ຂ່າວຫຼ້າສຸດ

ເພື່ອນ​ບ້ານ​ເບິ່ງ​ຕະ­ຫຼາດ​ເຮົາ...

2.318 03 ກ.ຍ. 2013 ນານາສາລະ

<p style="text-align: justify;"> ກະ­ແສAEC ມາ​ແຮງທີ່​ສຸດ​ສຳ­ລັບປະ­ເທດ​ເພື່ອນ​ບ້ານ ໂດຍ​ສະເພາະ​ໄທ ເຂົາ​ວາງຍຸດ​ທະ​ສາດ​ແນວໃດ​ຕໍ່​ຕະ­ຫຼາດບ້ານ​ເຮົາ ເຊິ່ງ​ຜູ້​ຂຽນ​ຄິດ​ວ່າ​ເປັນເລື່ອງ​ທີ່​ຂະ­ແໜງ­ການກ່ຽວ­ຂ້ອງ ນັກ­ທຸ­ລະ­ກິດ​ລາວຫຼື ຜູ້​ປະ­ກອບ​ການ​ຕ້ອງ​ໄດ້​ເຂົ້າ­ໃຈ​ນໍ ?</p> <p style="text-align: justify;"> ຜູ້​ຂຽນ​ອ່ານ​ຈາກ​ໜັງ­ສື­ພິມ​ຖານ​ເສດ­ຖະ­ກິດ​ສະບັບ​ວັນ​ທີ 25-28 ສິງ­ຫາ 2013 ມີບາງ​ຈຸດ​ຢາກນຳ​ມາ​ເລົ່າ​ສູ່​ຟັງ ດັ່ງ­ນີ້:</p> <p style="text-align: justify;"> ກົມ​ສົ່ງ­ເສີມ​ອຸດ­ສາ­ຫະ­ກຳ ກະ­ຊວງ​ອຸດ​ສາຫະ​ກຳ​ຂອງ​ໄທ ເຂົາ​ເຫັນ​ວ່າ​ສາມ​ກຸ່ມ​ອຸດສາ​ຫະກຳ​ໃນ 8 ແຂວງ​ລຽບ​ຕາມລຳ​ແມ່­ນ້ຳ​ຂອງຕ້ອງ​ກຽມ​ຕົວ​ເພື່ອ​ເຂົ້າ​ສູ່ AEC ໃນ​ປີ 2015ເຊິ່ງ​ປະ­ກອບ​ດ້ວຍ: ອຸດ­ສາ­ຫະ­ກຳ​ທຸ­ລະ​ກິດ​ອຸ­ປະໂພກ-ບໍ­ລິ­ໂພກ ອຸດ­ສາ­ຫະ­ກຳ​ກໍ່­ສ້າງ ແລະ ອຸດ​ສາຫະ​ກຳ​ບໍ­ລິ­ການ.</p> <p style="text-align: justify;"> ເຂົາ​ໃຫ້​ຂໍ້​ມູນ​ວ່າ: ການ​ສົ່ງ​ອອກ​ສິນ­ຄ້າ​ຂອງ​ໄທ​ໃນ​ປີ 2012 ສູ່ ສປປ ລາວ ມີ​ມູນຄ່າ109.059,22ລ້ານ​ບາດ ໂດຍ​ເພີ່ມ​ຂຶ້ນ​ຈາກ​ປີ2011ປະ­ມານ 34,43%ໃນ​ນີ້​ລາຍ​ຮັບ​ຈາກການ​ຄ້າ​ຊາຍ​ແດນ​ກວມ​ເກືອບ 30%.</p> <p style="text-align: justify;"> ເຂົາ​ວິ­ເຄາະ​ວ່າ:ອຸດ­ສາ­ຫະ­ກຳ​ທຸ­ລະ​ກິດ​ອຸ­ປະ­ໂພກ-ບໍ­ລິ­ໂພກນັ້ນ ລາວ​ຕ້ອງ­ການຫຼາຍ​ທີ່​ສຸດ ໃນ​ແຕ່​ລະ​ປີ​ມີການ​ນຳ​ເຂົ້າ​ເພີ່ມ​ຂຶ້ນ 10-15% ເພາະ­ວ່າ​ລາວ​ມີພົນ­ລະ­ເມືອງ​ໜ້ອຍ ສະ­ນັ້ນ ຜູ້​ປະ­ກອບ​ການ​ເອ­ກະ​ຊົນ​ບໍ່​ກ້າ​ຕັ້ງ​ໂຮງ­ງານ​ຂະ­ໜາດ​ໃຫຍ່ ເຮັດ​ໃຫ້​ສິນຄ້າ​ບໍ່​ພຽງ­ພໍ ຄຸນ​ນະ​ພາບ​ບໍ່​ສູງ ບໍ່​ມີ​ສິນ­ຄ້າ​ຫຼາກ​ຫຼາຍປະ­ເພດ ສະ­ນັ້ນ ຈຶ່ງອີງ­ໃສ່​ການ​ນຳ​ເຂົ້າ​ຈາກ​ໄທ.</p> <p style="text-align: justify;"> ອຸດ­ສາ­ຫະ­ກຳ​ກໍ່­ສ້າງ ລາວ​ຕ້ອງ­ການ​ຫຼາຍ ຍ້ອນ​ປະ­ຊາ­ຊົນ​ເລີ່ມ​ມີ​ຖາ­ນະ​ເສດ­ຖະ­ກິດທີ່​ດີ​ຂຶ້ນ ຈຶ່ງ​ມີ​ຄວາມ​ຕ້ອງ­ການ​ປຸກ​ສ້າງ​ທີ່­ຢູ່​ອາ­ໄສ ລວມທັງ​ພາກ​ລັດ ເລັ່ງ​ພັດ­ທະ­ນາພື້ນ­ຖານໂຄງ​ລ່າງ ​ຈາກຂໍ້​ມູນ​ປີ 2011 ມູນ​ຄ່າ​ການ​ສົ່ງ​ອອກ​ວັດ​ສະ​ດຸກໍ່­ສ້າງ ຫຼາຍກວ່າ 70 ລ້ານ​ບາດ.</p> <p style="text-align: justify;"> ອຸດ­ສາ­ຫະ­ກຳ​ບໍ­ລິ­ການ ກຸ່ມ​ນີ້​ເໝາະ​ສົມ​ກັບ​ທຸລະ​ກິດ SMEs ຂອງ​ໄທ ປະ­ເພດໂຮງ­ແຮມ ທ່ອງທ່ຽວ ຮ້ານ​ກາ­ເຟ ສະ​ປາ ອູ່​ສ້ອມ­ແປງ​ລົດ ໃນ​ນີ້​ເຂົາເນັ້ນ​ເລື່ອງ​ລົດໜັກ​ໃຫ້​ເຊົ່າ.</p> <p style="text-align: justify;"> ໃນ​ສາມ​ອຸດ­ສາ­ຫະ­ກຳ​ນີ້ ເຂົາ​ໄດ້​ບັນ­ຈຸ​ເຂົ້າ​ໃນແຜນ​ສົ່ງເສີມ ໂດຍ​ຜ່ານ​ໂຄງ­ການກຽມ​ຄວາມ​ພ້ອມເພື່ອ​ເຂົ້າ​ສູ່​ປະ­ຊາ​ຄົມ​ອາ​ຊຽນ AEC ຮຽບ​ຮ້ອຍແລ້ວ.</p> <p style="text-align: justify;"> ເບິ່ງ​ເພື່ອນ​ບ້ານ​ເຂົາ​ເພິ່ງ​ເຮົາ​ແບບ​ນີ້​ແລ້ວ !ກໍ​ບໍ່​ຮູ້​ວ່າ​ທາງຝ່າຍ​ເຮົາ​ຊິ​ກຽມ​ກັນ​ແນວ­ໃດ ? ຕາມລົມ​ກັບ​ຫຼາຍ​ຄົນ​ກໍ​ມີຫຼາຍ​ຄຳ​ເຫັນ ແຕ່​ສິ່ງ​ທີ່​ຫຼາຍຄົນ​ກັງ­ວົນ​ແມ່ນ​ອຸດ­ສາ­ຫະ­ກຳ​ບໍ­ລິ­ການ​ນີ້ ເຮົາ​ຄົງຕ້ອງ​ຮຽນ​ຮູ້​ຈາກ​ເພື່ອນ​ບ້ານ​ຢ່າງ​ຫຼີກ​ບໍ່​ໄດ້ ການຮຽນ​ຮູ້ອາດ​ເສຍ​ຕະ­ຫຼາດ ແລະ ລາຍ​ຮັບ​ເພາະຄວາມ​ຖະ­ໜັດ​ຂອງ​ເຮົາ​ໃນ​ດ້ານ​ນີ້​ມີ​ຂອບເຂດ​ຈຳກັດ ການ​ຮູ້​ການເຄື່ອນ​ໄຫວ​ຂອງ​ເພື່ອນ​ບ້ານ​ກໍ​ເປັນເລື່ອງ​ດີ​ສຳ­ລັບ​ຄວາມກຽມ­ພ້ອມ​ຂອງ​ພວກ​ເຮົາ.</p> <p style="text-align: right;"> <strong>ໂດຍ: ແນວ​ລາວ</strong></p>

ຂ່າວທີ່ກ່ຽວຂ້ອງ