Kingston ເປີດໂຕ Flash drive HyperX 3.0 ໃໝ່

ວັນທີ 08 ທັນວາ 2011 - ເວລາ 13:59:07 ສົ່ງຂ່າວນີ້ໃຫ້ເພື່ອນ ພິມຂ່າວນີ້

Kingston ຜູ້​ຜະ­ລິດ memory Product ໄດ້​ເປີດ​ໂຕ Flash drive (ຫຼື​ທີ່​ຮ້ອງ​ຕິດ​ປາ​ກວ່າ USB) Kingston DataTraveler HyperX 3.0 ເຊິ່ງ​ແມ່ນ Flash drive ຄວາມ​ໄວ​ສູງ ໂດຍ​ອອກ​ແບບ​ມາ​ສຳ­ລັບ User ລະ­ດັບ High-Ends ລວມ​ໄປ​ເຖິງ​ນັກ​ຫຼິ້ນ​ເກມ ມັນ​ມາ​ພ້ອມ​ກັບ​ຄຸນ­ສົມ­ບັດ​ຄວາມ​ສາ­ມາດ​ບັນ­ຈຸ​ຢ່າງ​ມະ­ຫາ­ສານ​ເທົ່າ​ທີ່​ເຄີຍ​ມີ​ມາ​ຂອງ Kingston ໂດຍ​ມີ​ຄວາມ​ບັນ­ຈຸ​ຕັ້ງ­ແຕ່ 64 GB,128 GB ແລະ 256 GB ຊຶ່ງ​ສາ­ມາດ​ແລ່ນ​ໄດ້ 8 ຊ່ອງ​ທາງ ເຮັດ​ໃຫ້​ມີ​ຄວາມ​ໄວ​ໃນ​ການ​ອ່ານ​ສູງ​ສຸດ​ເຖິງ 255 MB/ວິ­ນາ­ທີ ແລະ ມີ​ຄວາມ​ໄວ​ໃນ​ການ​ຂຽນ​ສູງ​ສຸດ​ເຖິງ 135 MB/ວິ­ນາ­ທີ ຊຶ່ງ​ເຊື່ອມ​ຕໍ່​ຜ່ານ USB 3.0 ການ​ອອກ​ແບບ​ແມ່ນ​ໃຊ້​ໂລ­ຫະ-ຫຸ້ມ​ດ້ວຍ​ຢາງ ປ້ອງ​ກັນ​ການ​ສັ່ນ​ສະ­ເທືອນ ຊຶ່ງ​ມີ​ຄວາມ​ທົນ​ທານ​ສົມ­ຄວນ.

ຂະ­ໜາດ​ບັນ­ຈຸ 256GB ນັ້ນ ຖ້າ​ປຽບ­ທຽບ​ກັບ​ການ​ຈັດ​ເກັບ​ຂໍ້​ມູນ​ເທົ່າ​ກັບ: 10 ແຜ່ນ Blu-Ray (ແຜ່ນ​ລະ 25 GB), 54 ແຜ່ນ DVD (ແຜ່ນ​ລະ 4.7 GB) ເພັງ MP3 48,640 ຟາຍ (ຟາຍ​ລະ 4 MB) ຫຼື Microsoft Word 13,473,684 ໜ້າ (ທີ​ມີ​ໃສ່​ຮູບ​ເຂົ້າ​ໄປ​ນຳ).

Kingston DataTraveler HyperX 3.0 Features and Specifications

ຄວາມ​ສາ­ມາດ​ບັນ­ຈຸ: 64 GB, 128 GB, 256 GB

ຄວາມ​ໄວ:

USB 3.0: ອ່ານ​ສູງ​ສຸດ 225 MB/s ແລະ ຂຽນ​ສູງ​ສຸດ 135 MB/s

USB 2.0: ອ່ານ​ສູງ​ສຸດ ແລະ ຂຽນ​ສູງ​ສຸດ 30 MB/s

ສາ­ມາດ​ໃຊ້​ໄດ້​ກັບ: USB 2.0 ແລະ USB 1.1 ports

ອຸ​ຫະ​ພູມ​ຂະ­ນະ​ທີ່​ເຮັດ​ວຽກ: 32°F ​ເຖິງ140°F (0°C ເຖິງ60°C)

ອຸ​ຫະ​ພູມ​ໃນ​ການ​ເກັບ​ຂໍ້​ມູນ: -4°F ເຖິງ185°F (-20°C ເຖິງ85°C)

ຫົວຂໍ້ຂ່າວອື່ນໆທີ່ໜ້າສົນໃຈ

ຄໍາເຫັນຂອງທ່ານຜູ້ອ່ານ