ດັບເຫງົາ ເຊົາຄຽດ - ໂດຍ : ບ່າວກະບື : ເຖົ້າ​ຊອກ​ເລື່ອງ

840 03 ມ.ສ. 2017 ຫົວຂໍ້ຂ່າວອື່ນໆ

ຊາຍ​ເຖົ້າ​ຄົນ​ໜຶ່ງ​ອາ­ຍຸ​ຍ່າງ​ເຂົ້າ 70 ປີ ແຕ່​ຍັງ​ສະ­ຫຼອກ­ກອກ​ຊອກ​ຫາ​ສາວໆ​ອາ­ຍຸ​ເອາະໆ​ຊ່ຳ​ຫຼານ ບໍ່​ພຽງ​ແຕ່​ເທົ່າ​ນັ້ນ ເຂົາ​ຍັງ​ຊອກ​ຫາ​ໝໍ​ທີ່​ມີ​ເວດ­ມົນ ​ເພື່ອ​ເສກ​ໃຫ້​ເມຍ​ຂອງ​ຕົນ​ໜຸ່ມ​ໃນ​ໄວ​ເອາະໆ​ນຳ.

ໝໍ​ມົນ: “ເມຍ​ເຈົ້າ​ອາ­ຍຸ 65 ປີ ເຮົາ​ຊິ​ເສກ​ໃຫ້​ໜຸ່ມ​ໃນ​ໄວ 45 ປີ​ນໍ?”

ຊາຍ​ເຖົ້າ: “ເອົາ​ໜຸ່ມ​ກວ່າ​ນັ້ນ​ອີກ”

ໝໍ​ມົນ: “ເອົາ 30 ປີ​ນໍ”

ຊາຍ​ເຖົ້າ: “ຫຼຸດ​ກວ່າ​ນັ້ນ​ອີກ”

ໝໍ​ມົນ: “ເທົ່າ­ໃດ ?”

ຊາຍ​ເຖົ້າ: “15”

ແລ້ວ​ໝໍ​ມົນ​ກໍ່​ຈັດ­ການ​ໃຫ້ ຈາກ​ນັ້ນ​ບໍ່​ເຖິງ​ອາ­ທິດ ຊາຍ​ເຖົ້າ​ກໍ່​ຄາດ​ລາດ​ໄປ​ຫາ​ໝໍ​ມົນ ແລະ ຂໍ​ຮ້ອງ​ໃຫ້​ເສກ​ໃຫ້​ນາງ​ເມຍ​ມີ​ອາ­ຍຸ 65 ປີ​ຄື­ເກົ່າ ເພາະ​ທົນ​ຄົນ​ເອີ້ນ​ຕົນ​ວ່າ “ບັກ​ເຖົ້າ​ຫົວ​ງູ” ບໍ່​ໄດ້ !.

ຂ່າວທີ່ກ່ຽວຂ້ອງ