ການ​ສຶກ​ສາ​ຕ້ອງ​ຊ່ວຍ​ກັນ

2.040 03 ກ.ຍ. 2013 ນານາສາລະ

<p style="text-align: justify;"> ຖ້າ​ໃຫ້​ເວົ້າ​ເລື່ອງ​ການ​ສຶກ​ສາ​ຢູ່​ໃນ​ສະ­ພາບ ແລະ ເງື່ອນ­ໄຂ​ປັດ­ຈຸ­ບັນ​ນີ້ ແມ່ນ​ມີ​ການ​ປ່ຽນ­ແປງ​ໄປ​ໃນ​ທາງ​ທີ່​ດີ​ຂຶ້ນ​ດ້ານ​ຄຸນ​ນະ​ພາບ ໂດຍ​ອີງໃສ່​ແຜນ​ປະ­ຕິ​ຮູບ​ການ​ສຶກສາ ພ້ອມ​ດ້ວຍ​ແຜນ​ຍຸດ​ທະ​ສາດການ​ພັດ­ທະ­ນາ​ການ​ສຶກ​ສາ​ຂອງ​ກະ­ຊວງ​ສຶກ​ສາ​ທິການ ແລະ ກີ­ລາ​ວາງ​ອອກ​ມາ​ນັ້ນ ຄົງ​ຍອມ­ຮັບ​ນຳ​ກັນ​ວ່າ ​ສັງ­ຄົມຕ້ອງ­ການ​ບຸກ​ຄະ­ລາ​ກອນ​ທີ່​ມີ​ຄຸນ​ນະ​ພາບ​ຫຼາຍ​ຂຶ້ນ ເວ­ລາ​ນີ້ຢູ່​ໃນ​ໄລ­ຍະ​ທີ່​ກຳ­ລັງ​ຈະ​ເປີດ​ພາກ­ຮຽນ​ໃໝ່ ຫຼາຍ​ສະ​ຖາ​ບັນການ​ສຶກ​ສາ​ແມ່ນ​ໄດ້​ກະ­ກຽມ​ຄວາມ​ພ້ອມ​ໃນ​ການ​ເປີດ​ການຮຽນ-ການ​ສອນ ໂດຍ​ມີ​ການ​ຈັດ​ກອງ​ປະ­ຊຸມ ທັງ​ປຶກ­ສາ​ຫາລື ແລະ ຟັງ​ການ​ບັນ­ຍາຍ​ອະ­ທິ­ບາຍ​ບັນ­ດາ​ເອ­ກະ­ສານ​ຍຸດທະ​ສາດ​ສຳ­ຄັນ​ຂອງ​ກະ­ຊວງ​ສຶກ​ສາ​ທິ​ການ ແລະ ກີ­ລາ ເຊັ່ນ: ເອ­ກະ­ສານ 4 ບຸກ​ທະ­ລຸ​ຂອງ​ຂະ­ແໜງ­ການ​ສຶກ​ສາ ແລະ ກີ­ລາ ເອ­ກະ­ສານ 3 ຂໍ້​ແຂ່ງ­ຂັນ​ຂອງ​ຂະ­ແໜງ​ສຶກ​ສາ ແລະ ທີ່​ຂາດ​ບໍ່​ໄດ້​ຍັງ​ມີ​ເອ­ກະ­ສານ 3 ລັກ­ສະ­ນະ ແລະ 5 ຫຼັກ​ມູນ​ຂອງ​ການ​ສຶກ​ສາ​ລາວ ພ້ອມ​ດ້ວຍ​ມະ­ຕິ​ຄຳ​ສັ່ງ​ແນະນຳຈາກ​ກະ­ຊວງ​ສຶກ​ສາ​ທິ​ການ ແລະ ກີ­ລາ​ຕື່ມ​ອີກ​ຈຳ­ນວນໜຶ່ງ ທັງ​ໝົດ​ນັ້ນ​ແມ່ນ​ເນັ້ນໃຫ້​ທຸກໆ​ສະ​ຖາ​ບັນ​ການ​ສຶກ​ສາທັງ​ພາກ​ລັດ ແລະ ເອ­ກະ​ຊົນ ​ຕ້ອງ​ໃຫ້​ເອົາ­ໃຈ­ໃສ່​ຕໍ່ແຜນຍຸດທະ​ສາດ​ການ​ພັດ­ທະ­ນາ​ການ​ສຶກ​ສາ ເພື່ອ​ເຮັດ​ໃຫ້​ຄຸນ​ນະພາບ​ຂອງ​ການສຶກ​ສາ​ລາວ ​ບັນ­ລຸ​ຕາມ​ແຜນ­ທີ່​ກຳ­ນົດ​ໄວ້ ແລະ ໃຫ້​ຄຸນ​ນະ​ພາບ​ຂອງ​ການ​ສຶກ​ສາລາວ ​ໃກ້​ຄຽງ​ກັບພາກ​ພື້ນ ແລະ ສາ­ກົນ.</p> <p style="text-align: justify;"> ຖ້າ​ພວກ​ເຮົາ​ເບິ່ງ​ສະ­ພາບ ແລະ ຕີ​ລາ­ຄາ​ລວມ ​ທັງ​ອີງ­ໃສ່ເງື່ອນ­ໄຂ​ແວດ​ລ້ອມ​ສາ­ກົນ​ຈຶ່ງ​ຮູ້​ໄດ້​ວ່າ: ທຸກ​ຝ່າຍ​ທີ່​ກ່ຽວ­ຂ້ອງກັບ​ການ​ສຶກ​ສາ​ທັງ​ພາກ​ລັດ ແລະ ເອ­ກະ​ຊົນລວມ​ທັງ​ພໍ່​ແມ່ຜູ້​ປົກ­ຄອງ​ຕ້ອງ​ໄດ້​ຊ້ວນ​ຊ່ວຍ​ກັນ ເຊິ່ງ​ໃນ​ນີ້​ສັງ­ຄົມ​ກໍ​ຕ້ອງ​ໄດ້ເຂົ້າ­ໃຈ​ເລິກ ແລະ ເຫັນ​ຄວາມ​ສຳ­ຄັນ​ຂອງ​ການ​ສຶກ​ສາ ເພາະ­ວ່າ​ມັນ​ເປັນ​ການ​ພັດ­ທະ­ນາ​ມະ­ນຸດ​ໃຫ້​ດີ​ຂຶ້ນ ທັງ​ມັນ​ສະໝອງ ແລະ ສຸ­ຂະ­ພາບ​ຮ່າງ­ກາຍ ບາດ­ນີ້​ຕໍ່​ຜູ້​ທີ່ເປັນ​ຄູ-ອາຈານ ແລະ ສະ​ຖາ​ບັນ​ການ​ສຶກ​ສາ​ທັງ​ພາກ​ລັດ ແລະ ເອ­ກະ​ຊົນ ຕ້ອງ​ໄດ້ອອກ­ແຮງ​ແຂ່ງ­ຂັນເພີ່ມ​ເຕີມ ​ເອົາ­ໃຈ­ໃສ່​ຮ່ຳ­ຮຽນເອ­ກະ­ສານ​ມະ­ຕິ​ຄຳ​ສັ່ງ​ແນະ­ນຳຈາກ​ກະ­ຊວງ​ສຶກ​ສາ​ທິ​ການ ແລະ ກີ­ລາ ໃຫ້​ເຂົ້າ­ໃຈ​ທຸກ​ຂອດ​ທຸກ​ບັນ­ຫາ ເພື່ອ​ໃຫ້­ການ​ສຶກສາ ຫຼື ສະ​ຖາ​ບັນ​ການ​ສຶກ​ສາ ­ມີ​ຄວາມ​ພ້ອມ​ໃນ​ເງື່ອນ­ໄຂ ແລະ ລະ­ບຽບການ​ທີ່​ກະ­ຊວງ​ສຶກ​ສາ​ໄດ້​ວາງ​ອອກ ດັ່ງ​ທີ່​ທ່ານຜູ້​ທີ່​ມີ­ໜ້າ​ທີ່​ກ່ຽວ­ຂ້ອງ​ໄດ້​ຕິດ­ຕາມ ແລະ ຮັບ​ຮູ້​ນຳ​ກັນ​ແລ້ວ​ວ່າ ທາງ​ກະ­ຊວງ​ສຶກ​ສາ​ທິ​ການ ແລະ ກີ­ລາ ຫຼື ຄະ­ນະ​ປະ­ຕິຮູບການ​ສຶກ​ສາ​ແຫ່ງ​ຊາດ ໄດ້​ເປີດ​ທັງ​ໄຟ​ຂຽວ ແລະ ໄຟ​ແດງ​ໃຫ້ສະ​ຖາ​ບັນ​ການ​ສຶກສາ​ແຕ່​ລະ​ແຫ່ງ​ ຕ້ອງ​ໄດ້​ປະ­ຕິ­ບັດ​ຄຳ​ສັ່ງໂຈະ​ການ​ເປີດ​ຮັບ​ນັກ​ສຶກ​ສາ​ລະ­ດັບ​ປະ­ລິນ­ຍາ​ຕີ ເພື່ອ​ລໍ​ຟັງການ​ປະ​ເມີນ​ຜົນ​ເບິ່ງ​ຄຸນ​ນະ​ພາບ​ຈາກ​ພາກ­ສ່ວນ​ທີ່​ກ່ຽວ­ຂ້ອງ ແລະ ໃນ​ນີ້​ແມ່ນ​ກວມ​ໄປ​ເຖິງ​ໂຮງ­ຮຽນ​ເອ­ກະ​ຊົນ ​ຕ້ອງ​ໄດ້​ເບິ່ງຄືນ​ມາດ­ຕະ­ຖານຂອງ​ໂຮງ­ຮຽນ ​ວ່າ​ມີ​ຄວາມ​ພ້ອມ ແລະ ໄດ້ມາດ­ຕະ­ຖານ ສາ­ມາດ​ຮັບ­ຮອງ​ນັກ­ຮຽນໄດ້​ຕາມແຜນ​ປະ­ຕິຮູບ​ການ​ສຶກ​ສາ​ໄດ້​ຄົບ​ຖ້ວນ ຫຼື ບໍ່ ?.</p> <p style="text-align: justify;"> ໂດຍ​ຄວາມ​ຈິງ​ຖ້າ​ເວົ້າ​ເຖິງ​ໂຮງ­ຮຽນ ນອກ­ຈາກ​ມີ​ຕຶກ​ອາຄານ​ຮຽນ​ສະ­ດວກ​ສະ­ບາຍແລ້ວ ທັງ​ນີ້​ຕ້ອງ​ເຂົ້າ­ໃຈ 5 ຫຼັກມູນ​ຂອງ​ການ​ສຶກ​ສາ​ລາວ​ນຳ​ກັນ ຄື ຫຼັກ​ມູນ​ທີ 4 ແມ່ນ​ພາລະ​ສຶກ​ສາ ຕໍ່​ບັນ­ຫາ​ນີ້​ຄົງ​ບໍ່​ຈຳ­ເປັນ​ຕ້ອງ​ອະ­ທິ­ບາຍ ຂໍ​ພຽງ​ແຕ່ໃຫ້​ພາກ­ສ່ວນ​ກ່ຽວ­ຂ້ອງ​ສຶກ​ສາ​ເບິ່ງ​ນຳ​ກັນ ແລະ ກໍ​ຕ້ອງ​ໄດ້ເຫັນ​ຄວາມ​ສຳ­ຄັນ​ດ້ວຍ​ກັນ ຖ້າ​ບໍ່ດັ່ງ​ນັ້ນ­ແລ້ວ ​ມັນ​ກໍ​ຈະ​ຍັງເປັນ​ບັນ­ຫາ​ທາງ​ດ້ານ​ການ​ສຶກ​ສາ​ຢູ່ ເພາະ­ວ່າ​ຖ້າ​ສະ​ຖາບັນການ​ສຶກ​ສາ​ແຕ່​ລະ​ແຫ່ງ​ແມ່ນ​ສ້າງ​ພໍ​ໃຜ​ພໍ​ລາວ ແລະ ສ້າງຕາມ​ກະ­ແສ​ຄ່າ​ນິ­ຍົມ ​ຕົວ­ຢ່າງ​ວ່າ: ທີ່​ຕັ້ງ​ຂອງ​ໂຮງຮຽນ ເດີ່ນ​ຄັບ­ແຄບ​ບໍ່​ເໝາະ​ສົມ ແຕ່​ມີ​ຊັ້ນ​ຮຽນ​ຫຼາຍແທ້ໆ ນັບ​ແຕ່​ປະ­ຖົມ​ຈົນ​ເຖິງ​ມັດ­ທະ­ຍົມ​ປາຍ ຢູ່​ນະ­ຄອນ­ຫຼວງ​ນີ້ ຕາມ​ການ​ສ່ອງແສງ​ແມ່ນ​ໂຮງ­ຮຽນ​ວຽງ​ສະ­ຫວັນ ທາງ​ເຂົ້າຮ່ອມ​ດຽວ​ກັບ​ຄະ­ນະ​ໂຄ­ສະ­ນາ​ອົບ­ຮົມສູນ​ກາງ​ພັກ ​ຢູ່​ບ້ານໜອງ​ບອນ ນັ້ນ​ຄວນ​ໄດ້​ເບິ່ງ​ຄືນ​ວ່າ​ເໝາະ​ສົມ ຫຼື ບໍ່ ? ບໍ່​ທໍ່​ນັ້ນການ­ຈັດ­ຕັ້ງ​ປະ­ຕິ­ບັດ​ນິ­ຕິ​ກຳ​ຕ່າງໆ​ຍັງ​ມີ​ບາງ​ບ່ອນ ບາງ​ໂຮງຮຽນ​ ບໍ່​ທັນ​ຮັດ­ກຸມ ແລະ ບາງ​ນິ­ຕິ​ກຳ​ຍັງ​ບໍ່​ທັນ​ໄດ້​ປະ­ຕິ­ບັດ ຫຼື ບາງ​ນິ­ຕິ​ກຳ​ກໍ​ໄດ້​ຈັດ​ຕັ້ງ​ປະ­ຕິ­ບັດ​ແລ້ວ ແຕ່​ຍັງ​ບໍ່ທັນ​ທົ່ວ​ເຖິງ ຈຸດ​ນີ້​ຄື​ບັນ­ຫາ​ທີ່​ໜ້າ​ຄິດ​ຮ່ວມ​ກັນ ດັ່ງ­ນັ້ນ ການ​ສຶກ​ສາ​ຕ້ອງໄດ້​ຊ້ວນຊ່ວຍ​ກັນ​ທຸກ​ຝ່າຍ​ຈຶ່ງ​ຈະ​ບັນ­ລຸ​ຜົນ­ສຳ­ເລັດ.</p> <p style="text-align: right;"> <strong>ໂດຍ: ດັ້ນ​ກີບ​ເມກ</strong></p>

ຂ່າວທີ່ກ່ຽວຂ້ອງ