ຫຼາຍບັນຫາຈະພິຈາລະນາ ໃນກອງປະຊຸມສະໄໝສາມັນເທື່ອທີ 3

387 21 ມ.ສ. 2017 ຂ່າວໜ້າ​ໜຶ່ງ
ຫຼາຍບັນຫາຈະພິຈາລະນາ ໃນກອງປະຊຸມສະໄໝສາມັນເທື່ອທີ 3

ປະຕິບັດ​ຕາມ​ມາດຕາ 57 ຂອງ​ລັດ​ຖະ​ທຳ​ມະນູນ ແຫ່ງ ​ສປປ ລາວ ສະບັບ​ປັບປຸງ​ປີ 2015 ແລະ ມາດຕາ 58 ຂອງ​ກົດໝາຍວ່າ​ດ້ວ​ສະພາ​ແຫ່ງ​ຊາດ ໄດ້​ກຳນົດ​ໃຫ້​ສະພາ​ແຫ່ງ​ຊາດ​ ຈັດ​ກອງປະຊຸມ​ສະໄໝ​ສາມັນ​ຂອງ​ຕົນ​ປີລະ 2 ຄັ້ງ ເຊິ່ງ​ກອງ​ປະຊຸມ​ສະໄໝສາມັນ​ເທື່ອ​ທີ 3 ຂອງ​ສະພາແຫ່ງ​ຊາດ​ ຊຸດ​ທີ VIII ຈະ​ໄດ້​ໄຂ​ຂຶ້ນວັນ​ທີ 25 ເມສາ ແລະ ດຳເນີນໄປ​ຮອດ​ວັນ​ທີ 18 ພຶດສະພາ 2017 ທີ່​ສະພາ​ແຫ່ງ​ຊາດ ຈະ​ໃຊ້ເວລາ 17 ວັນ (ບໍ່​ລວມ​ວັນ​ພັກ​ລັດຖະ​ການ).

ກອງ​ປະຊຸມ​ສະໄໝ​ສາມັນເທື່ອ​ທີ 3 ຂອງ​ສະພາ​ແຫ່ງ​ຊາດ ຊຸດ​ທີ VIII ຈະ​ໄດ້​ຮັບ​ຟັງ​ການ​ລາຍງານ ພິຈາລະນາ ແລະ ຕົກລົງບັນຫາ​ສຳຄັນ​ຕ່າງໆ​ຂອງ​ຊາດ.

ສະນັ້ນ ຂໍ​ເຊີນຊວນ​ບັນດາ​ພະນັກງານ ລັດຖະກອນ ທະຫານ ຕຳຫຼວດ ນັກຮຽນ ນັກ​ສຶກ​ສາ ປັນຍາຊົນ ກຳມະກອນ ຕະຫຼອດ​ຮອດພໍ່ຄ້າ​ຊາວ​ຂາຍ ປະຊາຊົນ​ລາວບັນດາເຜົ່າ​ທຸກ​ຊັ້ນ​ຄົນ​ໃນ​ທົ່ວ​ປະເທດ ແລະ ພີ່ນ້ອງ​ຊາວ​ລາວ​ທີ່ອາໄສ​ຢູ່​ຕ່າງປະເທດ ຈົ່ງ​ຕິດຕາມການ​ດຳເນີນ​ກອງ​ປະຊຸມ​ສະໄໝສາມັນ​ເທື່ອ​ທີ 3 ຂອງ​ສະພາ​ແຫ່ງຊາດ ​ຊຸດ​ທີ VIII ສາມາດ​ສົ່ງ​ຄຳຄິດ​ເຫັນ ແລະ ຄຳ​ສະເໜີ​ໄປ​ຍັງກອງ​ປະຊຸມ ໂດຍ​ການ​ໂທລະສັບບໍ່​ເສຍ​ຄ່າ​ໝາຍ​ເລກ 156 ໂທລະ​ສານ 021 452627 ສົ່ງ​ເປັນຈົດໝາຍ​ທາງ​ໄປສະນີ ຕູ້ ​ປນ. 622 ແລະ ສົ່ງ​ອີ​ເມວ na_session@na.gov.la.

ພິທີ​ຖະແຫຼງ​ຂ່າວ​ກອງ​ປະຊຸມ ໄດ້​ມີ​ຂຶ້ນ​ວັນ​ທີ 20 ເມສາ 2017 ທີ່​ສະພາ​ແຫ່ງ​ຊາດ ໂດຍ​ການ​ຖະແຫຼງ​ຂອງ​ທ່ານ​ນາງ ສວນ​ສະຫວັນ ວິ​ຍະ​ເກດ ກຳມະການ​ຄະນະ​ປະຈຳເລຂາທິການ​ສະພາແຫ່ງ​ຊາດ ມີ​ສື່​ມວນ​ຊົນ​ເຂົ້າຮ່ວມ.

ຂ່າວທີ່ກ່ຽວຂ້ອງ