ປາບ​ພະ­ຍາດ​ປາກ​ຂໍ​ດ້ວຍ​ຕົນ​ເອງ

2.288 22 ສ.ຫ. 2013 ນານາສາລະ

<p style="text-align: justify;"> ພະ­ຍາດ​ປາກ​ຂໍ ເປັນ​ພະ­ຍາດ​ຊະ­ນິດ​ໜຶ່ງເຊິ່ງ​ຜົນ​ສະ­ທ້ອນ​ມາ​ຈາກ​ການ​ສຳ​ພັດ​ກັບ​ສິ່ງ​ບໍ່​ສະ­ອາດ ແລ້ວ​ເຮັດ​ໃຫ້​ພະ­ຍາດ​ເຂົ້າ​ສູ່​ຮ່າງ­ກາຍ ສ່ວນ​ໃຫຍ່ແມ່ນ​ເດັກ­ນ້ອຍ​ທີ່​ມັກ​ເປືອຍ​ໂຕ ຫຼິ້ນ​ເປິ​ະເປື້ອນ​ຕາມ​ໜ້າ­ດິນ ເມື່ອ​ຮູ້​ວ່າ​ເປັນ​ພະ­ຍາດ​ແລ້ວ​ໃຊ້​ຢຸກ​ຢາ​ປິ່ນ­ປົວ​ ພະ­ຍາດ​ບາດເຍົາ​ດັ່ງ­ກ່າວ​ກໍຈະ​ຫາຍ​ເຊົາ ສ່ວນ​ພະ­ຍາດ​ປາກ​ຂໍ​ທາງ​ສັງຄົມ​ກໍ​ຍິ່ງ​ອັນ­ຕະ­ລາຍ ເພາະ​ອາດ​ຈະ​ມີ​ສ່ວນ​ສະ­ທ້ອນເຖິງພາບ​ລວມ​ຂອງ​ອົງ­ການ​ກຽດ​ສັກ​ສີ ສະ­ທ້ອນ​ເຖິງ​ບັນ­ຫາເສດ­ຖະ­ກິດ-ສັງ­ຄົມ ຕະ­ຫຼອດ​ເຖິງແບບ­ແຜນ​ວິ­ທີ​ເຮັດ​ວຽກຂອງ​ພະ­ນັກ­ງານ ແລະ ຄ້າຍ​ກັບ​ວ່າ ກາຍ­ເປັນ​ພັນ­ທະ​ປະ​ເພນີ​ຂອງ​ຜູ້ຈະ​ພົວ­ພັນ​ວຽກ​ງານ​ທີ່​ຈະ​ຕ້ອງ​ປະ­ຕິ­ບັດ​ຕໍ່​ຜູ້​ບໍ­ລິ­ການເພື່ອ​ໃຫ້​ໄດ້​ມາ​ແຫ່ງ​ຄວາມ​ສະ­ດວກ.</p> <p style="text-align: justify;"> ພະ­ຍາດ​ໃຊ້​ປາກ​ຂໍ ເບິ່ງ​ດ້ານ​ໜຶ່ງ​ກໍ​ເບົາໆຄ້າຍ­ຄື​ບໍ່​ມີ​ຫຍັງແຕ່​ຖ້າ­ວ່າ​ສັງ­ເກດ​ໃຫ້​ເລິກ­ເຊິ່ງ​ແລ້ວ​ພັດ​ເປັນ​ອັນ­ຕະ­ລາຍແທ້ໆ ເພາະ​ມັນ​ຢັ່ງ​ຮາກ​ຝັງ​ເລິກ​ໃຫ້​ແກ່​ການ​ເປັນ​ທາງ​ຜ່ານໄປ​ສູ່​ການ​ທຸດ­ຈະ­ລິດ ຂາດ​ຄວາມ​ໂປ່ງ​ໃສ​ໃນ​ໜ້າ­ທີ່​ວຽກ​ງານເຊັ່ນ: ການ​ຂໍ​ກິນ​ນ້ຳ​ກິນ​ໃນ ຂໍ​ກິນ​ເຝີ ກິນ​ໝີ່ ຂໍໃສ່​ນ້ຳ​ມູກ​ນ້ຳມັນ ຂໍ​ລົດ​ເປັນ​ຄັນ ເຮືອນ​ເປັນ​ຫຼັງ ແລະ ອື່ນໆ ຫຼັງ​ຈາກ​ນັ້ນຜູ້​ໃຫ້​ກໍ​ຂໍ​ບໍ­ລິ­ການ​ກັບຄືນ​ຄື​ກັນ ເປັນ­ຕົ້ນ: ຂໍ​ໃຫ້​ຜິດ​ເປັນ​ຖືກ ຂໍໃຫ້​ອຳ­ນວຍ​ຄວາມ​ສະ­ດວກ ຂ້າມ​ຂັ້ນ​ຕອນ​ຕາມ​ລະ­ບຽບ​ວາງໄວ້​ເຫຼົ່າ​ນີ້​ເປັນ­ຕົ້ນ ແນ່­ນອນ​ຜູ້​ຈະ​ໄປ​ເຮັດ​ທຸ­ລະ​ກຳ​ກໍ​ກຽມພ້ອມ​ຢູ່​ແລ້ວ​ໃນ​ການ​ຈະ​ຖາງ​ທາງ ເພື່ອ​ໃຫ້​ເກີດ​ຄວາມ​ສະດວກ ຖ້າ­ວ່າ​ສະ­ພາບ​ປາກ​ຂໍ​ແກ່​ແດດ​ແກ່​ລົມ ມັນ​ກໍ​ເລີຍ​ຂໍ​ບໍ່ເລືອກໜ້າ ແນ່­ນອນ​ການ​ຂໍ​ກໍ​ມີ​ທັງ​ຜູ້​ເຮັດ​ນຳ​ໄດ້ ແລະ ຜູ້​ບໍ​ລິສຸດ​ບໍ່​ສາ­ມາດ​ເຮັດ​ໄດ້ ເຂົາ​ເຫຼົ່າ­ນັ້ນ​ອາດຈະ​ຮ້ອງ​ການ​ບໍ​ລິການ​ຊະ­ນິດ​ນີ້​ວ່າ ເປັນ​ບ່ອນ​ມາ​ເຟຍ​ທຳ​ມາ​ຫາ​ກິນ ພາ­ໃຫ້ເສຍ​ພາບ​ພົດ​ ກຽດສັກ​ສີ​ຂອງ​ອົງ­ການ ອີກ​ດ້ານ​ໜຶ່ງ​ ຜູ້​ໄປ​ຂໍ​ບໍ​ລິການຍ່ອມ​ມີ​ການ​ເອົາ​ຈຳ­ນວນ​ເງິນ​ທີ່​ຈ່າຍ​ໄປ​ໃນການ​ລ້ຽງເຫຼືອ​ເກືອ​ອີ່ມ ເງິນ​ເທິງ​ໂຕະ ກ້ອງ​ໂຕະ ເງິນ​ທຳ­ນຽມ​ຕ່າງໆທີ່ຖືກ­ຕ້ອງ​ ລວມ​ເປັນ​ເງິນຕົ້ນ​ທຶນ​ສິນ­ຄ້າ ເມື່ອ​ເວ­ລາ​ຂາຍ​ກໍ​ຈະມີ​ລາ­ຄາ​ແພງ​ຂຶ້ນ​ຜິດ​ປົກ­ກະ­ຕິ ແລະ ຜູ້​ຊົມ­ໃຊ້​ປະ­ຊາ­ຊົນທົ່ວໄປ​ກໍ​ຈະ​ໄດ້​ຮັບ​ເຄາະ​ຮ້າຍ ຄື​ຊື້​ຂອງ​ແພງ ບໍ­ລິ­ການ​ແພງ ຈາກພະ­ຍາດ​ປາກ​ຂໍ​ເຫຼົ່າ­ນັ້ນ ແລະ ຊີ­ວິດ​ການ​ເປັນ​ຢູ່​ຂອງ​ຜູ້​ໃຫ້​ບໍ​ລິການ​ວຽກ​ດັ່ງ­ກ່າວ​ກໍ​ດີ​ຂຶ້ນ​ຕາມ​ລຳ­ດັບ.</p> <p style="text-align: justify;"> ເມື່ອ​ຮູ້​ວ່າ​ຜູ້​ເຮັດ​ວຽກ​ຢູ່​ແຫ່ງ​ດັ່ງ­ກ່າວມີ​ຖາ­ນະ​ພໍ​ຢູ່​ພໍ​ກິນແລ້ວ ຜູ້​ຄົນ​ທີ່​ຊອກ​ວຽກ​ເຮັດ​ງານ​ທຳ ມີວິ­ຊາ​ກ່ຽວ­ຂ້ອງ ​ກໍ​ພາກັນ​ກຽມ​ຈະ​ເປັນ​ພະ­ນັກ­ງານ​ເຮັດ​ວຽກ​ຢູ່​ແຫ່ງ​ດັ່ງ­ກ່າວ ​ດ້ວຍວິ­ທີ​ການ​ຕ່າງໆ ເພື່ອ​ໃຫ້​ໄດ້​ມາ​ຢູ່​ທີ່​ນີ້ ແລະ ກໍ​ບໍ່​ແນ່​ວ່າ ລະຫວ່າງ​ການ​ເຂົ້າ​ມາ​ດ້ວຍ​ຄຸນ​ນະ​ທຳ ແລະ ການ​ອຸ­ປະ­ຖຳ ຈະມີ​ການ​ເລືອກ​ເອົາ​ແນວ­ໃດ​ກັນ​ແທ້ ຕາມ​ທີ່​ຫາງ​ສຽງ​ສັງ­ຄົມເວົ້າ​ມາ​ຢ່າງ​ໜາ​ຫູ​ວ່າ: ບ່ອນນັ້ນ​ຕ້ອງ​ຈ່າຍ​ເງິນ​ເທົ່າ​ນັ້ນ​ລ້ານ ເທົ່າ​ນີ້​ລ້ານ ຕາມ​ແຕ່​ລະ­ດັບ​ຄວາມ​ສຳ­ຄັນ​ຂອງ​ໜ້າ​ວຽກ ຖ້າວ່າບໍ່​ຊອບ​ມາ​ພາ​ຄວນ​ເປັນ​ຄື​ດັ່ງ­ກ່າວ​ມາ​ນີ້ ແນ່­ນອນ​ມັນ​ກໍ​ບໍ່ໂສ­ພາ​ເທົ່າ​ນັ້ນ­ແລ້ວ.</p> <p style="text-align: justify;"> ເຖິງ​ແນວ­ໃດ​ກໍ​ຕາມ ແຕ່​ຜູ້​ຂຽນ​ຍັງ​ເຊື່ອ​ໝັ້ນ​ສະ­ເໝີ​ຕົ້ນ​ສະເໝີ​ປາຍ​ວ່າ ສັງ­ຄົມ​ທີ່​ດີ­ງາມ​ຂອງ​ລະ­ບອບ​ປະ­ຊາ­ທິ­ປະ­ໄຕປະຊາ​ຊົນ ເຊິ່ງ​ຢູ່​ໃຕ້​ການ​ນຳ­ພາ​ຂອງ​ພັກ ແລະ ລັດ ຈະ​ບໍ່​ອະ­ນຸຍາດ​ໃຫ້​ຜູ້ໃດ​ເຮັດ​ຊ່ອງ​ຫວ່າງ ໂດຍ​ຮຽນ​ແບບ​ຈາກ​ລະ­ບອບເກົ່າ​ທີ່​ຖືກ​ໂຄ່ນ​ລົ້ມໄປ​ແລ້ວ​ນັ້ນ​ມາ​ໃຊ້ ຄື​ສໍ້ລາດ​ບັງ​ຫຼວງ ຊື້ຈ້າງ​ຈອບ​ອອຍ ຫຼິ້ນ​ພັກ​ຫຼິ້ນ​ພວກ ແນ່­ນອນ​ບໍ່​ວັນ​ໃດ​ກໍ​ວັນ​ໜຶ່ງ ຜູ້​ທີ່​ປະ­ພຶດ​ໃນທາງ​ບໍ່​ຊອບ​ມາ​ພາ​ກົນ ຄວາມ​ລັບ​ບໍ່​ມີ​ໃນ​ໂລກ ທຳ​ຕົນ​ເປັນ​ພະ­ຍາດ​ປາກ​ຂໍ​ໃນ​ໜ້າ­ທີ່​ວຽກ​ງານ​ ກໍອາດ​ຈະ​ຖືກໂຈະ​ບົດ­ບາດ​ໃນ​ທີ່​ສຸດ ສ່ວນ​ພະ­ນັກ­ງານ​ທີ່​ດີ​ມີ​ນ້ຳ­ໃຈ​ບຸກ​ບືນໃນ​ໜ້າ­ທີ່​ວຽກ​ງານ ດ້ວຍ​ຄວາມ​ຊື່­ສັດ​ບໍ­ລິ­ສຸດ​ກໍ​ມີ​ຫຼາຍ ເຂົາເຈົ້າ​ເຫຼົ່າ­ນັ້ນ​ແຫຼະ ເປັນ​ກຳ­ລັງ​ແຮງ​ໃນ​ການ​ຄົ້ນ­ຄວ້າ​ສ້າງແຫຼ່ງ​ລາຍ​ຮັບ​ເຂົ້າ​ງົບ­ປະ­ມານ ເພື່ອ​ປະ­ກອບ­ສ່ວນ​ເຂົ້າ​ໃນການ​ສ້າງ­ສາ​ພັດ­ທະ­ນາ​ເສດ­ຖະ­ກິດ-ສັງຄົມຂອງຊາດ.</p> <p style="text-align: justify;"> ດັ່ງ­ນັ້ນ ການ​ປາບ​ພະ­ຍາດ​ນີ້ ມັນ​ຕ້ອງ​ເລີ່ມ​ຈາກ​ການ​ເຝິກຝົນ​ຫຼໍ່​ຫຼອມ​ຄຸນ­ສົມ­ບັດ​ຂອງ​ຕົນ​ເອງ ເລີ່ມ​ຈາກ​ຄຸນ­ສົມ­ບັດ​ຂອງແຕ່­ລະ­ຄົນ​ທີ່​ຮັບ­ຜິດ­ຊອບ​ໜ້າ­ທີ່​ຂອງ​ໃຜ​ມັນ ແລະ ທັງ​ຄຸນສົມ­ບັດ​ຜູ້ມາ​ໃຊ້​ບໍ­ລິ­ການ​ເຊັ່ນ​ກັນ ສັງ­ຄົມ​ຈຶ່ງ​ຈະ​ສົດ­ໃສ​ສວຍງາມ ເພາະ​ການ​ສໍ້​ລາດ​ບັງ​ຫຼວງມັນ​ຜິດ​ທັງສອງ​ຝ່າຍ ຄື​ທັງຝ່າຍ​ຊື້​ຈ້າງ ແລະ ຮັບ​ຊື້​ຈ້າງ ອີກ​ດ້ານ​ໜຶ່ງ ເພື່ອ​ຕ້ານ​ພະຍາດ​ດັ່ງ­ກ່າວ ແມ່ນ​ຕ້ອງເພິ່ງ​ຕົນ​ເອງ ກຸ້ມ​ຕົນ​ເອງ ສ້າງຄວາມ​ເຂັ້ມ­ແຂງ​ທາງ​ດ້ານ​ການ­ເມືອງ​ແນວ​ຄິດ​ດ້ວຍ​ຕົນ​ເອງ ແລະ ສຳ­ຄັນ ພະ­ນັກ­ງານ​ທີ່​ກ່ຽວ­ຂ້ອງ​ຕ້ອງ​ມີ​ສະ­ຕິ​ລະ­ວັງ​ຕົວ ຫຼີກ​ເວັ້ນກະ­ແສ​ແນວ​ຄິດ​ບໍ­ລິ­ໂພກນິ­ຍົມ ໃຊ້​ຈ່າຍ​ຟຸມ​ເຟືອຍບໍ່​ມີ​ເມືອງ​ພໍ ເຊິ່ງ​ອາດ​ເປັນ​ສາ­ເຫດ​ແຫ່ງ​ການ​ເກີດ​ພະ­ຍາດປາກ​ຂໍ ຫຼື ຊ່ອງ​ຫວ່າງ ​ເຮັດ​ໃຫ້​ມີ​ການ​ຊື້​ຈ້າງ​ຈອບ​ອອຍ​ນັ້ນເອງ.</p> <p style="text-align: right;"> <strong>ໂດຍ: ຊຽງ​ເອງ</strong></p>

ຂ່າວທີ່ກ່ຽວຂ້ອງ