ໄຊເຊດຖາ ທຳລາຍຕູ້ຢອດຫຼຽນ

245 14 ກ.ກ. 2017 ຂ່າວໜ້າ​ໜຶ່ງ

ຫ້ອງການ ຖວທ ເມືອງ​ໄຊເຊດ​ຖາ ນະຄອນຫຼວງ​ວຽງ​ຈັນ ສົມທົບ​ກັບ​ຫ້ອງ​ວ່າການ​ປົກຄອງເມືອງ ແລະ ພາກສ່ວນ​ກ່ຽວຂ້ອງ ໄດ້​ທຳລາຍ​ຕູ້​ເກມ​ຢອດ​ຫຼຽນ​ຈຳນວນ 9 ໜ່ວຍ ຂຶ້ນ​ວັນ​ທີ 7 ກໍ​ລະກົດ 2017 ທີ່​ເຂດ​ໜອງ​ໜ່ຽງ ເຊິ່ງຕູ້​ເກມ​ດັ່ງກ່າວ ​ໄດ້​ຢຶດ​ມາ​ຈາກ​ຜູ້ປະກອບ​ການ​ທີ່​ຜິດ​ກົດໝາຍ​ພາຍໃນ​ເມືອງ​ໃນ​ປີຜ່ານມາ ໂດຍ​ເຂົ້າຮ່ວມ​ຂອງ​ທ່ານ ພຸດ​ທະ​ສອນ ໄຊສົງຄາມ ວ່າການ​ຫົວໜ້າ​ຫ້ອງການ ຖວທ ເມືອງ​ໄຊ​ເຊດ​ຖາ ມີບັນດາ​ຫ້ອງການ​ທີ່​ກ່ຽວຂ້ອງ.

ທ່ານ ພຸດ​ທະ​ສອນ ໄຊ​ສົງຄາມ ກ່າວ​ວ່າ: ໃນ​ປີ 2016 ຫ້ອງການ ຖວທ ເມືອງ​ໄຊ​ເຊດ​ຖາ ໄດ້​ສົມທົບ​ກັບຫ້ອງການ​ອຸດສາຫະກຳການ​ຄ້າ ​ປກສ ເມືອງ ​ປກສ ກຸ່ມບ້ານ ແລະ ອຳນາດ​ການ​ປົກຄອງບ້ານ ແລະ ພາກສ່ວນ​ກ່ຽວຂ້ອງພາຍ​ໃນ​ເມືອງ ​ໄດ້​ລົງ​ແກ້​ໄຂ​ບັນດາ​ຮ້ານ​ເກມ​ຜິດ​ກົດໝາຍ ເກມຢອດ​ຫຼຽນ ເກມ​ອິນ​ເຕີ​ເນັດ ເກມປະເພດ​ຕ່າງໆ ຈຳນວນ 8 ຄັ້ງ ພົບ​ຮ້ານ​ເກມ​ຜິດ​ກົດໝາຍ 31 ຮ້ານ ໃນ​ນັ້ນ ຮ້ານ​ອິນ​ເຕີ​ເນັດ​ທີ່​ມີຮູບ​ແບບ​ການ​ຫຼິ້ນ​ພະນັນ 18 ຮ້ານ ຮ້ານ​ເກມ​ທົ່ວ​ໄປ 4 ຮ້ານ ຮ້ານເກມ​ຢອດ​ຫຼຽນ 7 ຮ້ານ ເກມ​ເຝິກສະໝອງ 2 ແຫ່ງ ໄດ້​ຢຶດ​ຕູ້​ເກມຢອດ​ຫຼຽນ 26 ໜ່ວຍ ໃນ​ນັ້ນ ນຳມາ​ທຳລາຍ 9 ໜ່ວຍ.

ຂ່າວທີ່ກ່ຽວຂ້ອງ