ຂ່າວຫຼ້າສຸດ

ຄຳ​ວ່າ “ ທຸ­ລະ​ກິດ​ຄົບ​ວົງ​ຈອນ ” ໃສ່​ເພື່ອ​ເປົ້າ​ໝາຍ ຫຼື ເພື່ອ​ນຳ​ກະ­ແສ​ການ​ຕະ­ຫຼາດ

2.433 09 ກ.ຍ. 2013 ນານາສາລະ

<p style="text-align: justify;"> ໃນ​ໄລ­ຍະ​ສູ່​ມື້­ນີ້ ເສດ­ຖະ­ກິດ​ຕະ­ຫຼາດ​ພວມ​ມີ​ການ​ເຕີບ​ໃຫຍ່ຂະ­ຫຍາຍ­ຕົວຕາມ​ກົດ­ເກນ ເຊິ່ງ​ໃນ​ນັ້ນ​ມີ​ທັງ​ການ​ແກ່ງ​ແຍ່ງແຂ່ງ­ຂັນ​ກັນ​ຢ່າງ​ເສລີ ແຕ່​ພາຍ​ໃຕ້​ກົດ­ໝາຍ-​ລະ­ບຽບບ້ານ-​ເມືອງ​ຕາມ​ແນວ­ທາງ​ປ່ຽນ­ແປງ​ໃໝ່​ທີ່​ພັກ​ວາງ​ອອກ ດັ່ງນັ້ນ ບັນ­ດາ​ຜູ້​ປະ­ກອບ​ການທີ່​ເຮັດ​ວຽກ​ງານ​ການ​ຜະ­ລິດ​ທຸ­ລະກິດ ແລະ ບໍ­ລິ­ການຕ່າງ​ກໍ​ໃຊ້​ກົນ­ລະ­ຍຸດ​ທາງ​ການ​ຕະ­ຫຼາດຕ່າງໆ​ອອກ​ມາ​ນຳ​ໃຊ້ ເພື່ອ​ສ້າງ​ກະ­ແສ​ໃນ​ການ​ຍາດ​ເອົາ​ທ່າດີ​ຂອງ​ສ່ວນ​ແບ່ງ​ການຕະ­ຫຼາດ​ມາ​ໃສ່​ຕົນ ໃນ​ນັ້ນ ມີ​ທັງ​ການໂຄ­ສະ­ນາ​ບົດ­ບາດ​ຊື່​ສຽງ​ຂອບ​ເຂດ​ການ​ບໍ­ລິ­ຫານຂອງ​ບໍ​ລິສັດ​ຕົນ ບາງ​ກໍ​ໂຄ­ສະ­ນາ​ຜົນ​ຜະ­ລິດ ຄຸນ​ນະ​ພາບ​ສິນ­ຄ້າ ແລະບໍ­ລິ­ການ ໂດຍ​ຖືເອົາ​ວິ­ທີ​ການ​ກະ​ຕຸ້ນ ເປັນ­ຕົ້ນ ການ​ຫຼຸດ​ແລກແຈກແຖມດ້ວຍ​ການ​ຜ່ານ​ສື່ ເຊັ່ນ: ແຜ່ນພັບ ໃບ​ຂ່າວ ໜ້າໜັງ­ສື­ພິມ ວິ­ທະ­ຍຸ​ກະ­ຈາຍ­ສຽງ ແລະ ໂທລະ­ພາບ ຫຼື ອື່ນໆ.</p> <p style="text-align: justify;"> ຜ່ານ​ການ​ດຳ­ເນີນ​ກິດ­ຈະ­ການ​ທາງ​ທຸ­ລະ​ກິດ​ໃນ​ໄລ­ຍະຜ່ານ​ມາ ໄດ້​ເຫັນ​ວ່າ​ຜູ້​ປະ­ກອບການ​ຈຳ­ນວນ​ໜຶ່ງ​ໄດ້​ໃຊ້​ໄມ້ງັດ​ທາງ​ການ​ຕະ­ຫຼາດ​ດ້ວຍ​ຫຼາຍ​ວິ­ທີ​ການ ເປັນ­ຕົ້ນ: ຄຸນ​ນະພາບ​ຕົວ​ຈິງ ບົດ­ຮຽນ ວິ­ທີ​ການ ແລະ ປະ­ສົບ​ການ​ຕ່າງໆຂອງ​ຕົນ​ອອກ​ມາ​ໃຊ້ ເພື່ອເຮັດ​ແນວ­ໃດ​ໃຫ້​ບໍ­ລິ­ສັດ-ຫ້າງ​ຮ້ານຂອງ​ຕົນ​ກາຍ­ເປັນ​ເຈົ້າ​ການ​ໃນ​ການ​ຍາດ​ແຍ່ງ​ເອົາສ່ວນແບ່ງ​ທາງ​ການ​ຕະ­ຫຼາດ​ໃຫ້​ໄດ້​ຫຼາຍ ແລະ ນຳ​ເອົາ​ຜົນ​ສຳເລັດ​ມາ­ສູ່​ບໍ­ລິ­ສັດ-ຫ້າງຮ້ານ​ຂອງ​ຕົນ ກາຍ­ເປັນ​ຜົນ​ດີ​ມາ­ສູ່​ຜູ້ປະ­ກອບ​ການ ພະ­ນັກ­ງານ ກຳ­ມະ­ກອນ ແລະ ປະ­ເທດ​ຊາດບ້ານ​ເມືອງ​ອີກ.</p> <p style="text-align: justify;"> ແຕ່​ໃນ​ຂະ­ນະ​ດຽວ​ກັນ ກໍ​ມີ​ບາງ​ຜູ້​ປະ­ກອບ​ການ​ຍັງ​ຢູ່​ຫ່າງໄກ​ຈາກ​ການ​ເຮັດ​ແທ້​ທຳ​ຈິງ ໂດຍ​ຖື​ເອົາ​ການ​ສ້າງ​ພາບສ້າງກະ­ແສ ຖື​ເອົາ​ການ​ໂຄ­ສະ­ນາ​ເປັນ​ຈຸດ​ໜັກ ອັນ​ໃດ​ກໍ​ໃຫຍ່ ອັນໃດ​ກໍ​ວ່າ​ຕົນ​ເຮັດ​ດີ­ເລີດ ເຮັດ​ຄົບ​ວົງ​ຈອນ ສ້າງ​ບໍ­ລິ­ສັດ​ຂຶ້ນ​ມາໃສ່​ຊື່ ແລະ ໃສ່​ຄຳ​ວ່າ​ຄົບ​ວົງ​ຈອນ​ນຳ​ໂລດ ຖ້າ​ຂາດ​ຄຳ​ວ່າຄົບ​ວົງ​ຈອນ ກໍ​ຄ້າຍ​ກັບ​ວ່າ​ກາຍ­ເປັນ​ຄົນ​ຕົກ​ຍຸກ​ໄປ ເຊິ່ງ​ບັນຫາ​ດັ່ງ­ກ່າວ​ໄດ້​ເກີດ​ມີ​ການ​ຊຸບ​ຊິບ​ນິນ­ທາ​ກັນ​ໜາ​ຫູ ເຖິງຄວາມ​ຊອບ​ມາ​ພາ​ກົນຂອງ​ຄຳ​ວ່າ​ຄົບ​ວົງ​ຈອນ ແລະ ເປັນວົງ​ຈອນ​ແນວ­ໃດ ບໍ­ລິ­ສັດ​ໃຫຍ່ໆ​ທີ່​ຜະ­ລິດ​ໂທລະ­ສັບຍີ່­ຫໍ້​ດັງສະ­ທ້ານ​ໂລກ​ຈົນ​ຄົນ​ຫຼົງ­ໄຫຼ ບໍ­ລິ­ສັດ​ຜະ­ລິດ​ລົດ​ໂອ​ໂຕ​ຍີ່­ຫໍ້​ມີ​ຊື່ສຽງ ຂາຍ​ດິບ​ຂາຍ​ດີ ຂາຍ​ຈົນ​ມີ​ຊື່​ສຽງ​ເປັນ​ມະ­ຫາ​ເສດ­ຖີ ຫຼືເສດ­ຖີ​ທຸ­ລະ​ກິດ​ຜູ້​ອື່ນໆ​ກໍ​ບໍ່​ໂຄ­ສະ­ນາ​ຕົນ​ເອງ​ວ່າ​ຄົບ​ວົງ​ຈອນປະ­ການ​ໃດ ແຕ່​ພວກ​ເຂົາ​ກໍ​ລວຍ​ກັນ​ຢ່າງ​ມະ­ຫາ­ສານ​ບໍ່​ມີ​ຜູ້ທຽບ ແຕ່​ເມື່ອມາ​ເບິ່ງ​ການ​ໂຄ­ສະ­ນາ​ຕົນ​ເອງ ຍ້ອງ­ຍໍ​ຄຸນ​ນະພາບ ແລະ ບໍ­ລິ­ການ​ຕົນ​ເອງ​ເກີນ​ໄປ ແຕ່ຊ້ຳ­ພັດ​ວຽກ​ງານ​ກໍເປັນ​ໄປ​ອີກ​ຈັ່ງ​ໜຶ່ງ ອືດ​ອາດ​ບໍ່​ຄ່ອງ​ຕົວ ກ້າວ​ໄປ​ຮອດ​ຢຸດ​ສະງັກ​ກໍ​ຫຼາຍ ເຮັດ​ໂຄງ­ການ​ໃດ​ມີ​ແຕ່​ຄາ​ອ່າງ​ຍ່າງ ຫຼື ຂາດ​ຄຸນນະ​ພາບ ເຖິງ​ຂັ້ນ​ປະ­ຊາ­ຊົນ​ຂີນ​ຫູ​ຂີນ​ຕາແລ້ວ​ຖາມ​ຫາ ເຊິ່ງທັງ​ໝົດ​ເປັນ​ການ​ສ້າງ​ຄວາມ​ອ່ອນ­ແອ​ແກ່​ພາບ​ພົດ​ວົງ​ການຂອງ​ວິ­ຊາຊີບ ຕົວ­ຢ່າງ​ສະ­ໄໝ​ທີ່​ເຮົາ​ເຈົ້າ​ຂ້ອຍ​ໂດຍ­ສານ​ທາງລົດ “ເຫີ່” ນຳ​ກະ­ແສ​ລົດ “ວີ​ໄອ​ພີ” ເຊິ່ງ​ໃນ​ໄລ­ຍະ​ນັ້ນ​ປະ­ກົດວ່າ ລົດ​ຄັນ​ໃດ​ອ່າວ​ຄື​ກໍ​ພາ­ກັນ​ໃສ່​ຊື່​ລົດ ວີ​ໄອ​ພີ​ໄປ​ໝົດ ແຕ່ບາດ​ແລ່ນ​ຕົວ​ຈິງ​ລົດ​ຕາຍ-​ລົດ​ເພ​ແປງ​ໄປ​ຈົນ​ສຸດ​ທາງ​ພາໃຫ້​ຊັກ​ຊ້າ​ກໍ​ຫຼາຍ ຕໍ່​ມາ​ກະ­ແສ ວີ​ໄອ​ພີ​ໝົດ​ໄປ​ຍ້ອນ​ຜູ້​ໂດຍສານ​ເຫັນ​ວ່າແມ່ນ​ກະ­ແສ​ການ​ໂຄ­ສະ­ນາ​ທາງ​ການ​ຕະ­ຫຼາດ</p> <p style="text-align: justify;"> ຂີ່​ຄັນ​ໃດ​ກໍ​ໄດ້​ທະ­ແນມ­ແຕ່​ຮອດ​ໄວ ປອດ​ໄພ ສະ­ບາຍ​ໃຈ ດັ່ງນັ້ນ ຈະ​ໃສ່ ຫຼື ບໍ່​ໃສ່ ຜູ້­ໂດຍ­ສານ​ຈະ​ເອົາ​ສາຍ­ຕາ​ຕັດ­ສິນ​ໃຈເບິ່ງ​ລົດ​ເອົາ​ເອງ ແຕ່​ເລື່ອງ​ຄຳ​ວ່າ​ຄົບ​ວົງ​ຈອນ ຫຼື ບໍ່ຄົບ​ວົງຈອນ​ປະ­ການ​ໃດ ກໍ​ຄື​ຈະ​ແມ່ນ​ລູກ​ຄ້າ ຫຼື ຜູ້​ຊົມ­ໃຊ້​ເລືອກ​ເອງຫຼື ບໍ່​ກໍ​ປ່ອຍ​ໃຫ້​ເວ­ລາເປັນ​ເຄື່ອງ​ພິ­ສູດ ແຕ່​ວິ­ທີ​ນີ້​ອາດ​ຈະ​ບໍ່ສອດ­ຄ່ອງ​ເທົ່າ​ທີ່​ຄວນ ເພາະ​ປ່ອຍ​ໃຫ້​ຜູ້​ບໍ­ລິ­ໂພກ ຫຼື ຜູ້​ຊົມ­ໃຊ້ໄດ້​ເສຍ​ປະ­ໂຫຍດ ດີ​ແທ້​ອົງ­ການ​ວິ­ຊາ​ຊີບ​ທີ່​ມີ​ສ່ວນ​ກ່ຽວ­ຂ້ອງກັບ​ສິນ­ຄ້າ ແລະ ບໍ­ລິ­ການ ຕ້ອງ​ມີ​ບັນ­ທັດ­ຖານ​ວ່າ: ຄົບ​ວົງຈອນ​ດ້ານ​ວິ­ຊາ​ຊີບ​ນີ້​ປະ­ກອບ​ດ້ວຍ​ຫຍັງ​ແດ່ ລົດ​ວີ​ໄອ​ພີ ຈະປະ­ກອບ​ມີ​ຈັກ​ເງື່ອນ­ໄຂ ຫຼື ອື່ນໆ ກໍ​ຕ້ອງ​ໃຫ້​ມີ​ມາດ­ຖານ​ລະອຽດ ຫຼື ຖ້າ​ມີການ​ເຮັດ​ການ​ຕະ­ຫຼາດ​ແບບ​ໂຄ­ສະ­ນາ​ທີ່​ວ່າ​ມານີ້​ຂອງ​ວິ­ຊາ​ຊີບ​ອື່ນ​ກໍ​ຄວນ​ລະ­ວັງ ກົງ­ກັນ­ຂ້າມ​ເມື່ອ​ຄຸນ​ນະພາບ​ບໍ່​ກົງ​ກັບ​ການ​ໂຄ­ສະ­ນາ ຄື​ເຮັດ​ບໍ່​ໄດ້​ກໍ​ເປັນ​ການ​ຕົວະ​ຕົ້ມຫຼອກລວງ​ຜູ້​ບໍ­ລິ­ໂພກ ເຊິ່ງ​ຖື​ວ່າ​ມີ​ຄວາມ​ຜິດ​ທາງ​ອາ­ຍາ​ໄດ້ເໝືອນ​ກັນ.</p> <p style="text-align: justify;"> ດັ່ງ­ນັ້ນ ໃນ​ການ​ໂຄ­ສະ­ນາ​ສິນ­ຄ້າ ແລະ ບໍ­ລິ­ການ​ຂອງ​ຕົນຕ້ອງ​ຄິດ​ໃຫ້​ຄັກ ຕ້ອງ​ຄຳ­ນຶງເຖິງ​ຜົນ​ກະ­ທົບ​ຕໍ່​ຜູ້​ອື່ນ ໃນ­ຕໍ່­ໜ້າກໍ​ບໍ່​ແນ່​ວ່າ​ເມື່ອ​ຄຳ​ໂຄ­ສະ­ນາ​ບໍ່​ສອດ­ຄ່ອງ​ກັບ​ຄຸນ​ນະພາບ​ສິນຄ້າ ມີ​ຜົນ​ກະ­ທົບ​ເສຍ​ຫາຍ​ຕໍ່​ຜູ້​ຊົມໃຊ້ ຫຼື ໂຄ­ສະ­ນາ​ແບບ​ເໜືອເມກ ອາດ​ຈະຖືກ​ຮ້ອງ​ຟ້ອງ​ກໍ​ໄດ້ ເພາະ​ກົດ­ໝາຍ​ປົກ​ປ້ອງ​ຜູ້​ບໍລິ​ໂພກ​ມີ​ແລ້ວ ຜູ້​ໃດ​ຫາກ​ຮູ້­ສຶກ​ວ່າ​ໂຄ­ສະ­ນາ​ຂ້ອນ​ຂ້າງ​ເພີດເພີນ ຍົກ​ຄຸນ​ນະ​ພາບ​ເໜືອ​ຄວາມ​ຈິງ​ກໍ​ຄວນ​ຢຸດ­ຕິ​ໄດ້​ແລ້ວ ບໍ່ຄວນຄິດ​ຢາກ​ລອງ ຖ້າ​ມີ​ການ​ກ່າວ​ຟ້ອງ​ຂຶ້ນ​ສານ ເມື່ອ​ຜູ້​ຊົມໃຊ້​ໄດ້​ຮັບ​ຜົນ​ເສຍ​ຫາຍ​ແລ້ວ ເວ­ລາ​ນັ້ນ​ສິ່ງ​ທີ່​ໂຄ­ສະ­ນາ​ນັ້ນ​ລະຈະ​ເປັນ​ຂອງ​ກາງ​ມັດ​ຕົນ​ເອງ​ຢ່າງ​ບໍ່​ຮູ້­ສຶກ​ຕົວ​ໃນ​ຖານ​ຫຼອກລວງ​ກໍ​ໄດ້ທ່ານ​ເອີຍ.</p> <p style="text-align: right;"> <strong>ໂດຍ: ດອກ​ຊ້ອນ​ດອນ​ໂຂງ</strong></p>

ຂ່າວທີ່ກ່ຽວຂ້ອງ