶ້ນ​ຢູ່​ກັບ​ພູມ​ປັນ­ຍາ​ຂອງແຕ່­ລະ­ຄົນ ​ວ່າ​ເລິກ​ຕື້ນ​ໜາ​ບາງ​ພຽງ​ໃດ ເພາະ​ປະ­ເທດຈີນ ​ທີ່ປົກ­ຄອງ​ປະ­ເທດ​ດ້ວຍ​ລະ­ບົບ​ການ­ເມືອງ​ແບບ​ສັງ­ຄົມ​ນິ­ຍົມ ແຕ່​ກໍ​ເຮັດ​ໃຫ້​ຫຼາຍ​ປະ­ເທດ​ເບື້ອງ​ຄ້າຍ​ທຶນ​ນິ­ຍົມ​ໄດ້​ຈັບ​ຕາ​ເບິ່ງຢ່າງ​ໃກ້­ຊິດ ​ໃນ​ການ​ພັດ­ທະ­ນາ​ເສດ­ຖະ­ກິດ ເພາະ­ວ່າ ຖ້າ​ພິກຫຼັງ​ກັບ​ໄປ​ເບິ່ງ​ພູມ​ຫຼັງ​ຂອງ​ຈີນ ແລ້ວ​ກໍ​ຮູ້​ໄດ້​ວ່າ­ ຄວາມ​ສຳ­ເລັດທີ່​ເຂົາ​ມີຂຶ້ນ​ທຸກ​ມື້­ນີ້​ ແມ່ນ​ໄດ້​ມາ​ດ້ວຍ​ບົດ­ຮຽນ​ລາ­ຄາ​ແພງ​ຄືກັນ.</p> <p style="text-align: justify;"> ໃນ​ປະ­ເດັນ​ທີ່​ຢາກ​ເວົ້າ​ນີ້​ມີ​ຢູ່​ວ່າ: ນັບ​ແຕ່​ຈີນ​ ໄດ້​ປົດ​ປ່ອຍ­ປະເທດ​ຊາດ ໄດ້​ຮັບ​ເອ­ກະ­ລາດ​ອະ­ທິ­ປະ​ໄຕ​ໃນ​ການ​ບໍ­ລິ­ຫານ​ຕົນເອງ ເຊິ່ງ​ຜູ້­ນຳ​ຍຸກ​ຕົ້ນໆ​ນັ້ນ​ມີ​ທັງ​ປະ­ທານ ເໝົາ​ເຈິ​ຕຸງ ໂຈ ເອິນ​ໄຫຼ... ພ້ອມ​ດ້ວຍ ເຕີ້ງ​ສ້ຽວ​ຜີງ ຈົນ​ມາ​ຮອດ​ຍຸກ​ປັດ­ຈຸ­ບັນ ຜ່ານ​ຫຼາຍ​ຜູ້­ນຳ​ມີ ຈູ່​ຫຼົງ​ຈີ້... ຫູ​ຈິນ​ເຖົາ ຮອດ​ຜູ້­ນຳ​ຄົນ​ປັດ­ຈຸ­ບັນ ເຊິ່ງ​ນັກ­ວິ­ຊາ­ການ​ຕົວ​ຈິງ​ຄົງ​ບໍ່​ກ້າ​ປະ­ຕິ­ເສດຄວາມ​ຄິດ​ຂອງທ່ານ ເຕີ້ງ​ສ້ຽວ​ຜີງ ໃນ​ການ​ປະ­ຕິ​ຮູບ​ດ້ານ​ເສດ­ຖະ­ກິດ ​ມີຄວາມ​ສຳ­ເລັດ.</p> <p style="text-align: justify;"> ປະ­ເດັນ​ສຳ­ຄັນ​ໃນ​ທີ່​ນີ້​ ແມ່ນ​ຄົນ​ໃນ​ທົ່ວ​ໂລກ​ຍ່ອມ​ຮັບ​ຮູ້​ວ່າ ການ​ສ້າງ­ສາ​ພັດ­ທະ­ນາ​ປະ­ເທດ​ຊາດ​ນັ້ນ​ບໍ່​ແມ່ນ​ຂຶ້ນ​ກັບ​ການມີ​ຫຼາຍ​ພັກ​ຈຶ່ງ​ພັດ­ທະ­ນາ​ໄວ <strong>ການ​ມີ​ພັກ​ດຽວ ເປັນ­ຕົ້ນແມ່ນພັກ​ທີ່​ເດີນ​ຕາມ​ລັດ­ທິ​ມາກ</strong><strong>-ເລ​ນິນ ແລະ ມີ​ອຸ­ດົມ​ການ​ສັງ­ຄົມ​ນິ­ຍົມ</strong>ນັ້ນ ​ນຳ​ເອົາ​ຜົນປະ­ໂຫຍດ​ມາ­ສູ່​ປະ­ເທດ​ຊາດ ແລະ ປະ ຊາ​ຊົນ​ດີ​ກວ່າ ດັ່ງ​ກໍ­ລະ­ນີ ສປ ຈີນ ແລະ ປະ­ເທດອື່ນໆ​ທີ່​ພວມເດີນ​ຕາມ​ເສັ້ນ­ທາງ ​ກໍ່­ສ້າງ​ປະ­ເທດ​ຕົນ​ສູ່​ຈຸດ­ໝາຍ​ສັງ­ຄົມ​ນິຍົມ.</p> <p style="text-align: right;"> <strong>ໂດຍ: ດັ້ນ​ກີບ​ເມກ</strong></p>

ຂ່າວທີ່ກ່ຽວຂ້ອງ