"ອອຟ​ຕາ" ບໍ­ລິ­ສັດ​ຮວບ​ຮວມ​ສະ­ຖິ­ຕິ​ເປີດ­ເຜີຍ​ວ່າ ລີ​ອອນ ບຣິດ​ຕັນ ກອງ​ກາງ​ຮ່າງ​ນ້ອຍ​ຂອງ​ທີມ​ສະ​ວອນ​ຊີ ຊີ​ຕີ ແຫ່ງ​ວົງການ​ເຕະ­ບານ​ອັງ­ກິດ ຄື​ຜູ້​ຫິ້ນ​ທີ່ຜ່ານ​ບານ​ທີ່​ດີ​ທີ່​ສຸດ ໃນ​ບັນ­ດາ 5ລີກ​ດັງ​ໃນ​ເອີ​ຣົບ (ອັງ­ກິດ, ແອັດ​ສະ​ປາຍ, ອີ​ຕາ​ລີ, ເຢຍ​ລະມັນ ແລະ ຝຣັ່ງ).

    ໂດຍ​ນັກ​ເຕະ​ເລືອດ​ອັງ­ກິດ​ໄວ 29 ປີ ມີ​ຄະ­ແນນ​ຄິດ​ເປັນ​ຮ້ອຍ​ລະ 93,3 % ຊຶ່ງ​ເນືອ​ກວ່າ​ຊາ​ບີ ເຮີ​ນານ​ເດ​ຊ, ອັນ​ເດຣ​ສ ອິ​ເນຍ​ສະ​ຕາ ແລະ ເຊີ​ຄິ​ໂອ ບຸ​ສ​ເກັດ 3 ກໍາ­ລັງ​ສຳ­ຄັນ​ຫຼັກ​ແດນ​ກາງ​ບາ​ເຊ​ໂລ​ນ່າ ສະ­ໂມ­ສອນ​ຍິ່ງ​ໃຫຍ່​ແຫ່ງ​ແອັດ​ສະ​ປາຍ.

     ຈາກ​ການ​ທີ່ ແບຣນ​ແດນ ຣ໊ອດ​ເຈີ ຜູ້​ຈັດ­ການ​ທີມ​ສະ​ວອນ​ຊີ ເນັ້ນ​ໃຫ້​ລູກ​ທີມ​ຈ່າຍ​ບານ​ແບບ​ແມ່ນ​ຢຳ ຈຶ່ງ​ເຮັດ​ໃຫ້​ທີມ​ສະ​ວອນຊີ ມີ­ຄ່າ​ສະ­ເລ່ຍ​ການ​ຈ່າຍ​ບານ​ຫຼາຍ​ກວ່າ​ແມນ​ ເຊ​ສ​ເຕີ ຢູ​ໄນ​ເຕັດ, ທອດ​ແນ່ມ ຮອດ​ສະ​ເປີ ແລະ ອາ​ເຊ​ນອນ ຊຶ່ງ​ເປັນ​ສະ­ໂມ­ສອນ​ຍິ່ງ ໃຫຍ່​ແຫ່ງ​ເກາະ​ອັງ­ກິດ ແຕ່​ເປັນ​ຮອງ​ພຽງ​ແຕ່ແມນ​ເຊ​ສ​ເຕີ ຊີ​ຕີ ແລະ ເຊວ​ຊີ​ເທົ່າ​ນັ້ນ.