( ລະ­ວັງ ! ຖືກ​ຫຼອກ... )

3.113 17 ກ.ຍ. 2013 ນານາສາລະ

<p style="text-align: justify;"> ຄໍ​ລຳ​ເຮົາ​ເຄີຍ​ຂຽນເຕືອນ​ເລື້ອຍໆ​ເລື່ອງ​ພວກຕົວະ​ຕົ້ມຫຼອກ​ລວງທັງ­ຫຼາຍ ແຕ່​ກໍ​ຈົນ​ປັນ­ຍາ​ປະ­ກົດ​ເຫັນ​ເປັນຂ່າວ​ເລື້ອຍໆ​ເຊັ່ນ​ກັນ.</p> <p style="text-align: justify;"> ພວກ​ທີ່​ຕົກ​ເປັນ​ເຫຍື່ອ​ນັ້ນ​ຕ້ອງ​ຍອມ­ຮັບ​ວ່າ ຫວັງ​ຮັ່ງ­ມີ​ລ້ຳລວຍແບບ​ເຫື່ອ​ບໍ່​ອອກ ໃຈ­ງ່າຍ​ເກີນ​ໄປ ເຊັ່ນ​ວ່າ: ເຂົາ​ຕົວະວ່າ​ຜະ­ລິດເງິນ​ໄດ້ (ໂດຍ​ເຈ້ຍ​ທຳ​ມະ​ດາ) ກໍ​ເຊື່ອ ແລະ ລົງທຶນ​ໃຫ້ທັງໆ​ທີ່​ເຂົາເປັນ​ຄົນ​ຕ່າງ​ຊາດ​ຕ່າງ​ພາ­ສາ ເຂົາ​ຕົວະວ່າ​ຊິ​ໄປ​ຊື້​ເຄື່ອງ​ແຄ້ວ​ຂອງຄົງ​ຍິງ​ບໍ່​ອອກ ຟັນ​ບໍ່​ເຂົ້າ​ກໍ​ເຊື່ອອອກ​ເງິນ​ໃຫ້ ຮ້າຍ​ແຮງ​ກວ່າ​ນັ້ນແມ່ນ​ຄົນ​ມີ​ເງິນ​ເປັນ​ແສນເປັນ​ລ້ານ​ໂດ​ລາ​ກໍ​ຍັງ​ເຊື່ອ​ຄົນ​ຕ່າງ​ຊາດ​ເປ້​ບາ​ໂລ້​ມາ​ຕົວະໃຫ້​ໄປ​ລົງ­ທຶນ​ຄ້າ­ຂາຍ​ຢູ່​ຕ່າງ­ປະ­ເທດ.</p> <p style="text-align: justify;"> ສັງ​ລວມ​ແລ້ວ ພວກ​ທີ່​ຕົກ​ເປັນ​ເຫຍື່ອ​ນັ້ນ​ສ່ວນ​ຫຼາຍ​ແມ່ນມີ​ກິ­ເລດສູງ ໝາ­ຍວ່າ ຢາກ​ໄດ້​ຫຼາຍ​ກວ່າ​ຄວາມ​ເປັນ​ຈິງ ສະນັ້ນ ຈຶ່ງ​ຕົກ​ເປັນເຫຍື່ອ​ຂອງ​ພວກ​ຕົວະ​ຕົ້ມ​ຫຼອກ​ລວງ​ໄດ້​ຫຼາຍ.</p> <p style="text-align: justify;"> ຈາກ​ປະ­ກົດ​ການ​ນັ້ນ​ມັນ​ບົ່ງ​ບອກ​ໃຫ້​ພວກ​ເຮົາ​ຕ້ອງ​ມີ​ສະຕິລະ­ວັງຕົວ​ສູງ ແລະ ຈຳ­ແນກ​ມິດ​ສັດ­ຕູ​ໃຫ້​ໄດ້​ຢ່າງ​ຈະ­ແຈ້ງ.</p> <p style="text-align: justify;"> ໃນ​ຍຸກ​ກົນ​ໄກ​ຕະ­ຫຼາດ​ນີ້​ຕ້ອງ​ເຂົ້າ­ໃຈ​ວ່າ: “ແມ­ງວັນ​ຂຽວ”ມັນ​ເຂົ້າມາ​ຫຼາຍ​ແທ້ໆ ສະ­ນັ້ນ ການ​ເປັນ​ເຈົ້າ​ຕົນ​ເອງ​ຊອກ​ຮູ້ລະ­ບຽບ​ກົດ­ໝາຍ ທີ່​ມາ​ທີ່​ໄປ​ຂອງ​ຄົນ​ທີ່​ເຂົ້າ​ມາ​ທຳ​ຄວາມ​ລຶ້ງເຄີຍ​ກັບ​ເຮົາ​ຈຶ່ງຄ່ອຍ​ຕັດ­ສິນ​ໃຈ​ຮ່ວມ​ມື​ນຳ​ກັນ.</p> <p style="text-align: justify;"> ຢູ່​ຂົງ­ເຂດ​ສື່​ມວນ​ຊົນ​ພວກ​ເຮົາ​ນີ້ ບາງ­ເທື່ອ​ນັກ​ຂ່າວ ຫຼື ບັນນາ​ທິການ​ພວກ​ເຮົາ​ກໍ​ນຳ​ຫົວ​ເຂົາ​ບໍ່​ທັນ​ເຊັ່ນ​ກັນ ສະ­ແດງອອກ​ໃນ​ການອອກ​ຂ່າວ​ແບບ​ແກ້­ໜ້າ​ຂອງ​ກິດ­ຈະ­ການ​ໃດໜຶ່ງ​ທີ່​ບໍ່​ໄປ​ບໍ່​ມາ (ຢຸດຈຶ້ງ) ມາ​ຫຼາຍ​ປີ...? ເມື່ອ​ສັງ­ຄົມ​ໂຈດຂານ​ຂຶ້ນ​ມາ​ກໍ​ສະ­ແດງ​ດ້ວຍການ​ໃຫ້​ສຳ­ພາດ​ຂ່າວ​ເຖິງ​ຜົນ​ສຳເລັດ ຫຼື ການ​ໄດ້​ຮັບ​ລາ­ງວັນ​ໃດໜຶ່ງ​ຈາກ​ສາ­ກົນ​ຂອງ​ບໍ­ລິ­ສັດພວກ​ເຂົາ ນັກ​ຂ່າວ​ພວກ​ເຮົາ​ກຳ​ບໍ່​ໄດ້​ເລີຍ​ອອກ​ຂ່າວ​ແບບ​ບໍ່​ຮູ້ສຶກ​ຕົວ​ສ້າງ​ພາບ​ໃຫ້​ແກ່​ເຂົາ.</p> <p style="text-align: justify;"> ປະ­ກົດ​ການ​ນີ້​ຕ້ອງ​ຖື​ເປັນ​ບົດ­ຮຽນ​ໃຫຍ່ ບໍ່​ສະ­ເພາະ​ແຕ່​ບຸກຄົນ​ທໍ່ນັ້ນ ການ­ຈັດ­ຕັ້ງ​ກໍ​ຕ້ອງ​ມີ​ສະ­ຕິ ເພາະ­ວ່າ​ຜ່ານ​ມາ​ການຈັດ​ຕັ້ງ​ກໍ​ຖືກເຊັ່ນ​ກັນ ເປັນ­ຕົ້ນ ກໍ­ລະ­ນີ​ມາ​ເຊັນ​ສັນ­ຍາ​ສຳ​ປະທານ​ສ້າງ​ຕະ­ຫຼາດ ສ້າງ​ຫ້າງ​ສັບ­ພະ​ສິນ­ຄ້າ ຫຼື ຖະ­ໜົນ​ຫົນທາງ ແຕ່​ບາດ​ສຸດ​ທ້າຍ​ບໍ່​ມີເງິນ​ພຽງ­ພໍ.</p> <p style="text-align: justify;"> ພວກ​ເຮົາ​ຕ້ອງ​ທ່ອງ​ຄຳ​ສຸ­ພາ­ສິດ​ບູ­ຮານ​ໃຫ້​ດີ... ຢ່າ​ໄວ້­ໃຈທາງ ຢ່າວາງ­ໃຈ​ຄົນ ມັນ​ຈະ​ຈົນ​ໃຈ​ໂຕ​ເອງ...</p> <p style="text-align: right;"> <strong>ໂດຍ: ແນວ​ລາວ</strong></p>

ຂ່າວທີ່ກ່ຽວຂ້ອງ