EU ຕໍ່​ກຳ­ນົດ​ພາ­ລະ­ກິດ​ຊ່ວຍ­ເຫຼືອ​ປາ​ແລ​ັສ​ຕິນ

160 06 ກ.ກ. 2017 ຂ່າວຕ່າງປະເທດ
EU ຕໍ່​ກຳ­ນົດ​ພາ­ລະ­ກິດ​ຊ່ວຍ­ເຫຼືອ​ປາ​ແລ​ັສ​ຕິນ

ເມື່ອ​ບໍ່​ດົນ​ມາ​ນີ້ ສະ­ພາ​ເອີ​ຣົບ (EC) ໄດ້​ຕົກ­ລົງ​ຕໍ່​ກຳ­ນົດ​ການ​ປະ­ຕິ­ບັດ​ໜ້າ­ທີ່​ຂອງ​ອົງ­ການ​ປະ­ສານ​ງານ​ຂອງ​ສະ­ຫະ­ພາບ​ເອີ​ຣົບ (EU) ກ່ຽວ​ກັບ​ການ​ຊ່ວຍ­ເຫຼືອ​ກອງ​ກຳ­ລັງ​ຕຳ­ຫຼວດ​ຢູ່​ໃນ​ດິນ­ແດນ​ປາ​ແລ​ັສ​ຕິນ (EUPOL COPPS) ລວມ​ເຖິງ​ໜ້າ­ທີ່​ການ​ຊ່ວຍ­ເຫຼືອ​ຂອງ EU ກ່ຽວ​ກັບ​ການ​ຊ່ວຍ­ເຫຼືອ​ຢູ່​ໃນ​ເຂດ​ຣາ​ຟາ (EU BAM Rafah) ຕື່ມ​ອີກ 1 ປີ ໄປ​ຮອດ​ວັນ​ທີ 30 ມິ­ຖຸ­ນາ ປີ 2018.

ພາ­ລະ­ກິດ​ດັ່ງ­ກ່າວ ເປັນ​ສ່ວນ​ໜຶ່ງ​ໃນ​ຄວາມ​ພະ­ຍາ­ຍາມ​ຂອງ EU ໃນ​ການ​ສະ­ໜັບ­ສະ­ໜູນ​ການ​ສ້າງ­ຕັ້ງ​ລັດ​ປາ​ແລ​ັສ​ຕິນ ໃນ​ຂອບ​ຂອງ​ມິ​ຕິ​ຮອບ­ດ້ານ​ໃຫ້​ແກ່​ການ​ພິ­ພາດ ລະ­ຫວ່າງ​ປາ ແລ​ັສ​ຕິນ ກັບ ອິ​ສຣາ​ແອນ ໂດຍ​ອີງ­ໃສ່​ວິ­ທີ​ການ​ແກ້​ໄຂ​ສອງ​ລັດ.

EUPOL COPPS ໄດ້​ໃຫ້​ຄວາມ​ຊ່ວຍ­ເຫຼືອ​ອຳ­ນາດ​ການ​ປົກ­ຄອງ​ປາ​ແລ​ັສ​ຕິນ ໃນ​ການ​ສ້າງ​ອົງ​ປະ­ກອບ​ຂອງ​ປະ­ເທດ​ປາ​ແລ​ັສ​ຕິນ​ໃນ​ອະ­ນາ­ຄົດ ສຳ­ລັບ​ຂົງ­ເຂດ​ຕຳ­ຫຼວດ ແລະ ຍຸ­ຕິ​ທຳ​ທາງ​ອາ­ຍາ ນັບ​ແຕ່​ເດືອນ​ມັງ­ກອນ ປີ 2006 ເປັນ­ຕົ້ນ​ມາ.

ງົບ­ປະ­ມານ​ບ້ວງ​ໜຶ່ງ​ໃນ​ມູນ​ຄ່າ 12,3 ລ້ານ​ເອີ​ໂຣ ໄດ້​ຮັບ​ການ​ຈັດ​ສັນ​ໃຫ້​ແກ່​ການ­ເຄື່ອນ­ໄຫວ​ຂອງ EUPOL COPPS ນັບ​ແຕ່​ວັນ​ທີ 1 ກໍ­ລະ­ກົດ ປີ 2017 ໄປ​ຮອດ​ວັນ​ທີ 30 ມິ­ຖຸ­ນາ ປີ 2018 ໃນ​ຂະ­ນະ​ດຽວ​ກັນ EC ກໍ​ຕໍ່​ກຳ­ນົດ​ໜ້າ­ທີ່​ຂອງ EU BAM Rafah ໄປ​ຮອດ​ວັນ​ທີ 30 ມິ­ຖຸ­ນາ ປີ 2018 ເຊັ່ນ​ກັນ.

ຂ່າວທີ່ກ່ຽວຂ້ອງ