ແມນ​ຊີ​ຕີ ກຽມ​ເສີມ​ ອະ​ເລັກ​ຊິ​​ສ-ເອັມ​ບາບ​ເປ

167 02 ສ.ຫ. 2017 ວົງຈອນກີລາ
ແມນ​ຊີ​ຕີ ກຽມ​ເສີມ​ ອະ​ເລັກ​ຊິ​​ສ-ເອັມ​ບາບ​ເປ

ແມນ​ເຊ​​ສ​ເຕີ ຊີ​ຕີ ເສີມ​ທັບ​ໄດ້​ຢ່າງ​ໜ້າ​ເກງ​ຂາມ ແລະ ແຕ່ລະຄົນ​ລ້ວນ​ແຕ່​ລາຄາ​ສູງ​ທັງ​ນັ້ນ ບໍ່​ວ່າ​ຈະ​ເປັນ ເບ​ນາ​ໂດ ຊິວວາ 45 ລ້ານ​ປອນ ເອ​ແດ​ສັນ 36 ລ້ານ​ປອນ ໄຄຼ ວອກ​ເກີ 50 ລ້ານ​ປອນ ດາ​ນິ​ໂລ່ 27 ລ້ານ​ປອນ ແລະ ຫຼ້າ​ສຸດ ເບນ​ຈາມິນ ເມນ​ດີ 52 ລ້ານ​ປອນ.

ອະດີດ​ຜູ້​ຈັດການ​ໃຫຍ່​ບາ​ເຊ​ໂລ​ນ່າ ​ຍັງ​ເບິ່ງ​ເຫັນ​ຈຸດ​ອ່ອນ​ຫຼາຍ​ຕຳແໜ່ງ ເມື່ອ​ພິຈາລະນາ​ຈາກ​ເກມ​ອຸ່ນ​ເຄື່ອງ​ກຽມ​ລະດູການ ຜົນງານ​ບໍ່​ຄ່ອຍ​ດີ​ເທົ່າ​ທີ່​ຄວນ ຈຶ່ງ​ຕ້ອງການ​ເສີມ​ຢ່າງ​ໜ້ອຍ 2 ຄົນ.

ຕາມ​ລາຍ​ງານ​ຈາກ "ແມນ​ເຊ​​ສ​ເຕີ ອີ​​ຟ​ນິ່ງ ນິວສ໌" ໜັງສືພິມ​ຊື່​ດັງ​ປະຈຳເມືອງ​ລະບຸ​ວ່າ ໂຄ້​​ຊ​ເປ໊ບ​ ເຫັນ​ວ່າ ​ກອງ​ໜ້າ​ຍັງຂາດ​ຄວາມ​ສຽບ​ຄົມ ແລະ ​ບໍ່​ຕ້ອງການ​ຝາກ​ຄວາມ​ຫວັງ​ໄປ​ທີ່ ເຊ​ຄິ​ໂອ ອະ​ເກວ​ໂຣ່ ແລະ ກາບ​ຣຽວ ເຮ​ຊຸ​​ສ ຫຼາຍ​ເກີນ​ໄປ.

ເປົ້າ​ໝາຍ​ອັນ​ດັບ 1 ຂອງ ກວາ​ດິ​ໂອ​ລ່າ ກໍ​ຄື ອະ​ເລັກ​ຊິ​​ສ ດາວ​ຍິງ​ສູງ​ສຸດ​ແຫ່ງ​ທີມ ອາ​ເຊ​ນ່ອນ ແລະ ເອັມ​ບາບ​ເປ ກອງໜ້າ​ດາວ​ຮຸ່ງ​ພຸ່ງ​ແຮງຂອງ​ໂມ​ນາ​ໂກ ເຖິງ​ແມ່ນ​ທັງ​ຄູ່​ຄ່າ​ຕົວ​ລວມ​ກັນ​ອາດ​ຫຼາຍ​ກວ່າ 200 ລ້ານ​ປອນ​ກໍ​ຕາມ.

ຂ່າວທີ່ກ່ຽວຂ້ອງ