ຂີ້ເຫຍື້ອເປັນສິ່ງເສດເຫຼືອຂອງຜູ້ຄົນທີ່ໃຊ້ແລ້ວບໍ່ຕ້ອງການ ກາຍເປັນບັນຫາທີ່ຕາມມາ ຍ້ອນການເກັບມ້ຽນ ແລະ ຮັກສາ ຈຶ່ງຕ້ອງນຳໄປຖິ້ມໄວ້ບ່ອນອື່ນ ສ້າງຄວາມຮົກເຮື້ອເປິະເປື້ອນ ສ້າງຄວາມຮັບຜິດຊອບໃຫ້ເປັນຂອງຜູ້ອື່ນໆ ທັງໆທີ່ມັນກໍເກີດຂຶ້ນມາດ້ວຍນ້ຳມືຂອງຄົນມັກງ່າຍ ຄືດັ່ງທີ່ເຫັນໃນພາບນີ້.
ບັນດາຂີ້ເຫຍື້ອເຫຼົ່ານີ້ ບໍ່ແມ່ນຫາກໍມີ ມັນກໍ່ຮ່າງສ້າງໂຕຂຶ້ນມາ ແລະ ແຜ່ລາມກະຈາຍຢູ່ຕາມແຄມທາງຢູ່ 4 ແຍກໄຟແດງສີບຸນເຮືອງ (ເສັ້ນທາງອາຊຽນ) ຕັດກັບຖະໜົນໄກສອນ ພົມວິຫານ ເຊິ່ງເປັນເສັ້ນທາງຫຼັກສຳຄັນ ບໍ່ຄວນຈະເປັນສະພາບຄືດັ່ງທີ່ເຫັນເລີຍ !.
ສະພາບຂອງຖັງຂີ້ເຫຍື້ອແຄມຖະໜົນ ຕິດກັບທີ່ຢູ່ອາໄສຂອງປະຊາຊົນ ບໍ່ແມ່ນແຕ່ຈຸດດຽວນີ້ ມີຫຼາຍບ່ອນກໍປະກົດເປັນຄືກັນ ຂີ້ເຫຍື້ອທີ່ລົ້ນເຫຼືອ ອາດຈະແມ່ນຂອງຄົນທຽວທາງ ຫຼື ເຮືອນໃກ້ຄຽງ ສວຍໂອກາດຖິ້ມໃສ່ຈົນລົ້ນຊະຊາຍອອກມາແບບນີ້.
ຂີ້ເຫຍື້ອເຫຼົ່ານີ້ ບໍ່ແມ່ນມີມາແຕ່ດົນ ແຕ່ແມ່ນຫາກໍເກີດຂຶ້ນໄລຍະບຸນອອກພັນສາປະວໍລະນາ ຊ່ວງເຮືອປະເພນີທ່າວັດຈັນ 2011 ຄັ້ງຜ່ານມາ ຢູ່ຕໍ່ໜ້າອົງການແມ່ນ້ຳຂອງໃກ້ປາກປ່າສັກ.
ຫົວຂໍ້ຂ່າວອື່ນໆທີ່ໜ້າສົນໃຈ
ຄຳຝາກຈາກອ້າຍນ້ອງຈະລາຈອນ (1167)
ຄໍາເຫັນຂອງທ່ານຜູ້ອ່ານ
|
|
