ສສວ ຈັດກອງປະຊຸມປະຈໍາປີ-ວາງສະແດງສິນຄ້າກ່ຽວກັບການກໍ່ສ້າງ

134 16 ມິ.ນ. 2017 ຂ່າວໜ້າ​ໜຶ່ງ
ສສວ ຈັດກອງປະຊຸມປະຈໍາປີ-ວາງສະແດງສິນຄ້າກ່ຽວກັບການກໍ່ສ້າງ

ກອງປະຊຸມປະຈໍາປີ 2017 ຂອງສະມາຄົມ ສະຖາປານິກ ແລະ ວິສະວະກໍາກໍ່ສ້າງລາວ (ສສວ) ໄດ້ຈັດຂຶ້ນວັນທີ 15 ມິຖຸນາ 2017 ຢູ່ໂຮງແຮມດອນຈັນພາເລດ ໂດຍມີທ່ານ ບຸນເຫຼື່ອມ ສີສຸລາດ ຜູ້ຊ່ວຍລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ) ທີ່ປຶກສາ ແລະ ສະມາຊິກກິດຕິມະສັກ ສສວ ທ່ານ ພອນໄຊ ສຸດທິພົງ ປະທານ ສສວ ທ່ານນາງ ສາຍຄໍາ ທໍາມະໂນສຸດ ຄະນະບໍລິຫານງານ ສສວ ພ້ອມດ້ວຍແຂກຖືກເຊີນ ບັນດາຜູ້ປະກອບການທັງພາຍໃນ ແລະ ຕ່າງປະເທດເຂົ້າຮ່ວມ.

ທ່ານ ບຸນເຫຼື່ອມ ສີສຸລາດ ໄດ້ກ່າວວ່າ: ສສວ ສ້າງຕັ້ງຂຶ້ນປີ 2006 ເຊິ່ງເປັນສະມາຄົມໜຶ່ງທີ່ມີບົດບາດສໍາຄັນ ແລະ ປະກອບສ່ວນຢ່າງຫ້າວຫັນໃນການພັດທະນາເສດຖະກິດ-ສັງຄົມຂອງ ສປປ ລາວ ໂດຍສະເພາະການອອກແບບດ້ານສະຖາປັດຕະຍະກໍາທີ່ມີຄວາມສວຍງາມ ໂດດເດັ່ນ ແລະ ມີການສົ່ງເສີມເອກະລັກຂອງລາວ ດ້ານວິສະວະກໍາ ກໍ່ມີຜົນງານໂດດເດັ່ນກ້າວໜ້າ ແລະ ມີການນໍາໃຊ້ເຕັກໂນໂລຊີທີ່ທັນສະໄໝ ເຂົ້າໃນວຽກງານກໍ່ສ້າງ ລວມທັງການສົ່ງເສີມການນໍາໃຊ້ວັດສະດຸກໍ່ສ້າງພາຍໃນ ສົມທົບກັບການນໍາໃຊ້ວັດສະດຸທັນສະໄໝ ການປະກອບສ່ວນຜົນງານທີ່ດີດັ່ງກ່າວນັ້ນ ກໍ່ຍ້ອນ ສສວ ມີສາຂາຢູ່ທົ່ວປະເທດ ແລະ ມີສະມາຊິກ ລວມທັງນັກສະຖາປານິກ ແລະ ວິສະວະກໍາ 1.782 ທ່ານ ສໍາລັບກອງປະຊຸມຄັ້ງນີ້ ຈະໄດ້ລາຍງານຜົນງານການເຄື່ອນໄຫວໃນ 1 ປີຜ່ານມາ ແລະ ສະເໜີທິດທາງແຜນການໃນຕໍ່ໜ້າ.

ຂ່າວທີ່ກ່ຽວຂ້ອງ