ແລ້ວ​ໃຜ​ຈະ​ໄປ​ສູ້​ໄດ້ ! ທ່ານ​ຊານ​ໂດຣ ໂຣ​ເຊວ ປະ­ທານ​ສະ­ໂມ­ສອນ​ບາ​ເຊ​ໂລ​ນ່າ​ກ່າວ​ວ່າ ພ້ອມ​ເດີນ​ໜ້າ​ເຊັນ​ສັນ­ຍາ​ກັບ ເນ​ມາ ກອງໜ້າ​ຕົວ​ເກັ່ງ​ຈາກ​ຊານ​ໂຕ໊​ສ ພາຍ​ໃນ​ປີ 2014.

    ກອງ​ໜ້າ​ທີມ​ຊາດ​ບຣາ​ຊິນ ຫາ​ກໍ​ເຊັນ​ສັນ­ຍາ​ຄ້າ​ຝີ​ຕີນ​ກັບ​ຍອດ​ທີມ​ແຫ່ງ​ບຣາ​ຊິນ​ລາກ​ຍາວ​ໄປ​ຈົນ​ເຖິງ​ປີ 2014 ອັນ​ເປັນ​ໄປ​ຕາມຄວາມ​ປາດ​ຖະ​ໜາ​ຂອງ​ຜູ້­ກ່ຽວ​ຂໍ​ພັດ­ທະ­ນາ​ຝີ​ຕີນ​ໃນ​ບ້ານ​ເກີດ​ໃຫ້​ແຂງ​ແກ່ນ​ຂຶ້ນ​ກວ່າ​ນີ້ ຈາກ​ນັ້ນ​ຈຶ່ງ​ຄ່ອຍ​ຄິດ​ຍ້າຍ​ໄປ​ຫຼິ້ນ​ໃນ​ຕ່າງ​ແດນ ໂດຍ ໃຫ້​ຄວາມ​ສົນ­ໃຈ​ເວ­ທີ​ລາ​ລີ​ກາ​ເປັນ​ພິ­ເສດ.

     "ຫຼັງ​ຈາກ​ປີ 2014ເມື່ອ​ສັນ­ຍາ​ຂອງເນ​ມາໝົດ​ລົງ ເຮົາ​ຈະ​ໄດ້​ຮູ້​ກັນ" ປະ­ທານ​ໃຫຍ່​ທີມ​ບາ​ເຊ​ໂລ​ນ່າ​ໃຫ້​ຄຳ​ໝັ້ນ​ຜ່ານ​ສະ­ຖາ­ນີ​ວິທະ​ຍຸຄອມ ເຣ​ດິ​ໂອ.

     "ມັນ​ເປັນ​ໄປ​ໄດ້​ຕາມ​ຄວາມ​ຕ້ອງ­ການ​ຂອງ​ຕົວ​ເຂົາ​ຢາກ​ມີ​ໂອ­ກາດ​ກ້າວ​ໄປ​ຂ້າງ​ໜ້າ".