ແມນ​ຢູ ກຽມ​ທຸ່ມ​ງົບ 173 ລ້ານ​ປອນ ຄວ້າ ເນ​ມາ ຮ່ວມ​ທີມ

844 03 ມ.ສ. 2017 ວົງຈອນກີລາ
ແມນ​ຢູ ກຽມ​ທຸ່ມ​ງົບ 173 ລ້ານ​ປອນ ຄວ້າ ເນ​ມາ ຮ່ວມ​ທີມ

ຄວາມ​ເຄື່ອນ​ໄຫວ​ຂອງ​ຖິ່ນ​ໂອ​ລ ແທຣບ​ຟອດ ຫຼ້າ​ສຸດ ແມນ​ເຊ​ສ​ເຕີ ຢູ​ໄນ​ເຕັດ ຂອງ​ໂຈ​ເຊ່ ມູ​ຣິນໂຢ່ ຕົກ​ເປັນ​ຂ່າວ​ກັບ ເນ​ມາ ດາວ​ດັງຕົວ​ເກ່ງຂອງ​ບາ​ເຊ​ໂລ​ນາ​ອີກ​ຄັ້ງ ເຊິ່ງ​ຄັ້ງ​ນີ້​ສື່​ຕ່າງ​ແດນຕ່າງ​ກໍ່​ລະ­ບຸ​ວ່າ ແມນ​ຢູ ທີມຍິ່ງ​ໃຫຍ່​ແຫ່ງ ພຣີ​ເມຍ ລີກ ພ້ອມ​ລົງ­ທຶນ​ມະ­ຫາ­ສານ ​ຈ່າຍຄ່າ​ຕົວ​ດາວເຕະ​ທີມ​ຊາດ​ບຣາຊິນ ໃຫ້​ບາ​ເຊ​ໂລ​ນາ ພິ­ຈາ­ລະ­ນາ ເປັນ​ວົງ​ເງິນ​ເຖິງ 173 ລ້ານ​ປອນ ເຊິ່ງ​ແນ່­ນອນ​ວ່າ​ເປັນ​ສະ­ຖິ­ຕິໂລກ​ໃໝ່​ແນ່­ນອນ ຫາກ​ການຊື້​ຂາຍ​ນີ້​ເກີດ​ຂຶ້ນ​ຈິງ.

ໃນ​ສ່ວນ​ຕົວ​ຂອງ​ອະ­ດີດ​ນັກເຕະ​ຊານ​ໂຕ​ສ ໄວ 25 ປີ ເບີ 11 ແມນ​ຢູ ກໍ​ພ້ອມ​ຈ່າຍ​ຄ່າ​ແຮງ​ລໍ້​ຕາ​ລໍ້​ໃຈ​ໃຫ້​ເຖິງ ອາ­ທິດ​ລະ 415.000 ປອນ ເຊິ່ງ​ເປັນ​ຕົວ​ເລກ​ທີ່​ຫຼາຍ​ທີ່​ສຸດ​ໃນ​ພຣີ​ເມຍ ລີກ ເຊື່ອ​ວ່າ​ຈະ​ເຮັດ​ໃຫ້​ຜູ້ກ່ຽວ​ປະ­ຕິ­ເສດ​ບໍ່​ລົງ.

ຂ່າວທີ່ກ່ຽວຂ້ອງ