ຄວາມ​ຮູ້​ຖ້ວມ​ຫົວ ເອົາ​ຕົວ​ບໍ່​ລອດ

3.527 16 ກ.ຍ. 2013 ນານາສາລະ

<p style="text-align: justify;"> ຖ້າ​ເວົ້າ​ວ່າ ຄວາມ​ຮູ້​ຖ້ວມ​ຫົວ ເອົາ​ຕົວ​ບໍ່​ລອດ ນີ້ ທ່ານ​ຜູ້​ອ່ານ​ຄົງ​ເຫັນ​ຕົວ­ຢ່າງ​ມາ​ພໍ​ສົມ­ຄວນ ເພາະ­ວ່າ​ຄົນຮຽນ​ເກັ່ງ​ຮຽນຈົບ​ສູງ​ມາ​ນັ້ນ​ ບໍ່​ໄດ້​ໝາຍ​ຄວາມ​ວ່າ​ບຸກ­ຄົນນັ້ນໆ​ຈະເຮັດ​ວຽກເກັ່ງ​ຕາມ​ທີ່​ຕົນ​ຮຽນ​ເກັ່ງ​ສະ­ເໝີ​ໄປ ກົງກັນ​ຂ້າມ​ ບາງ​ຄົນ​ຮຽນເກັ່ງ​ແຕ່​ຂາດ​ມະ­ນຸດ​ສຳ­ພັນ​ກໍ​ມີ ຫຼື ມີບາງ​ຄົນ​ຮຽນ​ເກັ່ງ​ໄດ້​ຄະ­ແນນ​ດີ​ແຕ່​ຜູ້​ດຽວ​ ແຕ່​ບໍ່​ມີ​ໝູ່​ເພື່ອນຄົບ​ຄ້າສະ­ມາ­ຄົມ​ນຳ ເພາະ­ວ່າ​ເວ­ລາ​ຮຽນ​ຄວາມ​ຮູ້​ຍັງ​ຂີ້​ຖີ່ ບໍ່ທໍ່​ນັ້ນ ​ຍັງ​ຢ້ານ​ໝູ່​ໄດ້​ລື່ນ​ຕົນ​ເອງອີກ.</p> <p style="text-align: justify;"> ພວກ​ເຮົາ​ຢ່າ​ລືມ​ວ່າ ​ມີ​ມາດ​ຕະ­ການ​ອັນ​ໜຶ່ງ​ທີ່​ເອົາ​ມາ​ວັດແທກ​ຄວາມ​ສະ­ຫຼາດ​ຂອງ​ຄົນ ມີ​ສອງ​ຢ່າງ​ນັ້ນ​ຄື: ( IQ ແລະEQ ) ພາ­ສາ​ລາວ​ເຮົາ​ເອີ້ນ​ວ່າ ຄວາມ​ສະ­ຫຼາດ​ທາງ​ປັນ­ຍາ ແລະ ອາ­ລົມ ບາງ​ຄົນ​ຮຽນ​ໄດ້​ຄະ­ແນນ​ດີ ແລະ ໄດ້​ຄະ­ແນນເຕັມ​ຫຼາຍ​ວິ­ຊາ ແຕ່​ມີ​ວິ­ຊາໜຶ່ງ​ໄດ້​ຄະ­ແນນ​ບໍ່​ເຕັມ​ຕາມ​ທີ່ຄາດ​ໄວ້ ເສຍ​ໃຈ​ຜູກ​ຄໍ​ຕາຍ​ກໍ​ມີ ໃນ​ກໍ­ລະ­ນີ​ນີ້​ສະ­ແດງ​ວ່າ ​ຜູ້ກ່ຽວ​ສະ­ຫຼາດ​ທາງ​ປັນ­ຍາ ​ແຕ່​ຂາດ​ອາ­ລົມ​ທີ່​ມາ​ຢຶດ​ໃຫ້​ມັນເກີດ​ຄວາມ​ສົມ​ດຸນ ຫຼື ຍັງ​ມີບາງ​ຄົນ​ອີກ ​ເຮັດ​ວຽກ​ເກັ່ງ​ແຕ່​ຜູ້ດຽວ ​ຈົນ​ຜູ້​ຢູ່​ກ້ອງ​ບັງ­ຄັບ​ບັນ­ຊາ​ເຮັດ​ນຳ​ບໍ່​ໄດ້ ຫຼື ໝູ່​ເພື່ອນໃນໜ່ວຍ​ງານ​ດຽວ​ກັນ​ບໍ່​ຢາກ​ຄົບ ຕໍ່​ບັນ­ຫາ​ນີ້​ຕ້ອງ​ໄດ້​ຖາມ​ວ່າ: ເປັນ​ຍ້ອນ​ຫຍັງ? ຫຼື ຜູ້­ກ່ຽວ​ຂາດ​ຄຸນ­ສົມ­ບັດ​ສິນ​ທຳ​ປະ­ຕິ­ວັດ ເວົ້າ​ເລື່ອງ​ຄົນ​ຮຽນ​ເກັ່ງ ຫຼື ຄົນ​ເຮັດ​ວຽກ​ເກັ່ງ​ນີ້​ ຕ້ອງກ່ຽວ­ຂ້ອງກັບ​ຄົນ​ດີ​ໄປ​ພ້ອມ​ກັນ ເພາະ​ຄວາມ​ຮູ້​ຕ້ອງ​ຄູ່​ກັບ​ຄຸນ​ນະ​ທຳ ຖ້າຄົນ​ເຮົາ​ເກັ່ງ​ຢ່າງດຽວ ​ໂດຍ​ປາ­ສະ­ຈາກ​ສິນ​ລະ​ທຳ ແລະ ຄຸນນະ​ທຳ ບາງ​ຄັ້ງ​ເຮັດ​ໃຫ້​ຄົນ​ເກັ່ງ​ຄົນ​ນັ້ນ​ເກັ່ງແບບ​ໂກງ ເຊິ່ງຄົນ​ເກັ່ງ​ແບບ​ໂກງ​ນີ້​ ແນ່­ນອນ​ສັງ­ຄົມ​ໃຜ​ກໍ​ບໍ່​ຕ້ອງ­ການ ເຄີຍ​ໄດ້ຍິນ​ພະ­ນັກ­ງານ​ອາ­ວຸ­ໂສ​ລຸ້ນ​ອ້າຍ​ເວົ້າ​ແບບ​ໃຫ້​ທັດ­ສະ­ນະວ່າ: ຄົນ​ເກັ່ງ​ຕ້ອງ​ແມ່ນ​ການ­ຈັດ­ຕັ້ງ​ຍອມ­ຮັບ ຄົນ​ເກັ່ງຕ້ອງແມ່ນ​ມະ­ຫາ­ຊົນ​ຍອມ­ຮັບ ຄົນ​ເກັ່ງ​ບໍ່​ແມ່ນ​ເຂົ້າ​ກະ­ທໍ​ຍໍ​ຕົນ​ເອງ ແຕ່​ວ່າທ່ານ​ຜູ້​ອ່ານ​ສັງ­ເກດ​ເບິ່ງ​ໃຫ້​ດີໆ​ກໍ​ອາດ​ຍັງ​ເຫັນ​ພວກ​ທີ່ເກັ່ງ​ແບບ​ເຂົ້າ​ກະ­ທໍ​ຍໍ​ຕົນ​ເອງ​ນີ້​ຫຼາຍ​ຢູ່.</p> <p style="text-align: justify;"> ໃນ​ສັງ­ຄົມ​ລາວ​ເຮົາ​ນີ້​ ມັກ​ຄົນ​ເກັ່ງ​ຄົນ​ສະ­ຫຼາດ ແຕ່​ບໍ່​ມັກແບບ​ສະ­ຫຼາດ​ແກມ​ໂກງ ເພາະອັນ­ຕະ­ລາຍ​ຫຼາຍ​ສຳ­ລັບ​ສ່ວນລວມ ບາງ​ຄັ້ງ​ອາດ​ເຮັດ​ໃຫ້​ໜ່ວຍ​ງານ​ເສຍ​ຫາຍ ດັ່ງ­ນັ້ນ ຖ້າເວົ້າ​ເລື່ອງ​ຄວາມ​ຮູ້​ຖ້ວມ​ຫົວ​ເອົາ​ຕົວ​ບໍ່​ລອດ ຫຼື ຄວາມ​ຮູ້​ຖ້ວມຕົວ​ເອົາ​ຫົວ​ບໍ່​ລອດ​ນີ້​ ຕ້ອງໄດ້​ໄຈ້​ແຍກ​ເບິ່ງ​ແຕ່​ລະ​ປະ­ເພດ​ໃຫ້ລະ­ອຽດ ເພາະ​ໃນ​ສັງ­ຄົມ​ລາວ​ເຮົາ​ກໍ​ມີ​ປະ­ກົດ​ການ​ທີ່ເວົ້າ​ມາຄື​ກັນ ເພາະ​ບາງ​ຄັ້ງ​ນາຍ​ປ່ອຍ​ໃຫ້​ເຮັດ​ວຽກ​ສະ­ແດງ​ສີ­ມື ຜົນປະ­ກົດ​ວ່າ​ເປັນ​ທີ່​ໜ້າພໍ­ໃຈ ແຕ່​ຜ່ານ​ໄປ​ສອງ​ສາມ​ງານ​ເຫັນວ່າ​ມີ​ພິ­ລຸດ ບາດ​ກວດ​ສອບ​ເບິ່ງ​ໃຫ້​ລະ­ອຽດ​ແລ້ວພົບ​ວ່າ​ ມີ​ຂໍ້ເສຍ​ຫາຍ​ທັງ​ໜ້າ​ວຽກ ແລະ ງົບ​ການ​ເງິນ ສຸດ​ທ້າຍ​ໜ່ວຍງານ​ທີ່​ຕົນ​ສັງ­ກັດ​ຢູ່ເຂົາ​ກໍ​ບໍ່​ໄດ້​ໄລ່​ອອກ­ດອກ​ ພຽງ​ແຕ່​ໃຫ້​ຢຸດພັກ​ວຽກ​ຊື່ໆ ບັນ­ຫາ​ທີ່​ເຮັດ​ໃຫ້​ຄົນ​ເຮົາ​ເພ​ນີ້​ມີຫຼາຍ​ແບບ ໂດຍສ່ວນ​ໃຫຍ່​ກໍ​ແມ່ນ​ກະ­ແສ​ຄ່າ​ນິ­ຍົມ​ຂອງ​ສັງ­ຄົມ​ມາ​ແຮງ ເພາະເຫັນ​ຄົນອ້ອມ​ຂ້າງ​ມີ ​ຕົນ​ເອງ​ກໍ​ຢາກ​ມີ​ຄື​ເຂົາ ເອົາ​ເປັນ​ວ່າ ​ບູຮານ​ສອນ​ໄວ້​ນັ້ນ​ຖືກ​ແລ້ວ ເຫັນ​ຊ້າງຂີ້​ຢ່າ​ຂີ້​ຕາມ​ຊ້າງ ເພາະວ່າ​ຊ້າງ​ໂຕ​ໃຫຍ່ ພາ­ສິດ​ນີ້​ສອນ​ໃຫ້​ຊັ່ງ­ຊາ​ກຳ­ລັງ​ຕົນ​ເອງ ຄື: ບໍ່​ເຮັດ​ເກີນ​ກຳ­ລັງ​ທີ່​ຕົນ​ມີ​ຢູ່ ເພາະ​ຖ້າ​ເຮົາ​ບໍ່​ເຊື່ອ​ພໍ່​ແມ່​ບັນ​ພະບູ​ລຸດ​ແລ້ວ ເຮົາ​ກໍ​ກາຍ­ເປັນຄົນ​ຫຼົງ​ໂຕ​ເອງ​ຈົນ​ບໍ່​ຮູ້​ຫົວ­ນອນປາຍ​ຕີນ.</p> <p style="text-align: justify;"> ມີ​ຄຳ​ພັງ​ເພີຍ​ເວົ້າ​ໃຫ້​ໜ້າ​ຄິດ​ວ່າ: ຢາກ​ມີ​ຫຼາຍ​ໄຂ້ ຢາກ​ໄດ້ຫຼາຍ​ຕາຍ ເຖິງ​ແມ່ນ​ວ່າ​ທຸກຄົນ​ຈະ​ມີ​ກິ­ເລດ​ຕັນ­ຫາ​ເປັນ​ໂຕຜັກ​ດັນ​ໃຫ້​ພັດ­ທະ­ນາ​ຕົນ​ເອງ ເຮົາ​ຈະ​ຕ້ອງ​ແລ່ນ​ຕາມເຫຍື່ອ ຈົນ​ບາງ​ຄັ້ງ​ແລ່ນ​ຈົນ​ຫົວ​ຂິດ​ຫົວ​ຂວ້ຳ​ ຂາ​ຫັກ​ແຂ່ງ​ແຕກ ​ຍັງ​ບໍ່ໄດ້​ຄື​ເຂົາ ດັ່ງ­ນັ້ນ ເລື່ອງ​ຄວາມ​ຮູ້​ຖ້ວມ​ຫົວ​ເອົາ​ຕົວ​ບໍ່​ລອດ ​ຈຶ່ງເປັນ​ນິ­ທານ​ສອນ​ເຮົາ​ໄດ້​ດີ​ວ່າ: ຖ້າ​ເຮົາ​ເຮັດສິ່ງ​ໃດ​ບໍ່​ມີ​ຄວາມຫຼົງ​ມົວ­ເມົາ​ມາ​ຄອບ​ງຳ​ແນວ​ຄິດ​ຈິດ­ໃຈ​ແລ້ວ ຜູ້​ນັ້ນ​ຄົງ​ໄດ້​ຊື່ວ່າ​ ເປັນ​ຜູ້​ມີສະ­ຕິ​ຮູ້​ໂຕ​ຢູ່​ສະ­ເໝີ ແຕ່​ຖ້າ​ເມື່ອ​ໃດ​ກໍ​ຕາມ ​ຖ້າຄວາມ​ຫຼົງ​ເຂົ້າ​ຄອບ​ງຳ​ແລ້ວ​ ສັງ­ຄົມ​ເຂົາຈະ​ເອີ້ນ​ວ່າ ຄົນ​ລືມຕົວ ງົວ​ລືມ​ຕີນ !.</p> <p style="text-align: right;"> <strong>ໂດຍ: ດັ້ນ​ກີບ​ເມກ</strong></p>

ຂ່າວທີ່ກ່ຽວຂ້ອງ