ຄັດ​ເລືອກ​ນັກ­ກີ­ລາ​ເຕະ­ບານ​ຊາຍ ຊີງ​ຂັນ ອາ​ຊຽນ 2017

197 12 ມິ.ນ. 2017 ວົງຈອນກີລາ
ຄັດ​ເລືອກ​ນັກ­ກີ­ລາ​ເຕະ­ບານ​ຊາຍ ຊີງ​ຂັນ ອາ​ຊຽນ 2017

ອີງ​ຕາມ​ຂໍ້​ມູນ​ຈາກ​ສະ­ຫະ­ພັນ​ບານ­ເຕະ​ແຫ່ງ​ຊາດ​ລາວ ໃຫ້​ຮູ້​ວ່າ: ທ່ານ ກັນ­ລະ­ຍາ ສີ​ສົມ​ຫວັງ ຫົວ­ໜ້າ​ຄູ​ເຝິກ​ໃຫຍ່​ທີມຊາດ​ລາວ ຮຸ່ນ​ອາ​ຍຸ​ຸ​ບໍ່​ເກີນ 15 ປີ ທີ່​ໄດ້​ນຳ­ພາ​ນັກ­ກີ­ລາ 46 ຄົນ ເກັບ​ຕົວ​ເຝິກ­ຊ້ອມ​ຮ່ວມ​ກັນ​ມາ​ເປັນ​ເວ­ລາ 1 ເດືອນ ທີ່​ສູນເຝິກ​ກີ­ລາ​ບານ­ເຕະ​ແຫ່ງ​ຊາດ (ຫ້ວຍ​ຫົງ) ສາ­ມາດ​ເລືອກ​ໄດ້ 31 ຄົນ ເພື່ອ​ເຂົ້າ​ສູນ​ເກັບ​ຕົວ​ເຝິກ­ຊ້ອມ ແລະ ກຽມ​ຄັດເລືອກ​ອີກ​ຄັ້ງ​ໃຫ້​ເຫຼືອ​ພຽງ 23 ຄົນ​ສຸດ​ທ້າຍ ເພື່ອ​ເຂົ້າ​ຮ່ວມ​ການ​ແຂ່ງ­ຂັນ​ບານ­ເຕະ​ຊີງ​ຂັນ​ອາ​ຊຽນ ປະ­ຈຳ​ປີ 2017 ທີ່​ປະ­ເທດ​ໄທ ເປັນ​ເຈົ້າ­ພາບ ລະ­ຫວ່າງ​ວັນ​ທີ 9-22 ກໍ­ລະ­ກົດ 2017.

ສຳ­ລັບ​ນັກ­ກີ­ລາ​ຈຳ­ນວນ 31 ຄົນ ປະ­ກອບ​ມີ: ຜູ້​ຮັກ­ສາ​ປະ­ຕູ: ນ້ອຍ ດິດ​ພາ​ວົງ ທານ​ຕະ​ວັນ ລາບ​ໜອງ​ແສງ ດີ້ມ ພຸດ​ທະວົງ ແລະ ວິ­ລະ​ພົງ ພູມ​ສະ​ຫວັດ ​ກອງ​ຫຼັງ: ສົງ­ການ ສີ​ຈັນ­ທະ​ວົງ ສົມ​ປາດ​ຖະ​ໜາ ວໍ­ລະ​ວົງ ສີ​ສຸ­ວັນ ຄຳ​ຕົ້ນ ນ້ອຍ ພົນ​ທອງສີ ຕີ້ ທະ­ນະ​ກອນ ຫັດ​ສະ​ຈັນ ພອນ​ພະ­ຈັນ ຄຳ​ໝັ້ນ ຈັນ​ມະ­ນີ ຊີ​ດີ ພົມ​ສະ​ຫວັດ ອາ­ລີ​ສັນ ເມືອງ​ວົງ­ສາ ແລະ ສົມ​ຊາຍ ກຸນນຸ​ວົງ ກອງ​ກາງ: ຄຳ​ສະ­ຫວັນ ລ້ວນ​ທຳ​ມະ​ຂັນ ອາ­ນັນ­ທະ​ນາ ຈັນ­ທະ​ມາ­ລີ ພູ​ມິນ ຄຳ​ພິ​ວົງ ພູ​ວຽງ ພູມ​ສະ​ຫວັດ ວິ­ລະ​ສັນ­ຕິ ພອນ​ສາ­ລະ​ເສນ ເພັດ​ສະ­ຫວັນ ສຸ­ວັນ­ນະ​ວົງ ມີ​ໄຊ ຄຳ​ປະ­ດິດ ພຸດ​ທະ​ລັກ ທອງ​ສະ­ໜິດ ອາ​ນຸ​ສອນ ໄຊ​ປັນ­ຍາ ເລັກ​ໂຕ ຫຼວງ​ອາ​ໄພ ສຸ­ບັນ ແກ້ວ​ເພັດ ແລະ ພອນ​ສະ­ຫວັນ ແກ້ວ​ມະ­ນີ​ວົງ ​ກອງ​ໜ້າ: ອາ­ຄົມ ທໍ­ລະ​ນິນ ໂຈ​ນີ້ ແຫວນ​ປະ­ເສີດ ສຸ­ພັນ ຄຳ­ໃບ​ອ່ອນ ບຸນ​ມີ ປິ່ນ​ແກ້ວ ແລະ ສຸດ​ທະ​ຫວິນ ຫຼວງ​ຜ່ານ.

ຂະ­ນະ​ທີ່​ການ​ແຂ່ງ­ຂັນ​ບານ­ເຕະ​ຊາຍ​ ຊີງ​ຂັນ ​ອາ​ຊຽນ ຮຸ່ນ​ອາ­ຍຸ​ບໍ່​ເກີນ 15 ປະ­ຈຳ​ປີ 2017 ຈະ​ຈັດ​ຂຶ້ນ​ທີ່​ແຂວງ​ຊົນ​ບູ​ຣີ ປະ­ເທດ​ໄທ ມີ 12 ປະ­ເທດ​ເຂົ້າ​ຮ່ວມ ແບ່ງ​ອອກ​ເປັນ 2 ກຸ່ມ​ຄື: ກຸ່ມ A: ອົດ​ສະ​ຕຣາ​ລີ ໄທ ລາວ ມຽນ​ມາ ອິນ​ໂດ​ເນ​ເຊຍ ແລະ ສິງ­ກະ­ໂປ ແລະ ກຸ່ມ B: ຫວຽດ­ນາມ ກຳ­ປູ­ເຈຍ ຕີ​ມໍ​ເລ​ສ​ເຕ ຟີ​ລິບ​ປິນ ມາ​ເລ​ເຊຍ ແລະ ບຣູ​ໄນ.

ຂ່າວທີ່ກ່ຽວຂ້ອງ