ຂ່າວຫຼ້າສຸດ

ສັງ­ຄົມ​ລາວ​ສະ­ເໝີ­ພາບ

1.988 02 ກ.ຍ. 2013 ນານາສາລະ

<p style="text-align: justify;"> ເຖິງ​ຢ່າງ­ໃດ​ກໍ​ຕາມ​ຂ້ອຍ​ຢັ້ງ­ຢືນ​ວ່າ: ສັງ­ຄົມ​ລາວ​ເປັນ​ສັງ­ຄົມ​ທີ່​ມີ​ຄວາມ​ສະ­ເໝີ­ພາບ ແລະ ພະ​ພຸດ​ທະ​ສາ­ສະ­ໜາ​ກໍ​ໃຫ້​ຄວາມ​ສະ­ເໝີ­ພາບ​ແກ່​ທຸກ​ຄົນ ແຕ່​ທີ່​ຢາກ​ເວົ້າ​ອາດ​ເປັນ​ເລື່ອງ​ຄວາມ​ເຫັນ​ທີ່​ບໍ່​ກົງ​ກັນ ເຊັ່ນ: ມີ​ບາງ​ຄົນ​ທີ່​ຍັງ​ບໍ່​ເຫັນ​ວ່າ ສັງ­ຄົມ​ລາວ​ລະ­ຫວ່າງ​ຍິງ-ຊາຍ ອາດ​ຍັງ​ບໍ່​ສະ­ເໝີ­ພາບ ໂດຍ​ສະ­ເພາະ​ເບິ່ງ​ໃນ​ແງ່​ຂອງ​ອະ­ດີດ ຫຼື ບາງ​ຄົນ​ໄປ​ຈັບ​ເອົາ​ປະ­ໂຫຍກ​ທີ່​ວ່າ: “ ຍາມ​ກິນເຂົ້າ​ໃຫ້​ຜົວ​ແພງ​ກິນ​ກ່ອນ ຜົວ​ແພງກິນ​ອິ່ມ​ແລ້ວ ເມຍ​ແກ້ວຈຶ່ງ​ຄ່ອຍ​ກິນ ” ບາງ­ເທື່ອ​ຜູ້​ສະ­ແດງຄວາມ​ຄິດ​ເຫັນ​ບໍ່​ໄດ້​ວິເຄາະ​ລົງ​ໃຫ້​ເລິກ​ວ່າ: ປະ­ໂຫຍກ​ແບບ​ນີ້ ມັນ​ເກີດ​ຂຶ້ນ​ມາ​ໃນສະ­ໄໝ​ໃດ ແລະ ມັນເກີດ​ຂຶ້ນ​ມາ​ໄດ້​ຈັ່ງ​ໃດ ? ພຽງ​ແຕ່ໄດ້​ອ່ານ​ເຫັນ ແລະ ໄດ້​ຍິນ​ເຂົາ​ເວົ້າ​ກໍ​ຈັບ​ເອົາຍົກເມກ​ຂຶ້ນທັນ­ທີ ຂ້ອຍ​ມີ​ຄວາມ​ຄິດ​ວ່າ ​ປະ­ໂຫຍກ​ແບບ​ນີ້ ອາດ​ເກີດ​ຂຶ້ນຈາກ​ການ­ສະ­ແດງ​ຄວາມ​ຄິດ​ເຫັນ​ແຂ່ງ­ຂັນ​ກັນ ໃນ​ພິ­ທີ​ງານບຸນ​ໃດ​ໜຶ່ງ ຫຼື ອາດ​ເປັນ​ປະ­ໂຫຍກ​ທີ່ໝໍ​ລຳ​ເຂົາສະ­ແດງ​ປະ­ຕິພານ​ໄຫວ​ພິບ​ຕໍ່­ສູ້​ກັນ​ເທິງ​ເວ­ທີ ເພື່ອ​ເອົາ​ຊະ­ນະ​ຝ່າຍ​ກົງ​ກັນຂ້າມ ນີ້​ຄື​ຈຸດ​ຄິດ​ຂອງ​ຂ້ອຍ​ໃນ​ທຳ­ນອງ​ບໍ່​ຢາກ​ໃຫ້ເປັນ​ກະຕ່າຍ​ຕື່ນ​ໝາກ­ຕູມ !.</p> <p style="text-align: justify;"> ນອກ­ຈາກ​ນີ້ ຂ້ອຍ​ຍັງ​ໄດ້​ຍິນ​ມາ​ກັບ​ຫູ​ອີ​ກວ່າ: ເວ­ລາ​ນອນ ກໍ​ຖືກ​ສອນ​ວ່າ: ບໍ່​ໃຫ້ນອນ​ສະ­ເໝີ​ກັນ​ກັບ​ຜົວ ຕໍ່​ປະ­ໂຫຍກ​ນີ້​ສຸພາບ​ສະ­ຕີ​ບາງ​ຄົນ​ກໍ​ຮັບ​ບໍ່​ໄດ້ ຫຼື ຮັບ​ໄດ້ຍາກ ເພາະ​ສຸ­ພາບ​ສະຕີ​ບາງ​ຄົນ​ເພິ່ນ​ກໍ​ເຄີຍ​ເວົ້າ​ວ່າ: ຫ່ວຍ ! ເປັນ​ຫຍັງ​ຈຶ່ງ​ເອົາ​ປຽບກັນ​ແທ້ ! ຫຼື ບາງ​ຄົນ​ກໍ​ມີ​ເຫດ­ຜົນ​ໄປ​ຕ່າງໆ​ນາໆ ບູ­ຮານ​ຍັງວ່າ “ ຕ່າງ​ຄົນ​ຕ່າງ​ໃຈ ຕ່າງ​ຄົນ​ກໍ​ຕ່າງ​ຄວາມ​ຄິດ ” ແຕ່​ຂ້ອຍພັດ​ຄິດ​ວ່າ ການ​ທີ່​ບູ­ຮານ​ສອນ​ວ່າ ​ບໍ່​ຄວນ​ນອນ​ຫົວ​ພຽງ​ກັນກັບ​ຜົວ​ນັ້ນ​ ຄົງ​ມີ​ເຫດ­ຜົນ​ຂອງ​ເພິ່ນ ແຕ່​ຂ້ອຍ​ກໍ​ສຸດ​ວິ­ໄສ​ທີ່​ຈະ​ຮູ້ໄດ້​ໃນ​ປະ­ເດັນ​ນີ້ ພຽງ​ແຕ່​ຄິດ​ວ່າ: ການ​ບໍ່​ນອນ​ສະ­ເໝີ​ກັນ​ກັບຜົວ​ນັ້ນ ເປັນ​ການ​ໃຫ້ຄວາມ​ເຄົາ­ລົບ ຫຼື ໃຫ້​ກຽດ ​ນີ້​ເຫດ­ຜົນໜຶ່ງ ແລະ ສອງ ຂ້ອຍ​ຄິດ​ວ່າ ​ຖ້າ​ນອນ​ສະ­ເໝີກັນ​ນັ້ນ ບາງເທື່ອ​ໄດ້​ເວົ້າ​ໄດ້​ລົມ​ກັນ​ອາດ​ເຮັດ​ໃຫ້​ຝ່າຍ​ໃດ​ຝ່າຍ​ໜຶ່ງ​ກົງ​ກັນຂ້າມ​ເໝັນ​ຂີ້​ປາກ​ກັນ ດ້ວຍ​ເຫດ​ນີ້​ຂ້ອຍ​ຈຶ່ງ​ຄິດ​ວ່າ ​ຄົງ​ເປັນແນວ​ນີ້​ ຕາມ​ຈຸດ​ທີ່​ຂ້ອຍ​ຄິດ ສ່ວນ­ວ່າ​ທ່ານ​ຜູ້​ອ່ານ​ທີ່​ຄິດ​ເຫດຜົນ​ໄດ້​ເລິກ ຫຼື ແຕກ​ຕ່າງ​ກັນ​ ກໍ​ຖື​ວ່າ​ເປັນ​ສິດ​ຂອງທຸກ​ຄົນ.</p> <p style="text-align: justify;"> ກ່ອນ​ຈະ​ຈົບ ​ຍັງ​ມີ​ບາງ​ກຸ່ມ​ຄົນ​ທີ່​ລົມ​ກັນ​ເລື່ອງ​ໜ້າ­ທີ່​ຂອງຜົວ​-ເມຍ ໂດຍ​ມຸ້ງ​ໄປ​ຫາຕົວ­ຢ່າງ​ທີ່​ເວົ້າ​ກັນ​ວ່າ ຜົວ​ເປັນ​ຊ້າງຂາ​ໜ້າ ເມຍ​ເປັນ​ຊ້າງ​ຂາ​ຫຼັງ ໃນ​ຈຸດ​ນີ້​ສຸ­ພາບສະ­ຕີ​ບາງ​ທ່ານອາດ​ບໍ່​ເຫັນ​ດີ​ກັບ​ປະ­ໂຫຍກ​ນີ້ ແຕ່​ຂ້ອຍ​ກໍ​ຄິດ​ວ່າ ຄົນ​ເຮົາ​ເມື່ອເວ­ລາຄວາມ​ຄິດ​ເຫັນ​ບໍ່​ກົງ​ກັນ ກໍ​ບໍ່​ເຫັນ​ວ່າ​ຊິ​ຈຳ­ເປັນ​ເຖິງ​ຂະໜາດ​ວ່າ​ ບໍ່​ເບິ່ງ​ໜ້າ​ກັນ ຫຼື ບໍ່ຢາກ​ເວົ້າ​ນຳ​ກັນ ເລື່ອງ​ນີ້​ແນ່ນອນ​ຊ້າງ​ໂຕ​ໜຶ່ງ​ຍ່ອມ​ມີ​ໜຶ່ງ​ຫົວ ແລະ ສີ່​ຂາ ໂດຍ​ມີ 2 ຂາ​ໜ້າ ແລະ 2 ຂາ​ຫຼັງ ຂ້ອຍ​ຄິດ​ວ່າ­ການ​ດຳ­ເນີນ​ຊີ­ວິດ​ຂອງ​ຊ້າງ ຖ້າສອງ​ຂາ​ໜ້າພະ­ລາດ​ມື່ນ ​ມັນ​ກໍ​ຍັງ​ມີ​ສອງ​ຂາ​ຫຼັງ​ເຮັດ​ໜ້າ­ທີ່ເປັນ​ເບກ​ຈັ້ງ​ໄວ້ ຫຼື ໃນ​ກໍ­ລະ­ນີ​ຜົວ-ເມຍ​ຄອບ­ຄົວ​ໜຶ່ງ ຝ່າຍ​ຜົວອາດ​ຈະ​ຍ່າງ​ອອກ​ນອກ​ທາງ​ແນ່ ຝ່າຍ​ເມຍ​ເປັນ​ຜູ້​ຕັກ­ເຕືອນ ຖ້າ​ຜົວ​ດີ​ຕ້ອງ​ຟັງ​ເຫດ­ຜົນ​ຂອງ​ເມຍ​ກ່ອນ ເພາະ​ເຮົາ​ມີ​ຄຳ​ພັງເພີຍ​ທີ່​ໜ້າ​ຄິດຢູ່​ວ່າ: ແຫວນ​ດີ​ຢູ່​ທີ່​ຫົວ ຜົວ​ດີ​ຍ້ອນ​ເມຍ ຜົວເປັນ​ເພຍ​ຍ້ອນ​ເມຍ​ຊ່າງ​ເວົ້າ ! ແນ່­ນອນ​ຊ້າງ​ກໍ​ຄື​ຊ້າງ ຄົນ​ກໍ​ຄືຄົນ ແຕ່​ຄົນ​ເຮົາ​ເປັນ​ສັດ​ປະ­ເສີດ ຄົນ​ເຮົາ​ສາ­ມາດ​ເອົາບົດຮຽນ​ຈາກ​ສັດ​ມາ​ເປັນ​ບົດ­ຮຽນ​ໄດ້ ເຊັ່ນ: ໄກ່​ມັນ​ແຕ່ງ​ໂຕ​ທຳຄວາມ​ສະ­ອາດ​ໃຫ້ກັນ ແລະ ກັນ ນີ້​ຄື​ປະ­ເດັນ​ທີ່​ຂ້ອຍ​ຄິດ ຊ້າງ​ຂາ​ໜ້າ ຫຼື ຂາ​ຫຼັງ ກໍ​ຢູ່​ໃນ​ໂຕ​ຊ້າງ​ໂຕ​ດຽວ ສຳ­ຄັນ​ຢູ່​ທີ່ການ​ຍອມ­ຮັບ​ພາ­ລະ​ບົດ­ບາດ​ຂອງ​ກັນ ແລະ ກັນ ຖ້າ​ເວົ້າ​ໃຫ້ເລິກ​ເລື່ອງສຸ­ພາບ​ສະ­ຕີ ຫຼື ແມ່­ຍິງ​ນີ້​ ຍິ່ງ​ເປັນ​ຜູ້​ມີ​ບົດ­ບາດ​ສຳຄັນ​ໃນ​ຄອບ­ຄົວ ແມ້​ກະ​ທັ້ງ​ພະ­ພຸດ­ທະ­ເຈົ້າ​ກໍ​ຍັງ​ຍ້ອງ ແລະ ໃຫ້​ຄວາມ​ສຳ­ຄັນ​ແກ່​ແມ່­ຍິງ ຈົນ​ອະ­ນຸ­ຍາດ​ໃຫ້​ເຂົ້າບວດ​ໃນພະ​ພຸດ​ທະ​ສາ­ສະ­ໜາ ເພາະ​ຜູ້­ຍິງ​ກໍ​ມີ​ສັກ­ກະ​ຍະ​ພາບ​ທີ່​ຈະບັນ­ລຸ​ທຳ​ຄື​ກັນກັບ​ຜູ້​ຊາຍ ທີ່​ເວົ້າ​ມາ​ຂ້ອຍ​ຍັງ​ບໍ່​ແນ່​ໃຈ​ວ່າ ​ພວກເຮົາ​ ລວມ​ທັງ​ຂ້ອຍ​ເອງ​ ວ່າ​ເຂົ້າ­ໃຈຜູ້­ຍິງ​ໄດ້​ໝົດ ເພາະ​ຈິດ­ໃຈຂອງ​ຜູ້­ຍິງ​ນັ້ນ​ຍ່ອມ​ຮູ້​ໄດ້​ຍາກ ບູ­ຮານ​ຈຶ່ງ​ເວົ້າ​ໄວ້​ວ່າ: ຈິດ­ໃຈຂອງ​ຜູ້­ຍິງ​ຮູ້​ໄດ້​ຍາກ ປຽບ​ດັ່ງ​ທາງ​ໄປ​ຂອງ​ນົກ​ໃນ​ທ້ອງ­ຟ້າ ແລະ ທາງ​ໄປ​ຂອງ​ປາໃນ​ແມ່­ນ້ຳ ແລ້ວ​ໃຜ​ຊິ​ກຳ­ນົດ​ຮູ້​ໄດ້​ວ່າ ມັນ​ຈະ​ລ້ຽວ​ຊ້າຍ ແລະ ລ້ຽວ​ຂວາ​ເມື່ອ​ໃດ ນອກ­ຈາກ​ນີ້​ຍັງ​ມີສຸ­ພາ­ສິດ​ສອນ​ໄວ້​ອີ​ກວ່າ: ພະ­ລັງ​ຂອງ​ແມ່­ຍິງ​ນັ້ນ​ມີ​ຫຼາຍ​ກວ່າແສງອາ­ທິດ ແລະ ມະ­ຫາ​ສະ­ໝຸດ ເຖິງ​ຂະ­ໜາດ​ວ່າ ຖ້າ​ຜູ້ຊາຍ​ຄົນ​ໃດ​ຫຼົງ​ຢູ່​ໃຕ້​ອຳ­ນາດຂອງ​ແມ່­ຍິງ ກໍ​ບໍ່​ຕ່າງ​ຫຍັງ​ກັບດວງ​ເດືອນ​ທີ່​ຖືກ​ລາ­ຫູ​ອົມ..... ວ່າ​ຊັ້ນ !.</p> <p style="text-align: right;"> <strong>ໂດຍ: ດັ້ນ​ກີບ​ເມກ</strong></p>

ຂ່າວທີ່ກ່ຽວຂ້ອງ